Осия 4:1 - Ыдыктыг Библия

¹ Израиль чон, Дээрги-Чаяакчының сөстерин дыңна! Дээрги-Чаяакчы бо черниң чурттакчылары-биле чаргылдажып турар-дыр, бо черде чөптүг-шынныг чорук, энерел, Бурганны билип аарынче чүткүл чок-тур.

Осия 4:1 Iomraidhean Croise

3 Хааннар 22:19

А Михей уламчылап чугаалаан: «Ам Дээрги-Чаяакчының чугаалаан сөзүн дыңнап көр. Мен Дээрги-Чаяакчыны Ону долгандыр турар дээрниң аг-шерии-биле кады Бодунуң дүжүлгезинде саадап олурар кылдыр көрдүм.

Исайя 1:10

Дээрги-Чаяакчының сөзүн дыңнаңар, Содомнуң чагырыкчылары! Бурганывыстың хоойлузун кичээнгейге ал, Гоморраның чону!

Исайя 1:18

Чедип келиңер, бо бүгүнү кады үзе шиитпирлеп көрээли – деп, Дээрги-Чаяакчы чугаалап тур. – Силерниң бачыттарыңар кып-кызыл өңнүг-даа болза, хар ышкаш ак апаар; бачыттарыңар хүрең-кызыл будук дег-даа болза, ак хой дүгү дег апаар!

Исайя 28:14

Дээрги-Чаяакчының сөзүн тооп дыңнаңар, кочуургактар, бо чоннуң Иерусалимде саадаан чагырыкчылары!

Исайя 34:1

Чоннар, чоокшулап келгеш, дыңнаңар, аймактар, кичээнгейден салыңар! Чер-делегей болгаш ону долган бүгү чүве, өртемчей болгаш ында төрүттүнген бүгү чүве дыңназын!

Исайя 34:8

Ийе, Дээрги-Чаяакчыда – өжээн негээшкининиң үези бар, Сионнуң хомудалы дээш кезедириниң чылы бар.

Исайя 5:3

Эжим мынча дээн: «Иерусалимниң чурттакчылары, Иудеяның чону, силер ам виноградым шөлү-биле Мээң чаргымны чарып көрүңер.

Исайя 59:4

Кым-даа шииткел черинге чөптүг чорукче кыйгырбайн турар, кым-даа шынныы-биле чаргылдашпайн турар: улус хоозун барымдааларга ынанып, меге чүве чугаалап, хай-бачыт ботталдырып, бузут-бак төрүп турар.

Исайя 59:8

Олар тайбың деп чүве билбес, оларның оруктарында чөптүг чорук чок; оларның оруу ыргак-дагыр, олап чоруп турар бүгү улус амыр-тайбың билбес.

Исайя 66:5

Дээрги-Чаяакчының сөзүнден сүрээдеп турар улус, Ооң сөзүн дыңнаңар: «Силерни көөр хөңнү чок база силерни Мээң адым ужун үндүр сывырып турар ха-дуңмаңар: „Дээрги-Чаяакчы Бодун алдаржытсын, Ол силерни өөртсүн, а бис көрээли!“ – дээн. Ынчалза-даа олар бак атка кирер.

Иеремия 11:7

Мен силерниң ада-өгбеңерни Египеттен үндүре берген хүнүмден эгелээш, сагындырып келген мен, оларга бөгүнге чедир катап-катап сагындырып шаг болдум. Оларга: „Мээң сөзүмге чагыртыңар!“ – деп турдум.

Иеремия 19:3

Мынча дээр сен: „Иудеяның хааннары, Иерусалимниң чурттакчылары, Аг-шериглиг Дээрги-Чаяакчы – Израильдиң Бурганының чугаа-сөзүн дыңнаңар! Мен бо черже айыыл-халап ыдарымга, ооң дугайында дыңнаан кижи бүрүзүнүң кулаа түүгейни бээр.

Иеремия 2:4

Иаковтуң салгалы, Израильдиң бүгү аймактары, Дээрги-Чаяакчының сөзүн дыңнаңар!

Иеремия 2:9

Ол дээш Мен силер-биле чаргылдажыр мен – деп, Дээрги-Чаяакчы медеглээн. – Силерниң салгалыңар-биле база чаргылдажыр мен.

Иеремия 25:31

Диңмирээшкин чер-делегейниң кыдыынга чедир дагжаар, чүге дээрге Дээрги-Чаяакчы чоннар-биле маргыжар, Ол бүгү улус-биле чаргылдажыр, кем-буруулугларны хылыш-биле шаштыртып каар». Дээрги-Чаяакчының медеглээн чүвези ол-дур.

Иеремия 34:4

Ындыг-даа болза, Дээрги-Чаяакчының сөзүн тооп дыңна, Иудеяның хааны Седекия! Дээрги-Чаяакчы сеңээ хамаарыштыр мынча дээн: хылыштан өлбес сен,

Иеремия 4:22

«Мээң чонум мелегей-дир, Мени билбес-тир! Угаан кирбээн уруглар дег, сарыыл чок-тур; олар чүгле бузут үүлгедир талазы-биле мергежээн, а буян кылып билбес-тир».

Иеремия 4:28

Ынчангаш чер ыглап-сыктаар, бедик дээр карара бээр; шиитпиримни үндүрген мен, ам ону өскертпейн, күүседир мен» – деп чугаалаан болгай.

Иеремия 5:4

Мен ынчан: «Бо-даа карачал улус-тур, олар бүдүүлүк болгаш, Дээрги-Чаяакчының оруун, боттарының Бурганының дүрүмнерин билбес болгай.

Иеремия 51:5

Чүге дээрге Израиль биле Иудеяның черин Аг-шериглиг Дээрги-Чаяакчыга удур үүлгеткен бачыттары долган-даа болза, ыдыктыг Бурган оларны каапкаш барбаан-дыр.

Иеремия 6:13

Олар шупту, улуу-даа, бичези-даа, чүгле ажык-кончаа сүрүп, Бурганның медээчизинден эгелээш, Ооң бараалгакчызынга чедир меге чүүл кылып чоруур болгай.

Иеремия 7:28

Ынчан оларга: „Боттарының Бурганы, Дээрги-Чаяакчызының сөзүн тооп дыңнавас, чагыг-сургаалды хүлээп албас чон бо-дур! Алыс шын ам оларда чок-тур, оларның аксынга ол эптешпээн-дир!“ – деп чугаалаар сен.

Иеремия 9:20

Дээрги-Чаяакчының сөзүн дыңнаңар, херээжен чон! Силерниң кулааңар Ооң сөзүн тооп дыңназын. Уругларыңарны ыглап-сыктап билир кылдыр өөредиңер, бирээңер өскеңерни кажыыдап ыглаарынга өөредиңер.

Иеремия 9:3

Оларның мегечи дылы кирижээн ча дег-дир. Олар чер кырынга шын эвес чүүл-биле күш кирип, бир кемниг херекке улаштыр өскезин үүлгедип чоруур. «Олар Мени билбес – деп, Дээрги-Чаяакчы медеглээн. –

Иеремия 9:7

Ынчангаш Аг-шериглиг Дээрги-Чаяакчы: «Оларны эзилдирер, шенээр мен! Мээң күжүр чонум-биле оон өскээр канчаар деп мен?

Иезекиил 16:35

Ынчангаш, самыыраан Израиль, Дээрги-Чаяакчының сөзүн дыңна!

Осия 12:2

Дээрги-Чаяакчы Иудея-биле база чаргылдажып турар, Ол Иаковтуң үре-салгалынга ооң оруктары дээш, үүлгеткен херектерин барымдаалап, кеземче онаар.

Осия 12:3

Иаков иезиниң иштинге-ле бодунуң акызын ажып эрткен, а күш-шыдалы четчи бергеш, Бурган-биле сегиржип алган.

Осия 5:1

«Бурганның бараалгакчылары, ол бүгүнү дыңнаңар, израиль чон, ол бүгүнү кичээнгейге ап көр, хаанның өг-бүлези, кулааңар ээктириңер; силерни ам шиидер-ле болгай. Мицпа хоорайга – какпа, Фавор дагга – чада салган четки бооп турдуңар.

Осия 5:4

Үүлгедиглери израильчилерни Бурганынче ээлдирбейн турар, самыыраашкынның сүлдези оларның аразында турар-дыр, Дээрги-Чаяакчыны билбестер-дир.

Иоил 1:2

Ирейлер, дыңнаңар, чер-чурттуң бүгү чурттакчылары, кичээнгей салыңар! Силерниң чурттап турар үеңерде азы ада-өгбеңерниң чурттап турган үезинде ол ышкаш чүве болган бе?

Амос 3:1

Израиль чон, Дээрги-Чаяакчының силерге удур – Бодунуң египет черден үндүре бергени бүгү аймак-чонга удур чугаалаан сөстерин дыңнаңар:

Амос 7:16

А ам Дээрги-Чаяакчының чугаа-сөзүн дыңнап ал. Сен болза: „Израильге удур өттүр билип медеглеве, Исаактың салгалдарынга удур суртаалдава“ – дээр-дир сен.

Михей 6:2

Даглар, чер-делегейниң быжыг үндезиннери, Дээрги-Чаяакчының чаргызын дыңнаңар. Чүге дээрге Ол Бодунуң чону-биле чаргылдажып турар-дыр, Израиль-биле Ол маргыжып турар-дыр:

Иоанн 8:55

Силер Ону черле билбес турган силер, а Мен Ону билир мен. „Ону билбес мен“ дээн болзумза, силер ышкаш мегечи болур ийик мен. Ынчалза-даа Мен Ону билир база Ооң сөзүн сагып чоруур мен.

Римчилерге 1:28

Олар Бурганны билип аарын херектиг деп көрбес боорга, Бурган оларны боттарының-на будалган угаанының эргезинге, кылып болбас үен-даян чүүлдерин кылзыннар дээш, хүлээдип берген.

1 Коринфичилерге 15:34

Чогууру-биле сергей берип, бачыт үүлгедирин соксадыңар! Араңарда Бурган дугайында билиг чок улус бар-дыр. Ыяткаш, арныңар кыссын!

Ажыдыышкын 2:11

Дыңнаар кулаа бар кижи бүрүзү Сүлдениң христиан ниитилелдерге чүнү чугаалаанын дыңназын. Тиилээн кижиге ийиги өлүм хора чедирбес!»

Ажыдыышкын 2:29

Дыңнаар кулаа бар кижи бүрүзү Сүлдениң христиан ниитилелдерге чүнү чугаалаанын дыңназын».