Осия 3:5 - Ыдыктыг Библия

⁵ Израиль чон ооң соонда Бурганынче эглип, Дээрги-Чаяакчыже чүткүүр база бодунуң хааны Давидтиң салгакчызын хүлээп көөр, келир үеде ачы-буянныг Дээрги-Чаяакчыдан коргар.

Осия 3:5 Iomraidhean Croise

3 Хааннар 12:16

Бүгү израиль чон хаан оларны дыңнавайн барганын көргеш, аңаа: «Давид-биле бир баг болган бис бе, Иессейниң оглу-биле бир аай чүвүс барыл? Израильчилер, аалдарыңарже ээп чангылаңар! Давидтиң салгалы бодунуң төрел бөлүүн чагырзын!» – деп харыылаан. Израильчилер оон аалдарынче тарай берген.

Исайя 17:7

Ол хүн улус боттарының Чаяакчызынче көөр, Израильдиң ыдыктыг Бурганынче көрүжүн шиглээр.

Исайя 2:2

Сөөлгү хүннер кээрге, Дээрги-Чаяакчының өргээзи турар дагны Ол өске бүгү тейлер, даглардан бедидир тургузуп каар. Бүгү чоннар ол дагга чедип кээр,

Исайя 2:3

эңдерик аймактар аңаа чыглып кээр. Олар бот-боттарынга: «Барып, Дээрги-Чаяакчының даанче, Иаковтуң Бурганының өргээзинче үне берээли. Бурган бисти Бодунуң оруктары-биле чоруурунга өөредип каар, бис Ону эдерер бис» – дижир. Сиондан ыдыктыг хоойлу дүжүп кээр, Иерусалимден Дээрги-Чаяакчының сөзү тараар.

Исайя 60:5

Ынчан сен ол бүгүнү көргеш, өөрүп-байырлаар сен, чүрээң хөлзеп, тиккиледир согар, чүге дээрге сеңээ далай ындындан эртине-байлакты эккеп бээр, чоннарның байлаан сеңээ чедире бээр.

Исайя 9:13

Ынчалза-даа чон ону ам-даа соп турар Бурганче ээлбейн баар, Аг-шериглиг Дээрги-Чаяакчыже чүткүвейн баар.

Иеремия 23:5

«Үези кээрге, Давидтиң салгакчызын, чөптүг-шынныг Өзүмнү өрү көдүрер мен – деп, Дээрги-Чаяакчы медеглээн. – Ол хаан чагырып эгелээш, мерген угаанныын көргүзүп, чер кырынга шын шииткел биле чөптүг чорукту доктаадыр.

Иеремия 30:24

Дээрги-Чаяакчы Бодунуң чүрээнде бодалдарын күүседип, боттандырбаан шаанда, Ооң өөскүп үнген килеңи оожургавас. Келир үеде силер ону билип аар силер.

Иеремия 30:9

а боттарының Бурганы, Дээрги-Чаяакчыга база оларның бажынга Мээң салып каарым боттарының хааны – Давидтиң салгакчызынга бараан болуп эгелээр.

Иеремия 33:17

Дээрги-Чаяакчы: «Израильдиң дүжүлгезинге үргүлчү Давидтиң үре-салгалындан үнген кижи саадаар.

Иеремия 33:9

Иерусалим хоорай Меңээ өөрүшкүлүг ат апаар, чер-делегейниң бүгү чоннары ону алгап-мактап, алдаржыдар. Өске чоннар Мээң бо хоорайга хайырлаан ачы-буяным дугайында дыңнап каар; Мээң бо хоорайга хайырлаан ачы-буяным база чаагай чоруум дугайында билип кааш, олар сүрээдеп, сирилей бээр».

Иезекиил 16:63

Ынчан сээң үүлгеткен бүгү херектериңни арыглап каарымга, ону утпайн сактып, ыядып човаар база ыятканыңдан моон соңгаар аксың безин ажыдып шыдавас сен». Дээрги-Бурган-Чаяакчының медеглээн чүвези ол-дур.

Иезекиил 38:16

Гог, сен Мээң израиль чонумче, черни дуглаар дээн булут дег, көдүрлүр сен. Келир үеде Мен сени Бодумнуң черимче эккээр мен. Ынчан бүгү чоннар Мени билип аар, чүге дээрге олар көрүп турда, Мен сени дамчыштыр Бодумнуң ыдыктыымны көргүзер мен».

Иезекиил 38:8

Хөй хүннер эрте бээрге, бодуңга айтыышкын алыр сен. Келир үеде дайын-чаадан адырылган, чонун хөй чоннардан даглыг Израильче чыып эккелген, үр үеде ээн чыткан чуртче халдаар сен. Ол черниң чурттакчыларын өске чоннар аразындан чыып, дедир чандырыпкан, олар ам айыыл чок чурттап турар.

Даниил 10:14

Сээң чонуң-биле келир үеде чүү болурун сеңээ чугаалаар дээш келдим. Чүге дээрге бо көстүүшкүн ол үеге хамааржыр чүве-дир».

Даниил 2:28

Ынчалза-даа дээрде саадаан Бурган бар, чажыттарны Ол ажыдып билир. Ол Навуходоносор хаанга келир үелерде чүү болурун баш бурунгаар чугаалап берген-дир. Орун-дөжээңерге тамчыктанып удуп чыдырыңарда, силерниң дүжүңерге мындыг чүве кирген-дир.

Осия 1:11

Иудеяның, Израильдиң чону ынчан каттыжып чыылгаш, боттарын чагырар чаңгыс баштыңчы олуртуп алгаш, боттарының черинге үнүш дег өзүп үнүп кээр. Изреелдиң хүнү өндүр улуг болур!

Осия 11:10

Израильчилер Дээрги-Чаяакчыны эдерип чоруптар, Ол арзылаң ышкаш ырланыр; Ооң ырланганын дыңнааш, ажы-төлү сырбаш дээш, барыын чүктен чедип кээр.

Осия 5:15

Олар буруузун билинмээн шаанда, Мени дилеп эгелевээн шаанда, Мен турар черимче дедир чоруй барайн.

Осия 5:6

Израильчилер шээр-даа, бода-даа малын өргүлге салып, Дээрги-Чаяакчыны дилеп чорупкаш, тыппайн баар, Дээрги-Чаяакчы олардан ырай берген болур.

Осия 6:1

Олар хилинчекке бүргеткеш, Менче чүткүп эгелээр». Барып, Дээрги-Чаяакчыже эглиили! Ол бисти аартып каан – Ол бисти экиртип каар; бисти балыглап каан – балыгларывысты шарып бээр;

Амос 9:11

Шииткел хүнү кээрге, Мен Давидтиң буступ дүшкен чадырын катап тургузар мен, ооң тиглерин дуглап каар мен, бузундуларын эде тудуштурар мен, бурунгу үеде турганы дег кылдыр тудуп каар мен.

Михей 4:1

Сөөлгү хүннер кээрге, Дээрги-Чаяакчының өргээзи турар дагны Ол өске бүгү тейлер, даглардан бедидир тургузуп каар; өске аймактар ынаар чедип кээр,

Саннар 24:14

А ам бодумнуң чонумче чанарым ол-дур. Адыр, израиль чон сээң чонуңну келир үеде канчаптарын сагындырып чугаалап берейн».

Римчилерге 11:25

Ха-дуңма, «Бис кончуг бис» деп улуургай бербезиннер дээш, силерге бир чажытты ажыдарын күзеп тур мен: израиль чоннуң чамдык кезииниң дедир-чөрүүзү чүгле өске чоннар улузундан четчир санныг улус Бурганче ээлбээже, үргүлчүлеп кээр.

Римчилерге 2:4

Азы сен Ооң өндүр улуг ачы-буянын, кеземче онаавас өршээлдиин, шыдамыын тооп көрбезиң ол бе? Бурганның буянныг сеткили сени бачыдың миннип, Олче эглиринче эккел чыдарын билбезиң ол бе?

Ы. х. к. 4:30

Айыыл-халапка алзып алган туруңарда, келир үеде ол бүгү силер-биле болу бергенде, Дээрги-Чаяакчы Бурганыңарже эглип, Ооң үнүн тооп дыңнаар силер.