Осия 3:4 - Ыдыктыг Библия

⁴ Шак ынчаар израиль чон үр үеде хааны чок, нояны чок, өргүлү чок, даш көжээзи чок, эфоду чок, дүрзү-бурганы чок артар-дыр.

Осия 3:4 Iomraidhean Croise

Эге дөс 31:19

(Лаван хойларын кыргып чорупкан өйде, Рахил ачазының дүрзү-бурганнарын оорлап алган.)

Эге дөс 31:34

А Рахил бурганнарны алгаш, тевеге чүдүрүп чораан барбазынче супкаш, ооң кырынга олуруп алган. Лаван майгынны үжээш, чүнү-даа тыппаан.

Эге дөс 49:10

Иуда эрге-дужаал даянгыыжын холдан салбас, чагырыкчының эргези оон кажан-даа адырылбас; үези кээрге, албан-үндүт төлеп, чоннар аңаа чагыртыр.

2 Хааннар 6:14

Давид лён эфод кедип алгаш, Дээрги-Чаяакчының мурнунга чаза-ла самнап турган.

4 Хааннар 23:24

Иосия оон ыңай өлүг улус сүнезини кыйгырар, караң көрнүр кижилерни, Иудея биле Иерусалимден тывылган чүдек-бужар ээреннерни, дүрзү-бурганнарны узуткап каапкан. Ол ону Хелкия бараалгакчының Дээрги-Чаяакчының өргээзинден тып алганы дүрүг номда бижиттинген ыдыктыг хоойлунуң сөстерин күүседири-биле кылган.

2 Чылдар 15:2

Азария Асага уткуй үнүп келгеш, мынча дээн: «Аса база Иудея биле Вениаминниң бүгү аймак-чону, мени дыңнаңар! Дээрги-Чаяакчы-биле кады болзуңарза, Ол база силер-биле кады болур. Олче чүткүүр болзуңарза, Ол силерге тыптыр. А Ону каапкаш баар болзуңарза, Ол база силерни кааптар.

Хосталыышкын 28:4

Оларның белеткээр ужурлуг хептери бо-дур: хөрек баартыгы хевирлиг хап; эфод дээр хеп; тон; аргып каан чуга иштики узун хөйлең; тюрбан дээр бөрт болгаш кур. Аарон биле ооң оолдары Мээң бараалгакчыларым болур кылдыр, уран-шеверлер оларга ыдыктыг хептерден кылып берзиннер.

Хосталыышкын 28:6

«Уран-шеверлер эфодту алдын удазыннардан, көк, кызыл-хүрең болгаш кызыл өңнүг пөстерден база ээрип каан ак лёндан уранчыды аргып кылзыннар.

Ыы-сыы 2:9

Хаалгалар-даа кээп дүшкен, дээктерни Ол үреп-талаан. Хоорай хааны, нояннар-даа өске чоннар холунче кирген, ыдыктыг хоойлу база чок-тур! Медээчилеринге-даа Дээрги-Чаяакчыдан кээр ажыдыышкын үстүп-читкен. י (йод)

Иезекиил 19:14

Ооң унундан от үнгеш, будук, чимизин чипкен. Ам ында чагырыкчының мергези боорунга тааржыр быжыг будуктар артпаан“». Бо дээрге качыгдал ырызы-дыр, ооң-биле ажыын ажып, ыглап-сыктазыннар.

Иезекиил 20:32

Силер: „Бүгү өске чоннар ышкаш, өске чер чурттуг аймактар ышкаш, ыяш биле дашка бараан болур бис“ – дээр-дир силер. Ынчалза-даа силерниң угаан-бодалыңарга кирген ол чүве канчап-даа боттанмас.

Иезекиил 21:21

Чүге дээрге Вавилоннуң хааны ийи оруктуң белдиринге, адырланып чарлыр черинге доктаагаш, төлге кылыр-дыр. Хаан согуннарын силгип-чайып, ап чорааны дүрзү-бурганнардан айтырып, өргээн малының баарын шинчип көөр-дүр.

Иезекиил 21:31

Мээң хорадаан сагыжым сенче кыптыгар, килеңимниң чалбыыжын сенче хадыдар мен, араатанзыг, өлүрүүшкүн кылып мергежээн улустуң холунга сени хүлээдип бээр мен.

Даниил 11:31

Хаанның аг-шерии чедип келгеш, ыдыктыг өргээ-шивээни бужартадып, хүннүң-не салыр өргүлдү болдурбайн, хоозуралдың бужар чудун тургузуп каар.

Даниил 12:11

Хүннүң-не салыр өргүлдерни болдурбайн барганындан база хоозуралдың бужар чудун тургусканындан бээр 1290 хүн эртер.

Даниил 9:27

Ол чагырыкчы дыка хөй улус-биле чеди чылдың керээзин чарып аар. Ол үениң чартыындан өргүлдерни соксадып каар, а ооң орнунга хоозуралдың бужар чудун тургузар – хоозурадыкчыны баш бурунгаар доктааттынган яла таварааже, ындыг болур».

Осия 13:10

Сээң хааның ам кайдал? Ол сени бүгү хоорайларыңга камгалап алзын че! Баштыңнарың кайдал? Сен: „Биске хаандан, нояннардан берем!“ – деп дилеп турдуң чоп.

Осия 13:11

Мен килеңней бергеш, сеңээ хаан бердим, хорадай бергеш, ону хунаап алдым.

Осия 2:11

Ооң кандыг-даа хөглүг байырлалдарын: ай чаазы биле амыр-дыш хүннери демдеглээр байырлалдарын, бүгү-ле байырлалдыг чыыштарын соксадыр мен.

Левит 8:7

Ооң соонда Ааронга чуга иштики узун хөйлең кедиргеш, кур-биле куржааш, даштыкы тон кедирип каан; хеп кырындан кедер эфодту база кедиргеш, ону быжыглап, эфодтуң тускай куру-биле куржап каан.

Захария 10:2

Дүрзү-бурганнар хоозун чүве чугаалаар, караң көрнүрлер хей-куруг көстүүшкүннер көрүп, меге дүштерин чугаалаар; оларның аргалалы хей болур. Ынчангаш улус-чон хойлар дег тояап, кадарчызы чогундан түреп чоруур.

Захария 13:2

Ол хүн Мен чер кырындан дүрзү-бурганнарның аттарын узуткап кааптар мен, оон ыңай улус оларны сагынмас апаар – деп, Аг-шериглиг Дээрги-Чаяакчы медеглээн. – Ол ышкаш бо черден меге медээчилерни база буктарны ырадып кааптар мен.

Лука 21:24

Улустуң чамдыызы хылыштың чидиг бажындан калыр, а чамдыызын өске чоннарже тудуп алгаш баар. Өске чоннар улузунуң тергиидээр үези төнгүжеге чедир, олар Иерусалимни таптай базып кээр».

Иоанн 19:15

Олар: «Ооңарны ырадыңар! Ырадыңар! Ону хере шаап шаажылаңар!» – деп алгыржы бергеннер. Пилат оларга: «Силерниң хааныңарны хере шавар кижи мен бе?» – дээн. Бурганның дээди бараалгакчылары: «Императордан өске хаан бисте чок» – деп харыылааннар.

Еврейлерге 10:26

Алыс шынны билип алгаш, бачыт үүлгедирин өжегээр уламчылаар болзувусса, ол бачыттарны чайладыптар кандыг-даа өргүл артпас.

Баштыңчылар 17:5

Миха Бурганга чүдүүр тускай бажыңныг турган. Ол эфод болгаш дүрзү-бурганнар кылгаш, бодунуң оолдарының бирээзин Бурганның бараалгакчызы кылдыр томуйлап каан.

Баштыңчылар 18:14

Ооң мурнунда Лаисче чер көрүп ап чораан беш хайгыылчы ха-дуңмазынга: «Бо аалда эфод, дүрзү-бурганнар болгаш шуткаан дүрзү барын билир силер бе? Ону канчаарын боданыңар че!» – дээннер.

Баштыңчылар 8:27

Гедеон ол алдындан эфод кылгаш, ону бодунуң хоорайы Офрага салып каан, а израильчилер ынаар барып, эфод-биле самыырап эгелээн. Ынчалдыр ол эфод Гедеонга болгаш ооң үре-салгалынга четки апарган.

1 Хааннар 14:3

Оларның аразында Дээрги-Чаяакчының Силомдан келген эфодтуг бараалгакчызы Ахия турган. (Ахия дээрге Ихаводтуң акызы Ахитувтуң оглу турган. А Ахитувтуң адазы – Финеес, кырган-адазы – Илий турган.) Ионафанның чорупканын кым-даа билбээн.

1 Хааннар 15:23

А чагыртпас чорук дээрге илби-шиди ышкаш бачыт-тыр, удурланыр чорук дээрге дүрзү-бурганнарга чүдээни-биле дөмей-дир. Дээрги-Чаяакчының сөзүн дыңнаарындан ойталааның дээш, Ол сени хаан кылдыр арттырарындан ойталап каапкан-дыр» – деп чугаалаан.

1 Хааннар 2:18

А ам-даа бичии турган Самуил лён эфод кедип алгаш, Дээрги-Чаяакчыга бараан болуп турган.

1 Хааннар 21:9

Бурганның бараалгакчызы: «Эла шынаазынга сээң тиилеп кааның филистим Голиафтың хылыжын хепте ораап каан чыдыр-ла, дуу эфод артында. Оон өске мында кандыг-даа чепсек чок» – дээн. Давид: «О, оон артык хылыш кайын тыптыр! Ону меңээ берип көрүңерем» – дээрге, ону ап берген.

1 Хааннар 22:18

Ынчан хаан Доикке: «Сен бар, Бурганның бараалгакчыларын өлүрүп каавыт» – дээн. Эдом Доик чоруткаш, Бурганның бараалгакчыларынче халдааш, ол хүн лён эфод кедип чораан сезен беш кижини өлүрүп каан.

1 Хааннар 23:6

Ахимелехтиң оглу Авиафар Кеилада Давидче дезип чоруурда, эфодту база ап алган чүве-дир.

1 Хааннар 23:9

Давид Саулдуң аңаа удур багай чүве бодап алганын билип кааш, Бурганның бараалгакчызы Авиафарга: «Эфодту бээр эккел» – дээн.

1 Хааннар 30:7

Ынчалза-даа Давид Дээрги-Чаяакчы Бурганынга бүзүрели-биле быжыгланып турган. Ахимелехтиң оглу, Бурганның бараалгакчызы Авиафарга Давид: «Меңээ эфодту эккеп бер» – дээрге, ол ону эккеп берген.