Осия 3:2 - Ыдыктыг Библия

² Мен ынчан ол херээженни он беш шекел мөңгүн болгаш бүдүн чартык хомер ишти арбай-биле садып алган мен.

Осия 3:2 Iomraidhean Croise

Эге дөс 31:41

Сээң аалыңга чээрби чылды ынчаар эрттирдим. Сээң ийи урууң дээш он дөрт чыл база малың дээш алды чыл иштинде сеңээ бараан болдум. А сен меңээ бээр хөлезиниңни он катап өскертип келген сен!

Эге дөс 34:12

Эң-не аар өртектиг суй белектен негеңер: чүү-даа дээр болзуңарза, бээр мен. Меңээ чүгле урууңарны кадай кылдыр бериңер» – дээн.

Хосталыышкын 22:17

А бир эвес ол кыстың ачазы: „Уруум бербес мен“ – дээр болза, ол кижи арыг кыс дээш төлээр ужурлуг акша-мөңгүннү дөмей-ле бүрүнү-биле төлезин».

Иезекиил 45:11

Эфа биле бат – кургаг төктүүчел, суук чүүлдер хемчеглери – бир дөмей хемчээлдиг бооп, кайызы-даа бир хомерниң оннуң биринге деңнешсин. Хомер силерге саваның ишкириниң доктаадып каан хемчээ болзун.

Осия 3:3

Мен аңаа: «Үр үеде мээң бажыңымга чуртта, самыырава, кым-биле-даа эр-херээжен харылзаа кылба, мен база сеңээ хамаарыштыр бодумну ынчаар алдынайн» – дээн мен.

Левит 27:16

Бир-ле кижи бодунуң хувааглыг черинде шөлдү Дээрги-Чаяакчыга бараалгадып, ыдыктап турар болза, ол дээш доктааткан өртек тарыыр үрезин хемчээлинден хамаарышсын: бир хомер ишти арбай дээш, бежен мөңгүн шекелди төлезин.

Руф 4:10

Ол ышкаш, Махлоннуң ат-сывын дөргүл-төрелиниң, ха-дуңмазының аразынга уламчылаары-биле, ооң үре-салгалын болгаш ат-сывын бо черге арттырары-биле, ооң ээлел черин болгаш өнчү-хөреңгизин өске кижилер холунга киирбези-биле, моав херээжен Руфту кадай кылдыр ап тур мен. Силер ам ооң херечилери силер».

1 Хааннар 18:25

Саул: «Ынчаарга Давидке: „Хаан сенден уруу дээш суй белек негевес. Сен чүгле хаанның өжээнин негеп, чүс филистим кижини өлүргеш, бадыткалы кылдыр олардан үзе кезип алган кештерни эккеп көргүзер ужурлуг сен“ – деп чугаалаңар» – дээн. Саул ынчалдыр Давидти филистимнерниң холу-биле чок кылып каар деп бодаан.