Осия 3:1 - Ыдыктыг Библия

¹ Дээрги-Чаяакчы меңээ: «Ам база барып, бузутка ынак, бодунуң ашаанга өскерилген херээженге ынакшый бер. Дээрги-Чаяакчы израиль чонга, олар өске бурганнарже чайгылып, оларның үзүмнүг бооваларын чииринге ынак-даа болза, база ынчалдыр ынак болгай» – дээн.

Осия 3:1 Iomraidhean Croise

2 Хааннар 6:19

Ооң соонда ол бүгү чонга, хөй-хөй израильчилерге – эр-даа, херээжен-даа улуска бир-бир хлеб, борбак эът база үзүмнүг боова үлеп берген. Бүгү чон бажыңнарынче тарап чана берген.

4 Хааннар 13:23

Ынчалза-даа Дээрги-Чаяакчы израиль чонга ээ-хайыралыг болуп, оларны кээргеп, Авраам, Исаак болгаш Иаков олар-биле чарган чагыг-керээзин бодааш, израильчилерже сагыш салып турган. Дээрги-Чаяакчы амдыгаа чедир оларны узуткап каарын, Бодунуң мурнундан сывырып чорудуптарын күзевейн турар.

1 Чылдар 16:3

Ооң соонда ол бүгү израильчилерге – эр-даа, херээжен-даа кижи бүрүзүнге бир хлеб, бир борбак эът база бир үзүмнүг боова үлеп берген.

Неемия 9:31

Ындыг-даа болза, Бодуңнуң өндүр улуг кээргелиң-биле Сен оларны бүрүнү-биле узуткавадың, каапкаш барбадың, чүге дээрге ээ көрнүүчел, кээргээчел Бурган-дыр сен.

Ырлар 123:2

Дайзын бисче халдап кээрге, Дээрги-Чаяакчы бистиң талавыста турбаан болза, чүү бооп болур турганыл?!

Хосталыышкын 32:6

Израильчилер даартазында эртен эрте тургаш, бүрүн өрттедир өргүлдерни база эп-найырал өргүлдерин эккеп салганнар. Улус-чон ижип-чиири-биле олуруп алган, а ооң соонда самнап-хөглеп эгелээн.

Соломоннуң өндүр бедик ырызы 2:5

Ынакшылдың хилинчегин көре бердим, ынчангаш меңээ үзүм чигир чиртип, сергедиңер, яблок чиртип, күш киирип көрүңер.

Исайя 45:22

Чер-делегейниң бүгү ужу-кыдыглары, Менче эглип келиңер, ынчан камгалалды алыр силер, чүге дээрге Мен – Бурган-дыр мен, өске кым-даа чок.

Иеремия 3:20

Ынчалза-даа ашаанга өскерилген кадай дег, израиль чон, сен база Меңээ өскерилдиң – деп, Дээрги-Чаяакчы медеглээн. –

Иеремия 31:20

А Эфрем – Мээң эргим оглум, ынак төлүм эвес чүве бе? Мен ону чаңгыс эвес катап чемелеп турдум, ынчалза-даа черле утпаан мен! Мээң сеткил-чүрээм ол дээш муңгарап чор, Мен ону кээргеп тур мен!» Дээрги-Чаяакчының медеглээн чүвези ол-дур.

Осия 11:8

Эфрем, сенден канчап ойталаар мен? Израиль, сени канчап өскелерге бериптер мен? Сени Адма хоорайны дег бак аажылаар мен бе, Цевоим хоорай-биле кылган чүвемни сеңээ хамаарыштыр кылыр мен бе? Мээң бүгү кээргелим кыптыга берди, бодал-сагыжым өскерлип,

Осия 2:5

оларның авазы самыын-садып турган, төрээн иези бодунуң адын баксырадып: „Хандыкшааннарымга барайн, олар мени аъш-чем, суг, дүк, лён, олива үзү болгаш суксуннар-биле хандырып турар болгай“ – деп турган.

Осия 4:11

самыыраан-дыр. Мээң чонум арагага, эзиртир суксуннарга алзып алган-дыр.

Осия 7:5

Хаанывыстың байырлалының хүнүнде нояннар аарыгыжеге чедир изиглендир ижип алган, а хаан кочуургак улусче холун сунган.

Амос 2:8

Олар долаа төлевири кылдыр алган хевин чаткаш, өргүл салыр бедигээштер чанынга чыдып аар-дыр, буруудаттырып турар улустан торгаал кылдыр алган арагазын бурганнарының өргээзинге ижер-дир.

Амос 6:6

Дашкаларга арага кудуп ижип, эң эки үстер-биле чагдынар-дыр силер, а Иосифтиң салгалының айыыл-халавы дээш сагыжыңар аарбас-тыр!

Михей 7:7

А меңээ хамаарыштыр алыр болза, Дээрги-Чаяакчыже ынаныштыг көөр мен, мээң Камгалакчым Бурганны манаар мен. Бурганым мени дыңнап каар.

Захария 1:16

Ынчангаш Дээрги-Чаяакчының чугаалаан чүвези бо-дур: Мен Иерусалимче кээргээр сеткилдиг эглип келдим, аңаа Мээң өргээмни катап тудар. Иерусалимни катап база хемчээп, тудар.

Матфей 26:50

А Иисус аңаа мынча дээн: «Өңнүк, чүнү кылыр дээш келген ийик сен, ону кыл». Чепсектиг улус ынчан чедип келгеш, Иисусту тудуп алганнар.

1 Коринфичилерге 10:21

Дээрги Иисустуң дашказындан ижип тургаш, буктарның дашказындан база ижип шыдавас силер; Дээрги Иисуска тураскааткан чемни чип тургаш, буктарга тураскааткан чемни ооң-биле кады чип шыдавас силер.

1 Коринфичилерге 10:7

Чамдык ада-өгбевис ышкаш, дүрзү-бурганнарга мөгейбеңер. Бижилгеде мынчаар бижээн-не болгай: «Улус-чон ижип-чиири-биле олуруп алган, а ооң соонда самнап-хөглеп эгелээн».

1 Пётр 4:3

Силер үр үе дургузунда Бурганга бүзүревээн улус дег чурттап, самыыраарынга, бужар күзээшкиннерге, арага-дарыга, эмин эрттир хөглеп-дойлаарынга, дүрзү-бурганга чүдүүр хоруглуг чорукка алзып келдиңер.

Баштыңчылар 10:16

Олар хары бурганнардан ойталааш, чүгле Дээрги-Чаяакчыга чүдүп, бараан бооп эгелээн. Ынчан Израильдиң хинчек-човулаңын көргеш, Дээрги-Чаяакчының сеткил-чүрээ чыырлыш кынган.

Баштыңчылар 9:27

Олар виноград шөлдеринге барып, дүжүдүн ажаап, виноградын сызып, хөглеп-байырлап, боттарының бурганының өргээзинге баргаш, аңаа дойлап, Авимелехти бактап, каргап турганнар.