Осия 2:5 - Ыдыктыг Библия

⁵ оларның авазы самыын-садып турган, төрээн иези бодунуң адын баксырадып: „Хандыкшааннарымга барайн, олар мени аъш-чем, суг, дүк, лён, олива үзү болгаш суксуннар-биле хандырып турар болгай“ – деп турган.

Осия 2:5 Iomraidhean Croise

Исайя 1:21

Бурганга шынчы турган найысылал, сен канчап самыын-садар херээжен дег апардың?! Сен шын шииткелге бүргеттирген турдуң, чөптүг-шынныг чорук сеңээ чурттап турду, а ам сенде өлүрүкчүлер чурттап турар-дыр.

Исайя 50:1

Дээрги-Чаяакчы мынча дээн: «Мен силерниң иеңерге чарлыышкын чагаазы бижип бергеш, үндүр сывырыпкан мен бе? Мен силерни, өрем төлээр дээш, садыпкан мен бе? Чок, боттарыңарның-на бачыттарыңар дээш силерни садыпкан, боттарыңарның-на кем-бурууңар дээш иеңерни үндүр сывырыпкан!

Иеремия 11:13

Иудея, сээң кандыг-даа хоорайың боду бурганныг болгай. Иерусалимниң кудумчу бүрүзүнде чүдек-бужар Ваал бурганга айдызаар өргүл бедигээжи тургузуп алган силер.

Иеремия 13:22

Сеткил-чүрээңге: „Ол бүгү чүге мени таварды?“ – деп айтыртынар сен. Эңдерик бачыттарың дээш сээң эдээңни өрү аңдарып, чазарлаан-дыр.

Иеремия 2:20

«Бурунгу шагда-ла Мен хомудуңну буза шаап, моожаңны үзе тыртып берген мен, а сен: „Бараан болбас мен!“ – дидиң, бүгү бедик тейлер бажынга, таварышкан-на хөлегелиг саглагар ыяш адаанга самыырап турдуң!

Иеремия 6:8

Иерусалим, миннип кел, оон башка сенден хөңнүм кала бээр, сени кижи чурттап шыдавас, хоозураан чер кылып каар мен».

Иезекиил 16:35

Ынчангаш, самыыраан Израиль, Дээрги-Чаяакчының сөзүн дыңна!

Иезекиил 16:39

Сени бодуңнуң хандыкшааннарыңга хүлээдип бээримге, олар сээң бедигээштериңни узуткап, бурганнарга мөгейиишкин кылыр черлериңни үреп бузуп каар; олар сээң хевиңни ушта тырткаш, чаражы кончуг каасталгаларыңны хунаап алгаш, сени шыптынмаан, чанагаш кылдыр арттырып каар.

Иезекиил 16:4

Төрүттүнген хүнүңде сээң хиниңниң ужун шарываан, сени дус чажып, арыглаваан, суг-биле чугбаан, чөргекке орааваан.

Осия 1:2

Дээрги-Чаяакчы Осия-биле мынчаар чугаалажып эгелээн. Ол аңаа: «Барып, самыын-садар кадайдан ап ал, ооң самыын харылзаазындан тывылган ажы-төлдүг бол, ол чорук бо черниң улузу Дээрги-Чаяакчыдан ойталап, аажок самыырап турарынче айтыр» – дээн.

Осия 2:2

«Аваңар-биле чаргылдажыңар-ла, чаргылдажыңар, чүге дээрге ол – Мээң кадайым эвес-тир, а Мен – ооң ашаа эвес-тир мен; аваңар бодунуң самыын чоруун – арнындан, өскерликчи чоруун – эмиглеринден ап каапсын.

Осия 2:8

Ол херээжен далган-тараа, арага болгаш олива үзүн Мээң аңаа берип турганымны, Ваал бурганның дүрзүзүн шуткаан алдын, мөңгүннү Мээң аңаа көвүдедип бергенимни билбес-тир.

Осия 3:1

Дээрги-Чаяакчы меңээ: «Ам база барып, бузутка ынак, бодунуң ашаанга өскерилген херээженге ынакшый бер. Дээрги-Чаяакчы израиль чонга, олар өске бурганнарже чайгылып, оларның үзүмнүг бооваларын чииринге ынак-даа болза, база ынчалдыр ынак болгай» – дээн.

Осия 4:5

Хүндүс-даа буураар сен, Бурганның медээчизи дүне-даа сээң-биле кады буураар. Сээң иеңни база узуткап каар мен.

Осия 8:9

Олар Ассирияже дуза дилеп чорупкан, чааскаан улчуп чоруур черлик элчиген ышкаш Эфрем хары улустуң ынакшылын төлевир берип тургаш, садып алган.

Осия 9:10

«Мен Израильди тып аарымга, ол ээн кургаг ховуда үнген виноград дег турган, сээң ада-өгбеңни фига ыяжының быжар өйү келген баштайгы чимизи дег кылдыр көрүп каан мен. А олар Фегор дагга чедип келгеш, Ваал дээр ыянчыг бурганга боттарын бараалгатканнар, ынакшый берген дүрзү-бурганы дег чүдек-бужар апарганнар.

Амос 8:13

Ол шииткел хүнүнде аянныг чараш аныяк оолдар, кыстар суксаанындан медерелин оскунуптар.

Баштыңчылар 16:23

Филистимнерниң чагырыкчылары боттарының бурганы Дагонга улуг өргүл кылып байырлаар дээш чыглып алгаш: «Бистиң бурганывыс дайзынывыс Самсонну холувусче киирип берди» – деп турганнар.