Осия 2:3 - Ыдыктыг Библия

³ Оон башка Мен ооң хевин уштуп, шалдаңнааш, чаа төрүттүнгенинде дег көзүлдүр тургузуп каар мен: ону ээн кургаг хову ышкаш кылып, када берген чер кылдыр хуулдурар мен, кагыдып-суксадып өлүрүп каар мен.

Осия 2:3 Iomraidhean Croise

Хосталыышкын 17:3

Улус ол черге суг ижиксээш, Моисейже хорадап: «Сен бисти Египеттен чүге үндүре бердиң? Бисти, ажы-төлүвүстү, мал-маганывысты суксадып өлүрер дээш бе?» – деп хыйланып турган.

Исайя 33:9

Чер качыгдап, харыксырап чыдар, Ливан дагларының ады баксырап, кадып калган. Шарон оргулаажы ээн кургаг ховуга дөмейлежип, Васан биле Кармил девискээрлери сириңейнип турар.

Исайя 47:3

Сээң шалдаңың ажыттынзын, бужарың көстүп келзин. Мен өжээн негээр мен – кымга-даа хайыра көргүспес мен».

Исайя 64:10

Сээң ыдыктыг хоорайларың ээн кургаг хову апарган, Сион – ээн кургаг хову, Иерусалим – чурттакчы чок чер апарган.

Иеремия 12:10

Мөөң кадарчылар Мээң виноградым шөлүн үрегдеди, Мээң ээлээн черимни таптай басты. Мээң эргим черимни хоозурадып, ээнзиретти.

Иеремия 13:22

Сеткил-чүрээңге: „Ол бүгү чүге мени таварды?“ – деп айтыртынар сен. Эңдерик бачыттарың дээш сээң эдээңни өрү аңдарып, чазарлаан-дыр.

Иеремия 13:26

Ол дээш эдээңни арныңче өрү көдүрер мен, бужарыңны улус көрзүн.

Иеремия 14:3

Ызыгууртаннар чалчаларын сугладып чорударга, демгилери кудуктарга келгеш, узар суг чок боорга, куруг саваларлыг чанып кээп, ыядып-човаанындан арнын чажырып турар.

Иеремия 17:6

Ол кижи ээн кургаг ховуда чадаң үнүш дег, эки чүве көрбес, сай-даштыг, изиг кургаг ховуга, кужурлуг, ээн черге чурттаар.

Иеремия 2:31

О, амгы салгал, Дээрги-Чаяакчының сөзүн тооп билип ап көрүңер! Мен израиль чонга хамаарыштыр ээн кургаг хову, дүмбей караңгы бооп турдум бе? Ынчаарга чүге-ле Мээң чонум: „Бодувустуң барыксаан оруувус-биле чоруй баар бис, Сенче дедир ээп келбес бис!“ – дээрил?

Иеремия 2:6

Олар: „Дээрги-Чаяакчы бисти Египеттен үндүре берген, Ол бисти ээн кургаг ховуга, кооргалдарлыг, суг чок черге, дүмбей караңгы, кым-даа чорбайн турар, кижи ээлеп чурттавайн турар черге эдертип чораан болгай. Олче чүткүүлү“ – диведилер.

Иеремия 22:6

Дээрги-Чаяакчы Иудеяның хаанының ордузунуң дугайында: «Сен Меңээ Галаад дег, Ливан сынның баштары дег өндүр-чаагай сен. Ынчалза-даа Мен сени ээнзиргей чер, чурттакчы чок хоорай кылып каар мен!

Иеремия 4:26

Көөрүмге, чечектелген чер ээн кургаг хову апарган болду, ооң бүгү хоорайларын Дээрги-Чаяакчының күзел-соруун ёзугаар бузуп каапкан – Ооң килең-кылыы ол хире-дир!

Иеремия 51:43

Ооң хоорайлары хоозурап, кургап калган ээн хову, кым-даа чурттавас чер апаар, кижи амытан ону таварып эртпес.

Иеремия 51:5

Чүге дээрге Израиль биле Иудеяның черин Аг-шериглиг Дээрги-Чаяакчыга удур үүлгеткен бачыттары долган-даа болза, ыдыктыг Бурган оларны каапкаш барбаан-дыр.

Иезекиил 16:22

Чүдек-бужар чаңчылдарың база самыыраашкының кедереп турда, аныяк шааңны – чанагаш, шыптынмаан, ханыңда былчажып, тепкиленип чытканыңны сагынмадың.

Иезекиил 19:13

Ам ону ээн кургаг ховуже, кадып калган, кагып-суксаан черже солуй олуртуп каан.

Осия 13:15

Эфрем акы-дуңмазынга бодаарга, өзүген-даа болза, өрттендир чиир хат чедип кээр – ээн кургаг ховудан Дээрги-Чаяакчының хады көдүрлүр, ынчан ол хат Эфремниң суунуң бажын соолдуруп каар, булаан кадырып каар; ол хат Израильдиң эртине-байлаан үптээр, ооң бүгү үнелиг чүүлдериниң шыгжамырын куругладыр.

Осия 2:10

Мен ам ооң бужарын хандыкшааннарының мурнунга ажыдар мен, ынчан ону кым-даа Мээң холумдан камгалап шыдавас.

Ажыдыышкын 17:16

Сээң көргениң он мыйыс болгаш араатан боду самыыраан херээженни көрбестей бээр. Олар ону хоозураткаш, шалдаң-чанагаш кааптарлар, ооң мага-бодун сыырып, от-биле чиртирлер.

Баштыңчылар 15:18

Оон ол кедергей суксай бергеш, Дээрги-Чаяакчыны кыйгыргаш: «Сен Бодуңнуң чалчаң меңээ мындыг улуг тиилелгени хайырладың, таанда-ла ам суксап өлүрүм ол бе, кыртыжап демдектетпээн хейлерге туттурарым ол бе?» – дээн.