Осия 2:12 - Ыдыктыг Библия

¹² Ооң: „Хандыкшааннарымның берген төлевири бо-дур“ – деп турганы виноград сыптарын, фига ыяштарын куругладыр мен; оларның үнген сесерлиин арга-эзим кылдыр хуулдуруптарымга, черлик аң-мең чимистерни чип кааптар.

Осия 2:12 Iomraidhean Croise

Ырлар 80:12

Ынчалзажок Мээң чонум Мээң үнүмнү тооп дыңнавады, Израиль Меңээ чагыртпады.

Исайя 29:17

Удавас шыргай эзим-арга дүжүткүр шөл апаар, а дүжүткүр шөл арга-эзим ышкаш көстүр.

Исайя 5:5

Виноградым шөлүн канчаарымны силерге чугаалап берейн: ооң херимин бузуп кааптарымга, ол хоозурап каар, ооң ханазын үреп кааптарымга, ол таптай бастырар.

Исайя 7:23

Ол үе кээрге, биеэде муң мөңгүн чоос өртектиг муң виноград сывы үнүп турган черге тенниг бок үнүш үнер.

Иеремия 13:26

Ол дээш эдээңни арныңче өрү көдүрер мен, бужарыңны улус көрзүн.

Иеремия 26:18

«Иудеяның хааны Эзекияның үезинде Морешет чурттуг Михей өттүр билип медеглеп турду. Ол Иудеяның бүгү чонунга: „Аг-шериглиг Дээрги-Чаяакчы: ‘Сионну шөл ышкаш аңдарып каар, Иерусалим бузундулар оваазы апаар, а бо өргээни туткан даг арга-ыяш үнген чер апаар’ – дээн“ – деп чугаалаан болгай.

Иеремия 5:17

Ол чон силерниң дүжүдүңерни, аъш-чемиңерни сыырыптар, оглу-кызыңарны база сыырыптар, мал-маганыңарны чиптер, виноградыңарны, фига чимизиңерни база чиптер. Ол силерниң идегеп турар быжыглалдыг хоорайларыңарны хылыш-биле чылча шаап каар.

Иеремия 8:13

«Оларның дүжүдүн узуткаар мен – деп, Дээрги-Чаяакчы медеглээн. – Виноград сывынга кат артпас, фига ыяжынга чимис турбас, бүрүлер база кадып каар. Оларга берген бүгү чүвем куруглап каар».

Осия 13:8

Оларже оолдарын оскунган кыс адыг дег халдааш, хөрек-чүрээн үзерлээр мен; арзылаң ышкаш чиир мен; черлик аң-араатан оларны үзерлеп кааптар.

Осия 2:5

оларның авазы самыын-садып турган, төрээн иези бодунуң адын баксырадып: „Хандыкшааннарымга барайн, олар мени аъш-чем, суг, дүк, лён, олива үзү болгаш суксуннар-биле хандырып турар болгай“ – деп турган.

Осия 5:14

Чүге дээрге Эфремге арзылаң дег мен, Иудеяга араатан аң дег мен. Ийе, Мен оларны үзерлеп каапкаш, алгаш чоруй баар мен – кым-даа оларны камгалап шыдавас.

Осия 9:1

Израиль, өөрбейн көр, өске чоннар ышкаш байырлап-хөглеве, чүге дээрге самыырааш, Бурганыңдан ойталаан-дыр сен, хамык тараа шаңнарынга самыын-садар чорук дээш төлевир алырынга ынак-тыр сен.

Михей 3:12

Ынчангаш силерниң хайыңар-биле Сионну шөл ышкаш аңдарып кааптар, Иерусалим бузундулар оваазы апаар, Бурганның өргээзин туткан даг арга-ыяш үнген чер апаар.