10 Мен ам ооң бужарын хандыкшааннарының мурнунга ажыдар мен, ынчан ону кым-даа Мээң холумдан камгалап шыдавас.
(Бузуттуг-бак Гофолия оолдары-биле Бурганның өргээзин үреп ажыткаш, Дээрги-Чаяакчының бүгү ыдыктыг эт-херекселин безин Ваалдың дүрзүлеринге бараан болурда ажыглап турган чүве-дир.)
Кем-буруулуг кижиниң кеземче алыры чайлаш чок, а чөптүг-шынныг улустуң үре-салгалы айыылдан адырлыр.
Ынчангаш Дээрги Сионнуң херээженнериниң баштарын тазартып каар, Ол оларның тейин дөңгүрертир чүлүп каар!
Сеткил-чүрээңге: „Ол бүгү чүге мени таварды?“ – деп айтыртынар сен. Эңдерик бачыттарың дээш сээң эдээңни өрү аңдарып, чазарлаан-дыр.
Ол дээш эдээңни арныңче өрү көдүрер мен, бужарыңны улус көрзүн.
Хевиңниң чамдыызын ап алгаш, бедик тейлерге бурганнарга мөгейиишкин кылыр каасталгалыг черлер туткаш, аңаа самыырап турдуң; ындыг чорук кажан-даа турбас ужурлуг.
Мээң сеңээ берген аъш-чемимни: сени чемгерип турганым эң эки далган-тараа, олива үзү болгаш ары чигирин бодуңнуң дүрзү-бурганнарыңга берип, чаагай чыттыг өргүл кылдыр өрттедип турдуң. Бүгү чүве ынчаар болуп турду». Дээрги-Бурган-Чаяакчының медеглээн чүвези ол-дур.
Олар сени ала караа-биле көрбестеп, ажыл-биле чедип алган бүгү чүвеңни хунаап аар. Олар сени шалдаң, чанагаш арттырып каар, сээң бужар чанагажың, самыыраашкын, будулуушкунуң ажыттына бээр.
Израиль – чечектелген виноград сывы, ол хөй чимис берип турар; ооң чимизи көвүдээн тудум, улам хөй өргүл бедигээштери тудуп аар, ооң чери эки болган тудум, даш көжээлерин каастаары дам баар.
«Эфрем чүве чугаалаарга, улус сүрээдеп, сирилээр турган; ол Израильге бедик турушту ээлеп алган, ынчалза-даа Ваал бурган дээш буруудап, өлүп калган.
Оон башка Мен ооң хевин уштуп, шалдаңнааш, чаа төрүттүнгенинде дег көзүлдүр тургузуп каар мен: ону ээн кургаг хову ышкаш кылып, када берген чер кылдыр хуулдурар мен, кагыдып-суксадып өлүрүп каар мен.
Дээрбечилерниң кижини кедеп турары дег, бараалгакчыларның бөлүглели Сихем чедер орукка кижилер өлүрүп, бузут үүлгедип турар.
Израиль чоннуң артынчызы өске чоннар аразынга, хөй аймактар аразынга черлик аң-мең аразында арзылаң дег, кодан хойлар аразында аныяк арзылаң дег болур – ол халып үнгеш, оларны кемдедип, үзе-чаза тыртар, кым-даа оон адырып шыдавас.
Ынчангаш чогуур үе үнмээнде, Дээрги-Чаяакчы чедип келбээнде, чүнү-даа шиитпеңер. Ол караңгыда чажыртынган чүүлдү чырыдыпкаш, чүректерниң бодал-хөөннерин ажыдыптар, кижи бүрүзү ынчан Бурганның макталын алыр.