Осия 13:2 - Ыдыктыг Библия

² Ам израильчилерниң бачыт үүлгедири дам барган-дыр: ус-шевер улус оларга дүрзү-бурганнарны мөңгүнден шуткуп, чогаадып кылып берип турар-дыр; израильчилер оон дүрзү-бурганнар-биле чугаалажып, оларга өргүлдер салып турар-дыр; кижилер шуткумал бугажыктарны ошкап турар-дыр!

Осия 13:2 Iomraidhean Croise

3 Хааннар 19:18

А Мен Израильге Ваал бурганның мурнунга дискек кырынга сөгүрбээн, ооң дүрзүлерин ошкаваан 7000 кижини Бодумга кадагалап алган мен» – дээн.

2 Чылдар 28:13

«Туттурган улусту бээр эккелбеңер, оон башка Дээрги-Чаяакчының мурнунга буруулуг апаар бис. Бачыттарывысты, кемниг херектеривисти улгаттырып аар дээн силер бе? Кем-буруувус ол чокка-ла кончуг улуг-дур, Ооң килеңи Израильче кыптыккан-дыр» – дээннер.

2 Чылдар 33:23

Амон, ачазы Манассия ышкаш, Дээрги-Чаяакчының мурнунга бодун томаартып албаан, харын-даа бачыттарын көвүдедип-ле турган.

Ырлар 2:12

Ооң оглун хүндүлеңер, оон башка Ол килеңней бээр, а силер орууңарга өлүп каар силер – Ооң килеңи карак чивеш аразында кыптыгар болгай. Оон хоргадал алыр бүгү улус амыр-чыргалдыг.

Исайя 1:5

Үргүлчү үймээн үндүрер улус, чүге силер ам база катап эттедип-соктурарын күзеп тур силер? Бажыңарда балыгланмаан чер чок, чүрээңер шуут харыксырап калган-дыр.

Исайя 30:1

«Чөрүү ажы-төлүм ат болур! – деп, Дээрги-Чаяакчы медеглээн. – Олар Менден келбээн бодалдар күүседип, Мээң оларның сагыжынга киирбээним керээлер чарып, бачытка бачыт немеп турар-дыр.

Исайя 44:11

Ол ажыл-херекке бердинген бүгү улус бак атка кирер. Ус-шевер улус дээрге чүгле кижилер-дир. Олар шупту чыглып келгеш, кады туруп алзын – дөгерези аажок коргарлар, бак атка кирерлер!

Исайя 45:20

Силер, чоннарның артынчылары, чыглып алгаш, чедип келиңер, бөлдүнчүп алгаш, чоокшулап келиңер. Ыяш дүрзүлер эдилеп, камгалал бербес бурганнарга мөргүп турар улустуң билир чүвези чок-тур.

Исайя 46:6

Чамдык улус акша хавындан алдын тө чажып, деңзиге мөңгүн деңзилээш, ус-шевер кижи хөлезилеп аарга, ол кижи оларга бурган шуткуп бээр. Олар ол дүрзүге мөгеер, ооң мурнунга доңгая кээп дүжер,

Исайя 46:8

Үймээнчилер, ол бүгүнү сактып келгеш, соксап калыңар, боданып көрүңер,

Иеремия 10:4

алдын, мөңгүн-биле каастап каан база маска, кадаглар дузазы-биле тендиңневес кылдыр быжыглап каан дүрзү-бурганныг боор.

Иеремия 10:8

Ол улус мелегей болгаш бүдүүлүк. Оларның өөредии чөгенчиг – анаа-ла ыяш.

Иеремия 8:5

А Иерусалимниң бо чону чүге үргүлчү соора баарыл? Ол мегеден так туттунгаш, Бурганче эглиринден ойталаар-дыр.

Осия 10:1

Израиль – чечектелген виноград сывы, ол хөй чимис берип турар; ооң чимизи көвүдээн тудум, улам хөй өргүл бедигээштери тудуп аар, ооң чери эки болган тудум, даш көжээлерин каастаары дам баар.

Осия 10:5

Самарияның чурттакчылары Бет-Авенде дүрзү-бугажыкка мөгеер дээш барып турар; ол дүрзүге мөгеер чон-даа, ооң өөрүп турган бараалгакчылары-даа ол дээш кажыыдап, ыглажыр. Чүге дээрге дүрзүнүң каас-чаражын чок кылып каар,

Осия 11:2

Израильчилерни медээчилерим кыйгырып турда-ла, олар ырап, Ваал бурганның дүрзүлеринге өргүлдер эккеп салып, шуткуп, чазаан дүрзүлерге мөгейип, айдызаашкын кылып турганнар.

Осия 11:6

Ооң хоорайларын хылыш кезе шавар – ооң хаалгазының дээктерин үреп, кара сагыштыг бодалдары дээш, израильчилерни сыырыптар.

Осия 14:3

Мөргүүр сөстериңер боданып алгаш, Дээрги-Чаяакчыже эглип кээп: „Хамык кем-буруувусту өршээп, эккээр чүүлүвүстү ээ көрнүүшкүн-биле хүлээп ап көрем, аксы-сөзүвүстүң макталын өргүл кылдыр Сеңээ эккээр бис.

Осия 2:8

Ол херээжен далган-тараа, арага болгаш олива үзүн Мээң аңаа берип турганымны, Ваал бурганның дүрзүзүн шуткаан алдын, мөңгүннү Мээң аңаа көвүдедип бергенимни билбес-тир.

Осия 4:17

Эфрем дүрзү-бурганнарга хандыкшаан-дыр, сен ам ооң-биле үрелдешпе.

Осия 8:4

Израильчилер хааннарны Мээң дужаалым чокка боттары дүжүлгеге олуртуп турган, нояннарны Мээң чөпшээрелим чокка шилип ап турган. Боттарының алдын-мөңгүнүнден дүрзү-бурганнар шуткуп ап турганнар, ынчангаш узуткаттырып аарлар.

Осия 8:5

Самария, сээң дүрзү-бугажыыңны хүлээп көрбедим! Мээң килеңим израильчилерже кыптыкты: кажанга чедир арыгланып ап шыдавастарыл?!

Осия 8:6

Ол бугажыкты Израиль боду кылган болгай. Ону шевер кижи шуткаан, ынчангаш ол бурган эвес-тир; Самарияның бугажыы буступ каар!

Саннар 32:14

Ам силер – бачыттыг улустуң бөлүглели – Дээрги-Чаяакчы израиль чонче база катап килеңней берзин дээш, ада-өгбеңерниң орнун ээлеп алган-дыр силер.

Римчилерге 11:4

А Бурган аңаа кандыг харыы берген деп? «Ваалдың мурнунга дискек кырынга сөгүрбээн 7000 кижини Мен Бодумга кадагалап алган мен» .

Римчилерге 2:5

Чөрүү база бачыдың миннир хөңнүң чок болгаш, килеңнээн Бурганның чөптүг шииткели көстүп кээр хүнде кырыңче чүдүрлүр килеңни бодуң-на эңдере чыып аар-дыр сен.

2 Тимофейге 3:13

А бузуттуглар болгаш хуурмак хейлер багынга улам өнемчип, өскелерни будулдурар, оон боттары база будулар.

1 Хааннар 10:1

Самуил олива үзү кудуп каан көгээржикти алгаш, үстү Саулдуң бажынче кудупкаш, ону ошкап кааш, мынча дээн: «Бо-дур, Дээрги-Чаяакчы сени шилип алгаш, Бодунуң ээлээн чериниң чагырыкчызы кылып кааны ол-дур.