Осия 13:1 - Ыдыктыг Библия

¹ «Эфрем чүве чугаалаарга, улус сүрээдеп, сирилээр турган; ол Израильге бедик турушту ээлеп алган, ынчалза-даа Ваал бурган дээш буруудап, өлүп калган.

Осия 13:1 Iomraidhean Croise

3 Хааннар 12:25

Иеровоам Эфрем дагларында Сихем хоорайны быжыглай тудуп алгаш, аңаа чурттай берген. Ол оон чоруткаш, Пенуэл хоорайны быжыглай тудуп алган.

Иов 29:21

Улус мени ыыт чок дыңнап, арга-сүмемни манап аар турду;

Иов 29:22

мээң сөстерим оларны суггарар, чугаам төнерге, немээр чүвези чок боор турду.

Чугаалар 18:12

Бай кижиге эт-хөреңгизи – быжыг шивээ-даа дег, ол аңаа артап болбас хана дег сагындырар.

Исайя 66:2

Ол бүгүнү Мээң холум чаяап кылган, ол бүгү ынчаар тыптып келген – деп, Дээрги-Чаяакчы медеглээн. – Мээң ээ көрнүр улузум бо-дур: томаараан, сагыш-сеткили муңгагдаан болгаш Мээң сөзүмден сүрээдеп турар улус.

Исайя 7:8

Чүге дээрге Дамаск болза чүгле арамей черниң найысылалы, а Рецин болза чүгле Дамаскының баштыңы болгай; Самария хоорай чүгле Израильдиң найысылалы, а Факей болза чүгле Самарияның баштыңы болгай. Алдан беш чыл болгаш, Израиль тоо быдарап, чон болбайн баар. Бүзүрелиңерни черле оскунмаңар, оон башка шуут шыдашпас силер“».

Осия 11:2

Израильчилерни медээчилерим кыйгырып турда-ла, олар ырап, Ваал бурганның дүрзүлеринге өргүлдер эккеп салып, шуткуп, чазаан дүрзүлерге мөгейип, айдызаашкын кылып турганнар.

Осия 2:10

Мен ам ооң бужарын хандыкшааннарының мурнунга ажыдар мен, ынчан ону кым-даа Мээң холумдан камгалап шыдавас.

Осия 2:8

Ол херээжен далган-тараа, арага болгаш олива үзүн Мээң аңаа берип турганымны, Ваал бурганның дүрзүзүн шуткаан алдын, мөңгүннү Мээң аңаа көвүдедип бергенимни билбес-тир.

Осия 8:4

Израильчилер хааннарны Мээң дужаалым чокка боттары дүжүлгеге олуртуп турган, нояннарны Мээң чөпшээрелим чокка шилип ап турган. Боттарының алдын-мөңгүнүнден дүрзү-бурганнар шуткуп ап турганнар, ынчангаш узуткаттырып аарлар.

Саннар 10:22

Эфремниң үре-салгалының тугу чурум-чыскаалдыг бөлүктер аайы-биле көдүрлүп чорупкан; ол мөөң улусту Аммиудтуң оглу Элишама баштап бар чыткан.

Саннар 13:16

Гадтың аймаандан – Махийниң оглу Геуил.

Саннар 13:8

Иссахарның аймаандан – Иосифтиң оглу Игал;

Лука 14:11

Бодун өрү көрдүнер кижи бүрүзү дора көрдүрер, а бодун дора көрген кижи бүрүзү өрү көдүртүр».

Римчилерге 5:12

Ынчангаш бачыт бо делегейже чаңгыс кижи дамчып кирип келген, а бачыт-биле кады – өлүм база; а өлүм бүгү улустуң салым-хуузу апарган, чүге дээрге шупту улус бачыт үүлгеткен.

2 Коринфичилерге 5:14

Христостуң ынакшылынга башкарты бергенивис бисти мындыг түңнелге эккелген: бүгү улус дээш, бир Кижи өлү берген болза, бүгү улус база өлү бергени ол-дур.

Иисус 3:7

Ынчан Дээрги-Чаяакчы Иисуска: «Бөгүн Мен сени бүгү израиль чоннуң мурнунга алдаржыдып эгелээр мен. Моисей-биле кады чорааным дег, Мен сээң-биле кады-дыр мен дээрзин олар билип каар.

Баштыңчылар 12:1

Эфремчилер чыглып алгаш, Цафонче чедип келгеш, Иеффайга: «Аммоннар-биле чаалажып чоруурда, бисти чүге кыйгырып албадың? Ол дээш сени болгаш сээң бажыңыңны өрттедиптер бис!» – дээннер.

Баштыңчылар 8:1

Ынчан эфремчилер Гедеонга: «Чүге сен мадианнар-биле дайылдажырда, бисти кыйгырбадың, чүге ынчалдың?» – деп кедергей хорадап чедип келгеннер.

1 Хааннар 15:17

Самуил Саулга мынча дээн: «Дээрги-Чаяакчы сени Израильдиң хааны кылып турда, сен бодуң-на чөгенчиг кижи мен деп турдуң чоп. Ам Израильдиң аймактарының кол кижизи апарган-дыр сен.