Осия 12:2 - Ыдыктыг Библия

² Дээрги-Чаяакчы Иудея-биле база чаргылдажып турар, Ол Иаковтуң үре-салгалынга ооң оруктары дээш, үүлгеткен херектерин барымдаалап, кеземче онаар.

Осия 12:2 Iomraidhean Croise

Иов 15:2

«Мерген угаанныг кижи хей-хоозун сөстер-биле харыылаар бе, бодунуң иштин изиг хат-биле долдурар бе?

Экклесиаст 5:15

Ол шынап-ла хилинчектиг човулаң-дыр: кандыг келген-дир, шак-ла ындыг хевээр чоруй баар. Хат-салгынче иженип чораанындан аңаа кандыг ажык-дуза барыл?

Исайя 10:12

Дээрги Сион даг биле Иерусалимге удур кылып турар херээн төндүргеш, Ассирияның хаанының улуургак, турамык сагыш-хөңнүн болгаш ооң туразы улуг, өрү көрдүнер чоруун кезедир.

Исайя 10:6

Мен Ассирияны Менден ойталаан чонга удур, Мээң килеңнеп турарым чонга удур ыдар мен – ону үптеп-тоназын, куругладыр олчалап алзын, кудумчуда бок-хир дег, таптай бассын».

Исайя 24:21

Ол хүн кээрге, Дээрги-Чаяакчы дээрлерге – дээрниң аг-шериин, черге – чер-делегейниң хааннарын кезедир.

Исайя 3:11

Кем-буруулуг улус ат болур! Олар холу-биле кылган ажыл-херээ дээш кеземче көөр.

Исайя 30:6

Ээн кургаг Негев ховузунда малдар чүък сөөртүп чоруур. Араатан аңнар, арзылаңнар, шагар чыланнар, ок-чыланнарлыг, кижиге чурттаары аар-берге черде элчиннер бай-байлаан элчигеннерде, эртине-байлаан – тевелер мөгеннеринде артып алган, бир-ле чонга белек кылдыр сөөртүп аппар чыдар, ынчалза-даа ол чон оларга ажык-дуза катпас.

Исайя 59:18

Улустуң ажыл-херектерин ёзугаар Ол кеземче онаар: дайзыннарынче Ооң килеңи халдаар, өжээтеннерин Ооң өжээн негээшкини манап турар, ырак ортулуктарның чурттакчыларынга Ол чогуур кеземче онаар!

Иеремия 25:31

Диңмирээшкин чер-делегейниң кыдыынга чедир дагжаар, чүге дээрге Дээрги-Чаяакчы чоннар-биле маргыжар, Ол бүгү улус-биле чаргылдажыр, кем-буруулугларны хылыш-биле шаштыртып каар». Дээрги-Чаяакчының медеглээн чүвези ол-дур.

Осия 2:13

Ваал бурганның дүрзүлеринге бараан болуп, айдызап турганы дээш, ону кезедир мен; ол херээжен сыргалар болгаш каасталгалар-биле каастангаш, хандыкшааннарын сүрүп, Мени уттупкан турган болгай» – деп, Дээрги-Чаяакчы медеглээн.

Осия 4:1

Израиль чон, Дээрги-Чаяакчының сөстерин дыңна! Дээрги-Чаяакчы бо черниң чурттакчылары-биле чаргылдажып турар-дыр, бо черде чөптүг-шынныг чорук, энерел, Бурганны билип аарынче чүткүл чок-тур.

Осия 4:9

Чон-биле болур чүве бараалгакчыларны оюп эртпес, оруктары дээш, Мен оларны кезедир мен, үүлгедиглерин ёзугаар оларга кеземче онаар мен.

Осия 7:1

Израильди эмнээр деп баарымга, Эфремниң кем-буруузу, Самарияның бузут-багы көстү берди. Олар мегелеп турар-дыр, оорлаашкын-даа болур-дур, дээрбечи-даа улусту кудумчуларга үптээр-дир.

Осия 7:11

Эфрем мелегей, сарыыл чок көге-буга дег-дир: дуза дилеп, бирде Египетти кыйгырып, бирде Ассирияже барып турар-дыр.

Осия 7:2

Оларның бузуттуг үүлгедиглериниң шуптузун сактып алганымны медереп билбестер-дир; ам оларны ажыл-херектери бүргеп алган, оларны тода көрүп тур мен».

Осия 8:10

Израильчилер өске чоннарга төлевир үлеп берип турган-даа болза, Мен оларны бөле сүрүп эккээр мен, ынчан олар удавайн хары нояннарның база хаанның дарлалындан хинчек көрүп эгелээрлер.

Осия 8:13

Олар Дээрги-Чаяакчыга өргүл кылдыр эът эккеп салгаш, чип аар. Оларның өргүлдери Меңээ таарымчалыг эвес; Мен ам оларның бузудун бодап келгеш, бачыттары дээш кезедир мен: олар Египетче эглип кээр.

Осия 8:9

Олар Ассирияже дуза дилеп чорупкан, чааскаан улчуп чоруур черлик элчиген ышкаш Эфрем хары улустуң ынакшылын төлевир берип тургаш, садып алган.

Осия 9:15

«Израильчилерниң бүгү бузуду – Галгалда, аңаа оларны көөр хөңнүм чок апарган; бүгү бузуттуг үүлгедиглери дээш, оларны Бодумнуң черимден үндүр ойладыптар мен, оларга моон соңгаар ынак болбас мен; оларның нояннары шуптузу Менден ойталаан болгай.

Осия 9:9

Израильчилер боттарының бузуттуг үүлгедиглерин, Гивага болуп турганы дег, күштелдирип алган-дыр, Бурган оларның кем-буруузун бодап келгеш, бачыттарының ужун кезедир.

Амос 2:4

Дээрги-Чаяакчы мынча дээн: «Хөй санныг кемниг үүлгедиглери дээш, Иудеяның чурттакчыларын өршээвес мен, чүге дээрге олар Дээрги-Чаяакчының хоойлузундан ойталап, Ооң дүрүмнеринге шынчы бооп артпаан-дыр; ада-өгбезиниң эдерип турганы меге бурганнар ол чонну оруундан өскээр дуурайлап каапкан-дыр.

Михей 6:2

Даглар, чер-делегейниң быжыг үндезиннери, Дээрги-Чаяакчының чаргызын дыңнаңар. Чүге дээрге Ол Бодунуң чону-биле чаргылдажып турар-дыр, Израиль-биле Ол маргыжып турар-дыр:

Матфей 16:27

Кижи амытан Оглу Бодунуң Адазының өндүр чырыынга бүргеткен, Бурганның төлээлери-биле кады чедип келгеш, кижи бүрүзүн ооң кылган ажыл-херээниң аайы-биле шаңнаар азы шиидер.

Римчилерге 2:6

Бурган ол хүнде кижи бүрүзүн ажыл-херектерин барымдаалап, шаңнаар азы шиидер.

Галатчыларга 6:7

Мегеге туттурбаңар: Бурганны карак ажыттаары болдунмас. Кижи чүнү тарып аарыл, оозун ажаап алыр.