Осия 10:9 - Ыдыктыг Библия

⁹ «Израиль, Гиваның үезинден бээр бачыт үүлгедип келген сен; израильчилер ол хевээр артып калган; Гивага шак ол бак сагыштыг улусту дайын таварбас бе?

Осия 10:9 Iomraidhean Croise

Эге дөс 6:5

Кижилерден үнүп турар каржы-бак чүүлдүң чер кырында хөйүн Дээрги-Чаяакчы көрүп каан. Оларның бүгү бодалдары үргүлчү-ле каржы-бак чүүлче угланган болган.

Эге дөс 8:21

Өргүткеннерниң чаагай чыдын тынып ора, Дээрги-Чаяакчы мынча деп шиитпирлээн: «Моон соңгаар кижилерниң хайының ужун черже каргыш салбас мен. Оларның бодалдары аныяандан тура каржы-бак чүүлдерже угланган-даа болза, Мен, суг халавы чорудуп турганым дег, моон соңгаар амылыг чүвелер кырбас мен.

Осия 10:10

Израильчилерни күзээним ёзугаар кезедир мен, өске чоннар оларга удур чыглып кээр, ынчан ийи кемниг херээ дээш, олар хүлүттүрүп аар.

Осия 10:8

Бет-Авенде мөгейиишкин кылыр бедик черлерни – израиль чоннуң бачыт үүлгедип турар черлерин үреп бузуп кааптар. Израильчилерниң өргүл бедигээштеринге тенниг үнүштер биле бок сиген үнүп кээр; олар дагларга: «Бисти дуглай дүжүңер!» – деп, тейлерге: «Бисче кээп дүжүңер!» – деп чанныр.

Осия 5:8

«Гива хоорайга мыйыс этсиңер, Рама хоорайга труба этсиңер, Бет-Авенге дүвүрээзин чарлаңар: Вениамин, дайзын сээң артыңда тур!

Осия 9:9

Израильчилер боттарының бузуттуг үүлгедиглерин, Гивага болуп турганы дег, күштелдирип алган-дыр, Бурган оларның кем-буруузун бодап келгеш, бачыттарының ужун кезедир.

Баштыңчылар 20:5

Дүне Гиваның чурттакчылары мээң хонуп чытканым бажыңны бүзээлеп алгаш, мени өлүрүп каар деп турдулар. Олар мээң кул-кадайымны өлүрүнге чедир күштеп-күчүлеп кааптылар.