Осия 10:8 - Ыдыктыг Библия

⁸ Бет-Авенде мөгейиишкин кылыр бедик черлерни – израиль чоннуң бачыт үүлгедип турар черлерин үреп бузуп кааптар. Израильчилерниң өргүл бедигээштеринге тенниг үнүштер биле бок сиген үнүп кээр; олар дагларга: «Бисти дуглай дүжүңер!» – деп, тейлерге: «Бисче кээп дүжүңер!» – деп чанныр.

Осия 10:8 Iomraidhean Croise

Эге дөс 3:8

Кежээки сериин өйде сесерликте Дээрги-Бурган-Чаяакчының кылаштап турарын дыңнап кааш, кижи кадайы-биле ыяштар аразынга чашты берген.

3 Хааннар 13:2

Ол кижи Дээрги-Чаяакчының сөзүн ёзугаар өргүл салыр бедигээшче алгырып эгелээн: «Өргүл бедигээжи! Өргүл бедигээжи! Дээрги-Чаяакчының чугаалаан чүвези бо-дур: Давидтиң салгалындан оол төрүттүнер. (Ооң ады Иосия.) Ол бедик черлерде база сенде чаагай чыттыг чүүлдер кыпсып турар бараалгакчыларны өргүл кылдыр сээң кырыңга эккеп салыр. Кижи сөөктерин сээң кырыңга өрттедир!»

3 Хааннар 13:34

Ол бачыт Иеровоамның ук-салгалын буураашкынга база чырык чер кырынга турбас кылдыр узуткаттырарынга чедирген.

3 Хааннар 14:16

Израильди Ол Иеровоамның бодунуң үүлгеткени база ооң израильчилерни үүлгедир кылдыр элзеткени бачыттары дээш садыптар».

4 Хааннар 23:15

Вефилде өргүл салыр бедигээшти база Наваттың оглу Иеровоамның – Израильди бачытче киирген хаанның тудуп каан бедик черин безин Иосия үреп бузуп каапкан. Мөгейиишкин кылыр бедик черни ол өрттедип, хоюдур чуура дүрбүп каапкан, Ашера бурганга тураскааткан адагашты база өрттедипкен.

2 Чылдар 31:1

Ол бүгү доозулган соонда, аңаа турган бүгү израильчилер Иудеяның хоорайларынче чорупкаш, ыдыктыг көжээлерни буза шаап, Ашера бурганга тураскааткан адагаштарны ужуруп каапкан. Олар бүгү Иудеяга, Вениамин, Эфрем болгаш Манассияның аймактарының бүгү девискээрлеринге мөгейиишкин кылыр бедик черлерни болгаш өргүл салыр бедигээштерни бүрүнү-биле үрегдеп каапкан. Оон бүгү израильчилер боттарының хувааглыг черлеринче, боттарының хоорайларынче ээп келген.

Исайя 2:19

Кажан Дээрги-Чаяакчы чер-делегейни сириледир силгиптерге, Оон корткаш, Ооң өндүр чырыының чайынындан сүрээдээш, улус хаялар чарыктарынче, черде хооргалдарже кире бээр.

Исайя 2:21

Дээрги-Чаяакчы чер-делегейни сириледир силгиптерге, Оон корткаш база Ооң өндүр чырыының чайынындан сүрээдээш, олар хаялар чарыктарынче, даглар кызааларынче кире бээр.

Исайя 32:13

мээң чонумнуң чери дээш кажыыдаңар, аңаа ам чүгле тенниг бок үнүш өзер. Хөглүг чораан бүгү бажыңнар дээш, өөрүп-байырлап турган хоорай дээш кажыыдаңар.

Исайя 34:13

Эдомнуң ордуларынга тенниг чадаң үнүш үнер, ооң шивээлеринге – шагар-оът биле оотпак өзер. Ол шөө-бөрүлер аал-ораны, страус куштар чурттаар чер апаар.

Осия 10:2

Израильчилерниң сеткил-чүрээ Дээрги-Чаяакчыга шынчы эвес, ол кем-буруузу дээш, олар кеземче алыр: Дээрги-Чаяакчы оларның өргүл бедигээштерин үреп кааптар, даш көжээлерин чуура шавар.

Осия 10:5

Самарияның чурттакчылары Бет-Авенде дүрзү-бугажыкка мөгеер дээш барып турар; ол дүрзүге мөгеер чон-даа, ооң өөрүп турган бараалгакчылары-даа ол дээш кажыыдап, ыглажыр. Чүге дээрге дүрзүнүң каас-чаражын чок кылып каар,

Осия 10:9

«Израиль, Гиваның үезинден бээр бачыт үүлгедип келген сен; израильчилер ол хевээр артып калган; Гивага шак ол бак сагыштыг улусту дайын таварбас бе?

Осия 2:6

Ол бүгү дээш, Мен ооң оруун теннер-биле моондактаар мен, херим-биле долгандыр кажаалаар мен, ол ынчан оруундан аза бээр.

Осия 4:13

Олар даглар баштарынга өргүлдерин эккеп салып, тейлер кырынга бүгү улуг хөлегелиг ыяштар адаанга айдызаашкын кылып турар. Ынчангаш силерниң кыстарыңар самыырап, кенээттериңер ашактарынга өскерлип турар.

Осия 4:15

Израильчилер, силер бодуңар самыырап-даа турар болзуңарза, оода-ла Иудеяны бачытче киирбеңер; Галгал хоорайже барбаңар, Бет-Авенче көдүрүлбеңер, дириг Дээрги-Чаяакчының ады-биле даңгыраглаваңар.

Осия 5:8

«Гива хоорайга мыйыс этсиңер, Рама хоорайга труба этсиңер, Бет-Авенге дүвүрээзин чарлаңар: Вениамин, дайзын сээң артыңда тур!

Осия 8:5

Самария, сээң дүрзү-бугажыыңны хүлээп көрбедим! Мээң килеңим израильчилерже кыптыкты: кажанга чедир арыгланып ап шыдавастарыл?!

Осия 9:6

Израильчилер чылча шаптырыышкындан чайлай берзе-даа, Египет оларны чыггаш, Мемфиске хөөржүдүп каар. Оларның мөңгүнден кылган улуг үнелиг чүүлдерин шагар-оът дуй аптар, чадырларынга тенниг үнүштер үнүп кээр.

Амос 1:5

Дамаскының хаалгазының дээктерин адыра шаап кааптар мен, Авен шынаада чурттаан улусту база Бет-Эденде дүжүлге ээлээн кижини узуткап каар мен; арамей чонну тудуп алгаш, Кирже шөлүптер». Дээрги-Чаяакчының чугаалаан чүвези ол-дур.

Амос 3:14

Кем-буруузу дээш, Израильди кезедип кээр хүнүмде Вефилде өргүл салыр бедигээштерни база үреп бузар мен: бедигээштиң мыйыстарын одура шаап каарга, олар черже кээп дүжер.

Амос 7:9

Исаактың салгалдарының мөгейиишкин кылыр бедик черлери хоозураар, Израильдиң ыдыктыг дээн черлери үрелип бустур, Мээң хылыжым Иеровоам хаанга база ооң ук-салгалынга удур тулчур» – деп чугаалады.

Амос 8:14

Самарияны кем-бурууже киирип турар бурганнар-биле даңгыраглаар, „Дан хоорайның дириг бурганнары-биле база Беэр-Шева-биле даңгыраглап тур бис!“ дээр улус кээп дүшкеш, катап көдүрлүп шыдавас».

Михей 1:13

Лахистиң чурттакчылары, чүгүрүк аъттарыңарны дайынчы тергелерге кожуңар! Израильдиң кемниг херектерин өттүнгеш, силер Сион-кысты бачытче киирип каан силер.

Михей 1:5

Иаковтуң салгалдарының кемниг херектери дээш, израиль чоннуң бачыттары дээш ол бүгү болуп турар-дыр. Израильдиң кем-буруузу кайыын тывылганыл? Самариядан эвес бе? Иудеяның дүрзү-бурганнарга тураскааткан бедик черлери кайдал? Иерусалимде эвес бе?

Наум 3:11

Ниневия, сен база ындыг дашканы ижер сен, чаштынып, дайзындан камгалал дилээр сен.

Лука 23:30

Улус ынчан дагларга: „Бисче кээп дүжүңер“ база тейлерге: „Бисти дуглай дүжүңер!“ – дижи бээр.

Ы. х. к. 9:21

Силерниң бачыт үүлгедип, шуткуп алган бугажыыңарны алгаш, өрттедипкен мен; ону чуура шаап, довурак дег үүрмектеп каапкаш, ооң хүлүн дагдан агып баткан хемче киир чажыпкан мен.

Ажыдыышкын 6:16

Олар даглар болгаш хаяларга: «Бисче кээп дүжүңер, дүжүлгеде саадаан Бургандан база Хураганның килеңинден бисти чажырыңар!

Ажыдыышкын 9:6

Ол хүннерниң дургузунда улус өлүмнү дилей бээр, ынчалза-даа тыппас, өлүм оларның холунче кирбес.