Осия 10:5 - Ыдыктыг Библия

⁵ Самарияның чурттакчылары Бет-Авенде дүрзү-бугажыкка мөгеер дээш барып турар; ол дүрзүге мөгеер чон-даа, ооң өөрүп турган бараалгакчылары-даа ол дээш кажыыдап, ыглажыр. Чүге дээрге дүрзүнүң каас-чаражын чок кылып каар,

Осия 10:5 Iomraidhean Croise

4 Хааннар 10:29

Ынчалза-даа ол Наваттың оглу Иеровоамның – Израильди бачытче киирген хаанның бачыттарындан ойталаваан. Улус Вефил биле Дан хоорайларда алдын бугажыктарга мөгеерин уламчылап турган.

4 Хааннар 17:16

Олар боттарының Бурганы Дээрги-Чаяакчының бүгү айтыышкыннарындан ойталап, боттарынга бугажык хевирлиг ийи дүрзү-бурган шуткуп алганнар болгаш Ашера бурганга адагаштар тураскаатканнар. Олар сылдыстарның бүгү аг-шериинге мөгейип, Ваал бурганга бараан болуп турганнар.

4 Хааннар 23:5

Иосия Иудеяның хааннарының мөгейиишкин кылыр бедик черлерге, чурттуң хоорайларынга база Иерусалимни долгандыр айдызаар өргүлдер кывыссын дээш томуйлап кааны бараалгакчыларны дүжүрүп каапкан. Ол бараалгакчылар Ваалга, ай-хүнге, сылдыстарга – дээрниң бүгү аг-шериинге айдызаашкын кылып турган чүве-дир.

2 Чылдар 11:15

Иеровоам мөгейиишкин кылыр бедик черлерге өске бараалгакчылар томуйлап каан; ол аңаа бодунуң кылып алган дүрзү-бурганнарын – хуналар биле бугажыктарын тургузуп каан.

2 Чылдар 13:8

Ам силер Давидтиң үре-салгалының холунда турар Дээрги-Чаяакчының күрүнезинге удурланыр бодап турар-дыр силер. Ийе, силер эңдерик хөй санныг-дыр силер, Иеровоамның силерге бурганнар кылдыр кылып бергени алдын бугажыктарлыг-дыр силер.

Исайя 46:2

Ол бурганнар шупту кады ийленип, доңгая берген, боттарының дүрзүлерин камгалап аар харык чок болгаш, боттары туттуруушкунче бар чыдар.

Осия 13:2

Ам израильчилерниң бачыт үүлгедири дам барган-дыр: ус-шевер улус оларга дүрзү-бурганнарны мөңгүнден шуткуп, чогаадып кылып берип турар-дыр; израильчилер оон дүрзү-бурганнар-биле чугаалажып, оларга өргүлдер салып турар-дыр; кижилер шуткумал бугажыктарны ошкап турар-дыр!

Осия 4:15

Израильчилер, силер бодуңар самыырап-даа турар болзуңарза, оода-ла Иудеяны бачытче киирбеңер; Галгал хоорайже барбаңар, Бет-Авенче көдүрүлбеңер, дириг Дээрги-Чаяакчының ады-биле даңгыраглаваңар.

Осия 5:8

«Гива хоорайга мыйыс этсиңер, Рама хоорайга труба этсиңер, Бет-Авенге дүвүрээзин чарлаңар: Вениамин, дайзын сээң артыңда тур!

Осия 9:1

Израиль, өөрбейн көр, өске чоннар ышкаш байырлап-хөглеве, чүге дээрге самыырааш, Бурганыңдан ойталаан-дыр сен, хамык тараа шаңнарынга самыын-садар чорук дээш төлевир алырынга ынак-тыр сен.

Осия 9:11

Эфремниң ат-алдары куш ышкаш ужуп чоруй баар – ажы-төл төрүттүнмес, херээженнер иштелбес база божувас.

Амос 3:14

Кем-буруузу дээш, Израильди кезедип кээр хүнүмде Вефилде өргүл салыр бедигээштерни база үреп бузар мен: бедигээштиң мыйыстарын одура шаап каарга, олар черже кээп дүжер.

Софония 1:4

Мен Иудеяже база Иерусалимниң бүгү чурттакчыларынче холум анныр мен, ол черде Ваал бурганның истерин шуут балап кааптар мен, ооң бараалгакчыларын, аңаа бараан болуп турар улусту амылыг арттырбас мен.

Ажыл-чорудулга 19:27

Ол чорук чүгле бистиң ус-тывыжывыстың чаагай ат-сураан чидирип турары-биле эвес, а өндүр улуг бурган Артемиданың өргээзи ат-сураан чидиреринге чылдагаан бооп турары-биле озалдыг-дыр. Асияның база бүгү делегейниң чону мөгейип турар шак ол бурган алдарын чидирер-дир».

Иисус 7:2

Иисус бодунуң улузун Иерихондан Вефилдиң чөөн талазында Бет-Авенниң чоогунда турар Гай деп хоорайже чорудупкан. «Барып, ол черни билип эккелиңер» – деп, улузунга ол дужааган. Олар баргаш, ол черни көрүп алгаш келгеш,

Баштыңчылар 18:24

Миха оларга: «Силер мээң кылып алган бурганнарымны алгаш бардыңар, мээң Бурганга бараалгакчымны база алгаш бардыңар, оон артык чүве кайдал? Ол хиреңерде: „Сеңээ чүү херегил?“ деп канчап ынча дээр силер?!» – дээн.