Осия 10:2 - Ыдыктыг Библия

² Израильчилерниң сеткил-чүрээ Дээрги-Чаяакчыга шынчы эвес, ол кем-буруузу дээш, олар кеземче алыр: Дээрги-Чаяакчы оларның өргүл бедигээштерин үреп кааптар, даш көжээлерин чуура шавар.

Осия 10:2 Iomraidhean Croise

3 Хааннар 18:21

Илия чон мурнунче үнүп келгеш: «Чежеге чедир ийи чүдүлге аразынга чайгылып кээр силер? Бир эвес ёзулуг Бурган – Дээрги-Чаяакчы болза, Ону эдериңер, а бир эвес Ваал болза, Ваалды эдериңер» – дээн. Чон харыы кылдыр чүнү-даа ыыттаваан.

Хосталыышкын 23:24

Ол чоннарның бурганнарынга мөгейбе, оларга бараан болба; ол чоннарның ажыл-херектерин өттүнме, харын оларның дүрзү-бурганнарын узуткааш, ыдыктыг көжээлерин чуура шаап каавыт.

Чугаалар 11:18

Бузуттуг кижиниң шаңналы – хоозун, а чөптүг-шынныг чорук тарыыр кижи алыс шын шаңналды алыр.

Исайя 44:18

Ындыг улус чүнү-даа билбес, чүнү-даа угаап шыдавас; олар дээрге карактарын шийдирип каан, көөр чүвези чок, угаанын дуглап каан улус-тур.

Иеремия 43:13

Ол хаан Египетте Хүн-бурганның өргээзинде тураскаал адагаштарны үреп кааптар, египет бурганнарның өргээлерин хуюкталдыр өрттедиптер“».

Иезекиил 14:5

Израиль чон дүрзү-бурганнар дээш Мени каапкан-даа болза, оларның сеткил-чүрээн Бодумче ээлдирип аар мен.

Осия 12:11

А Галаад бузутка бердинген-дир, ооң чону чөгенчиг улус апарган-дыр. Олар Галгалга өргүл кылдыр бугажыктар салып турган-дыр, оларның өргүл бедигээштери аңдарган шөлде оваалай чыгган даштар дег-дир.

Осия 3:4

Шак ынчаар израиль чон үр үеде хааны чок, нояны чок, өргүлү чок, даш көжээзи чок, эфоду чок, дүрзү-бурганы чок артар-дыр.

Осия 7:8

Эфрем өске чоннар-биле холужа берген-дир, ол бир талазы чиг хаарган далган дег апарган-дыр.

Левит 26:30

Мөгейиишкин кылыр бедик черлериңерни үрегдеп, мөгейип турар адагаштарыңарны бузуп кааптар мен; мөчү-сөөктериңерни дүрзү-бурганнарыңар бузундуларынче октаптар мен. Мээң сеткилим силерден хөңнү кала бээр.

Михей 5:13

Сээң дүрзү-бурганнарыңны, ыдыктыг көжээлериңни узуткап каар мен – бодуңнуң холуң-биле кылып алган чүүлдериңге моон соңгаар мөгейбес сен.

Софония 1:5

Бажыңнар кырындан сылдыстарның аг-шериинге мөгеер улусту, Мээң адым-биле деңге Милхом бурганның ады-биле даңгыраглап, мөгейиг кылыр улусту чок кылып каар мен.

Захария 13:2

Ол хүн Мен чер кырындан дүрзү-бурганнарның аттарын узуткап кааптар мен, оон ыңай улус оларны сагынмас апаар – деп, Аг-шериглиг Дээрги-Чаяакчы медеглээн. – Ол ышкаш бо черден меге медээчилерни база буктарны ырадып кааптар мен.

Матфей 6:24

Кым-даа ийи дээргиге хары угда бараан бооп шыдавас: чок-ла болза бирээзин көрбес, а өскезинге ынак боор азы бирээзинге кызып бараан болгаш, өскезин тоовас боор. Силер база Бурганга болгаш акша-мөңгүнге хары угда бараан болуп шыдавас силер.

Лука 16:13

Кандыг-даа чалча ийи дээргиге хары угда бараан бооп шыдавас: чок-ла болза бирээзин көөр хөңнү чок, а өскезинге ынак боор азы бирээзинге кызып бараан болгаш, өскезин тоовас боор. Силер база Бурганга болгаш акша-мөңгүнге хары угда бараан болуп шыдавас силер».

Иаков 4:4

Самыыраан өскерликчилер! Бо делегей-биле найырал тудары Бурган-биле өжээннежиринге дөмейин билбезиңер ол бе? Бо делегейниң өңнүү болуксаан кижи Бурганның дайзыны апаар.

1 Иоанн 2:15

Бо делегейниң бүгү чүвезинге-даа, ооң бодунга-даа ынак эвес болуңар: бо делегейге ынак кижиниң сеткилинде Адага ынакшыл чок.

1 Хааннар 5:4

Ооң даартазында эртен эрте туруп кээрге, Дагоннуң дүрзүзү Дээрги-Чаяакчының аптаразының мурнунда база катап доңгая кээп дүшкен чыткан. Ооң одурлуп калган бажы база ийи холу эргин аксында чыткан. Дагоннуң чүгле мага-боду артып калган болган.