Осия 10:1 - Ыдыктыг Библия

¹ Израиль – чечектелген виноград сывы, ол хөй чимис берип турар; ооң чимизи көвүдээн тудум, улам хөй өргүл бедигээштери тудуп аар, ооң чери эки болган тудум, даш көжээлерин каастаары дам баар.

Осия 10:1 Iomraidhean Croise

3 Хааннар 14:23

Олар мөгейиишкин кылыр бедик черлер, даш көжээлер база бедик тей бүрүзүнге-ле, саглагар ыяш адаанга-ла Ашера бурганга тураскааткан адагаштар тургузуп алганнар.

Иеремия 11:13

Иудея, сээң кандыг-даа хоорайың боду бурганныг болгай. Иерусалимниң кудумчу бүрүзүнде чүдек-бужар Ваал бурганга айдызаар өргүл бедигээжи тургузуп алган силер.

Иеремия 11:17

Израиль биле Иудеяның улузу, силерни тарып олуртуп каан Аг-шериглиг Дээрги-Чаяакчы боттарыңарның араңарга кылып турган бузудуңар дээш силер-биле айыыл-халап боорун чугаалаан. Силер Ваал бурганга айдызаашкын кылып, Мени килеңнедип турган болгай силер».

Иеремия 2:28

Иудея, сээң кандыг-даа хоорайың боду бурганныг болгай. Кылып алган бурганнарыңар кайыл? Айыыл-халап хөме таварып кээрге, шыдаар болза, олар силерни камгалап чедип келзин.

Осия 12:11

А Галаад бузутка бердинген-дир, ооң чону чөгенчиг улус апарган-дыр. Олар Галгалга өргүл кылдыр бугажыктар салып турган-дыр, оларның өргүл бедигээштери аңдарган шөлде оваалай чыгган даштар дег-дир.

Осия 12:8

Эфрем: „Мен-даа олар ышкаш байыдым, эт-хөреңги чыып алдым. Мээң бүгү ажыл-херээмден улус хоойлуга удурланышкак, бачыт деп санадыр чүү-даа чүве тыппас“ – деп чугаалаан.

Осия 13:15

Эфрем акы-дуңмазынга бодаарга, өзүген-даа болза, өрттендир чиир хат чедип кээр – ээн кургаг ховудан Дээрги-Чаяакчының хады көдүрлүр, ынчан ол хат Эфремниң суунуң бажын соолдуруп каар, булаан кадырып каар; ол хат Израильдиң эртине-байлаан үптээр, ооң бүгү үнелиг чүүлдериниң шыгжамырын куругладыр.

Осия 13:2

Ам израильчилерниң бачыт үүлгедири дам барган-дыр: ус-шевер улус оларга дүрзү-бурганнарны мөңгүнден шуткуп, чогаадып кылып берип турар-дыр; израильчилер оон дүрзү-бурганнар-биле чугаалажып, оларга өргүлдер салып турар-дыр; кижилер шуткумал бугажыктарны ошкап турар-дыр!

Осия 13:6

Одар-белчиирлиг апаргаш, израильчилер тодуг-догаа болу берди, а тода бергеш, туразы улгадып, Мени уттупту.

Осия 2:10

Мен ам ооң бужарын хандыкшааннарының мурнунга ажыдар мен, ынчан ону кым-даа Мээң холумдан камгалап шыдавас.

Осия 2:8

Ол херээжен далган-тараа, арага болгаш олива үзүн Мээң аңаа берип турганымны, Ваал бурганның дүрзүзүн шуткаан алдын, мөңгүннү Мээң аңаа көвүдедип бергенимни билбес-тир.

Осия 3:4

Шак ынчаар израиль чон үр үеде хааны чок, нояны чок, өргүлү чок, даш көжээзи чок, эфоду чок, дүрзү-бурганы чок артар-дыр.

Осия 4:7

Бараалгакчылар өзүп-көвүдээн тудум-на, Меңээ удур бачыт үүлгедири дам баар-дыр; оларның ат-алдарын бак атче хуулдурар мен.

Осия 8:11

Эфрем бачыт дээш өргүл салыры-биле хөй-ле бедигээштер тудуп алган, а оон оларны бачыт үүлгедири-биле ажыглап турган.

Осия 8:4

Израильчилер хааннарны Мээң дужаалым чокка боттары дүжүлгеге олуртуп турган, нояннарны Мээң чөпшээрелим чокка шилип ап турган. Боттарының алдын-мөңгүнүнден дүрзү-бурганнар шуткуп ап турганнар, ынчангаш узуткаттырып аарлар.

Левит 26:1

«Боттарыңарга хоозун дүрзүлер, кижи холу-биле шуткуп-чазаан бурганнар, ыдыктыг адагаштар кылбаңар база чер-чуртуңарга даш көжээлер тургузуп, оларга мөгейбеңер; Мен – Дээрги-Чаяакчы Бурганыңар болгай мен!

Наум 2:2

Дээрги-Чаяакчы Иудеяның ат-алдарын, Израильдиң алдар-адын эгиткени дег, хоозурадыкчылар оларны ээнзиредип, оларның виноград шөлдерин узуткап каапкан-даа болза, катап тургузар.

2 Коринфичилерге 5:16

Ындыг болганда, бис ам моон соңгаар кымны-даа кижи хемчээли-биле хемчээвейн турар бис. Христосту кажан-бир шагда база ынчаар хемчээп чораан болзувусса, ам ынчаар хемчээвес апарган бис.

Филипчилерге 2:21

Чүге дээрге өске арткан улус Иисус Христоска күзенчиг чүүл дээш эвес, а чүгле боттарының эрге-ажыы дээш сагыш човаар-дыр.