Осия 1:7 - Ыдыктыг Библия

⁷ А Иудеяның чонунга ээ-хайыра көргүзерин уламчылап, оларны чаа-дайын: ча-согун, хылыш болгаш дайынчы аъттарлыг шериглер-биле эвес, а ооң Дээрги-Чаяакчы Бурганының ачызы-биле камгалаар мен» – дээн.

Осия 1:7 Iomraidhean Croise

4 Хааннар 19:29

Эзекия, сеңээ бадыткал демдээ бо-дур: бо чылын база келир чылын боду чайгаар үнген тараа чиир силер. А үшкү чылын – тараадан тарааш, ажаап алыңар, виноградтан тарып олурткаш, чимизин чиңер.

4 Хааннар 19:34

Мен бо хоорайга болчуп, Бодумну бодааш, Бодумнуң чалчам Давидти бодааш, ону камгалаар мен!»

4 Хааннар 19:35

Ол дүне мындыг чүве болган. Дээрги-Чаяакчы Бодунуң төлээзин чорудупкаш, ассирий аг-шеригниң турлаанга 185 000 кижини узуткап каан. Эртенинде көөрге, долгандыр чүгле мөчү-сөөктер чыткылаан.

4 Хааннар 6:18

Кажан арамейлер Элисейже шимчеп үнүптерге, ол Дээрги-Чаяакчыга: «Бо чонну согурартып каап көрем» – деп мөргээн. Элисейниң дилээн ёзугаар Дээрги-Чаяакчы дайзыннарны согурартып каан.

Ырлар 33:16

Дээрги-Чаяакчының карактары чөптүг-шынныг улусче көрнүр, Ооң кулактары оларның дуза дилээн кышкызын дыңнаар. פ (пе)

Ырлар 44:7

Бурган сени дүжүлгеге кезээ мөңгеде олуртуп каан, сээң чагыргаңның мергези – чөптүг чоруктуң демдээ-дир.

Хосталыышкын 14:13

Ынчалза-даа Моисей: «Кортпаңар, деспейн туруңар, ынчан Дээрги-Чаяакчының силерни бөгүн канчаар камгалаарын көөр силер, ам көрүп турарыңар египетчилерни моон соңгаар кажан-даа көрбес силер.

Хосталыышкын 14:30

Дээрги-Чаяакчы шак ол хүн израильчилерни египетчилерден камгалаан – далай эриинде египетчилерниң мөчү-сөөктерин израильчилер көргеннер.

Исайя 12:2

Шынап-ла, мээң Камгалакчым – Бурган, Аңаа идегээр болгаш, чүден-даа кортпас мен. Дээрги-Бурган-Чаяакчы – мээң күчү-күжүм, ырым; Ол меңээ камгалал болду» – деп ырлаар сен,

Исайя 30:18

А Дээрги-Чаяакчы элээн манааш, силерге өршээл көргүзер, Ол туруп келгеш, силерже ээ көрнүр. Чүге дээрге Дээрги-Чаяакчы – чөптүг Бурган-дыр. Аңаа идегээр бүгү улус амыр-чыргалдыг!

Исайя 49:6

Ам Дээрги-Чаяакчы: «Иаковтуң аймактарын катап тургузар болгаш Израильдиң артынчызын дедир эгидер чалчам бооруң эвээш-тир. Ооң кырынга, Мээң хайырлаан камгалалым чер-делегейниң ужу-кыдыынга четсин дээш, Мен сени бүгү чоннарга чырык кылып каар мен» – деп чугаалаан.

Исайя 7:14

Ынчангаш Дээрги Боду силерге бадыткал демдээ хайырлаар: көрүңер даан, аныяк кыс иштелип, оол уруг божуп алгаш, ону Эммануил деп адап аар.

Иеремия 25:5

Ол силерге: „Кайыңар-даа бодунуң бузуттуг оруундан, бачыттыг үүлгедиглеринден ойталазын, ынчан Дээрги-Чаяакчының силерге база ада-өгбеңерге шаг шаанда берген черинге кезээ мөңгеде чурттаар силер.

Иеремия 25:6

Өске бурганнар эдербеңер, оларга бараан болуп, мөгейбеңер, холуңарның ажыл-херээ-биле Мени килеңнетпеңер, ынчан Мен силерже айыыл-халап ытпас мен“ – деп чугаалаан турган болгай».

Иеремия 33:26

Мен Иаковтуң салгалындан, Мээң чалчам Давидтиң салгалындан ойталавас мен: оларның аразындан Авраам, Исаак болгаш Иаковтуң салгалын чагырар кижилерни шилиир мен! Мен оларга эки чолду эгидер мен» – дээн.

Осия 1:8

Ло-рухаманы эмзирип доруктурган соонда, Гомер база катап саатталгаш, оол уруг божуп алган.

Осия 11:12

«Мени Эфрем меге-биле, израиль чон – авыяас чоруу-биле бүзээлеп алган; Иудея шынчы ыдыктыг Бурганындан аза берген».

Захария 4:6

Ынчан ол меңээ мынча диди: «Дээрги-Чаяакчының Зоровавелге чугаалаан сөзү бо-дур: чедимче күчү-күштүг шеригден эвес, а Мээң Сүлдемден кээр – деп, Аг-шериглиг Дээрги-Чаяакчы чугаалаан. –

1 Хааннар 17:47

Мында чыглып келген бүгү кижилер Дээрги-Чаяакчының тиилеп аарынга хылыш болгаш чыда-даа херек чок деп билип алзын. Ол Боду-ла тиилеп аар, ынчангаш Ол силерни бистиң холдарывыска хүлээдип бээр» – деп харыылаан.