Осия 1:6 - Ыдыктыг Библия

⁶ Гомер база катап саатталгаш, кыс уруг божуп алган. Дээрги-Чаяакчы Осияга: «Бо чаш төлдү Ло-рухама деп адап аар сен, ол ат израиль чонну моон соңгаар өршээвезимче, аңаа ээ-хайыра көргүспезимче айтыр.

Осия 1:6 Iomraidhean Croise

4 Хааннар 17:20

Ынчангаш Дээрги-Чаяакчы Иаковтуң бүгү үре-салгалындан ойталаан. Ол израильчилерни кезедип, оларны үптекчилерниң холунга хүлээдип турган, а адак сөөлүнде оларны Бодунуң мурнундан сывырыпкан.

4 Хааннар 17:6

Осияның чагыргазының тоску чылында Салманассар Самарияны эжелеп ап, израильчилерни Ассирияже тудуп аппаргаш, оларны Халахка, Хавор хем чанында Гозанга болгаш Мидияның хоорайларынга чурттадып каан.

Исайя 27:11

Будуктар кургап каарга, сыйып кааптар, херээженнер келгеш, оларны өрттедиптер. Бо чон угаан чок-тур, ынчангаш Чаяакчызы ону кээргевес, хайыра көргүспес.

Осия 1:8

Ло-рухаманы эмзирип доруктурган соонда, Гомер база катап саатталгаш, оол уруг божуп алган.

Осия 2:23

Мен черге Бодумнуң чонумну үнүш дег тарып аар мен, „Ээ-хайыра албаан“ деп аттыг чонга ээ-хайыра көргүзер мен; „Мээңии эвес“ деп аттыг чонга: „Сен – Мээң чонум сен“ – дээр мен, а ол: „Сен – мээң Бурганым сен“ – деп харыылаар».

Осия 2:4

Ооң ажы-төлүнге-даа ээ-хайыра көргүспес мен, чүге дээрге олар самыын харылзаадан тывылган төлдер-дир;

Амос 7:8

Дээрги-Чаяакчы менден: «Чүнү көрүп тур сен, Амос?» – деп айтырарга, мен: «Хананың дортун хынап көөр херекселди» – деп харыыладым. Дээрги: «Көрдүң бе, Мээң израиль чонумнуң ыргак-дортун хынап, шенеп көрдүм, аңаа катап база өршээл көргүспес мен.

Амос 9:8

Дээрги-Бурган-Чаяакчының карактары бачыттыг күрүнеже көрүп тур. Мен ону чырык чер кырынга турбас кылдыр узуткап каар мен. Ынчанмыже Иаковтуң ук-салгалын шуут-ла узуткавас мен – деп, Дээрги-Чаяакчы медеглээн. –

1 Пётр 2:10

Ооң мурнунда Бурганның чону деп санатпайн чораан силер, а ам Ооң чону апардыңар. Ооң мурнунда Бурганның ээ-хайыразын албайн чораан силер, а ам Ооң ээ-хайыразын алдыңар.