Осия 1:10 - Ыдыктыг Библия

¹⁰ «Ынчалза-даа алызында израиль чоннуң саны далайның санап четпес элезини ышкаш көвүдей бээр. Израильчилерге улустуң: „Ооң чону эвес силер“ – деп турган черинге: „Дириг Бурганның ажы-төлү силер“ – деп, оларга улус чугаалай бээр.

Осия 1:10 Iomraidhean Croise

Эге дөс 13:16

Сээң салгалыңны черниң элезин-довураа дег хөй санныг кылып каар мен; черниң элезининиң санаттынмазы дег, сээң салгалың база санаттынмас хөй болур.

Эге дөс 22:17

сеңээ ачы-буянны бажын ажыр хайырлаар мен. Сээң үре-салгалыңның саны дээрниң сылдыстары дег, далай эрииниң элезининиң саны дег хөй болзун. Сээң үре-салгалың дайзыннарыңның чер-чуртун өнчү кылдыр алыр болзун.

Эге дөс 32:12

Сен меңээ: „Ачы-буянны сеңээ хайырлаар мен. Сээң үре-салгалыңны далайның элезини дег санаттынмас хөй кылып каар мен“ – деп турган болгай сен».

2 Хааннар 7:24

Сен израиль чонуңну кезээ мөңгеде Бодуңнуу кылып алдың, а Бодуң, Дээрги-Чаяакчы, ооң Бурганы болдуң.

Исайя 43:6

Соңгу чүкке: „Оларны дедир бер!“ – дээр мен, мурнуу чүкке: „Оларны салывыт! – дээр мен. – Мээң оолдарымны ырактан, Мээң кыстарымны – чер-делегейниң ужу-кыдыындан эдертип эккел –

Исайя 48:19

Сээң үре-салгалың элезин дег хөй боор ийик, ажы-төлүң быйыргын элезин дег эңдерик боор ийик! Оларның ады арлып читпейн, узуткаттынмайн, Мээң мурнумга артар ийик».

Исайя 63:16

Сен – бистиң Адавыс сен! Авраам бисти билир хөңнү чок-даа болгай-ла, Иаков бисти хүлээп көрүксевейн-даа баргай-ла, ынчалза-даа Сен, Дээрги-Чаяакчы – бистиң Адавыс сен; эрте шагдан бээр Сээң адың – «Камгалакчывыс» болгай.

Исайя 64:8

Ындыг турбуже, Дээрги-Чаяакчы, Сен – бистиң Адавыс сен, бис – дой бис, а Сен – дой сава кылыкчызы сен. Бис шупту – Сээң холуңнуң кылыглары бис.

Исайя 65:1

«Мени айтырбаан улуска ажыттынган мен; Менче чүткүвээн улус Мени тып алган. Мээң адым адап, кыйгырбаан чонга: „Мында мен, мында!“ – деп чугааладым.

Исайя 66:20

Ынчан олар бүгү чоннар аразындан силерниң бүгү ха-дуңмаңарны чуузалар, тергелерге олурткаш, аъттар, элчигеннер болгаш тевелерге мундургаш, Мээң ыдыктыг даамче, Иерусалимче, Дээрги-Чаяакчыга белек кылдыр эккээр – деп, Дээрги-Чаяакчы чугаалаан. – Бүгү чоннар улузу израильчилерни, Дээрги-Чаяакчының өргээзинге израильчилерниң арыг саваларда далган-тараа өргүлүн эккээри дег, эккээр.

Иеремия 33:22

Сылдыстарның аг-шерии санаттынар бе, далайның элезининде хемчээл бар бе?! Мээң чалчам Давидтиң болгаш Меңээ бараан болган левиттерниң үре-салгалын база ынчаар өстүрүп-көвүдедир мен».

Даниил 6:26

Мээң чарлыым мындыг: меңээ чагыртып турар бүгү күрүнемде шупту улус Даниилдиң Бурганын хүндүлеп, Оон кортсун! Чүге дээрге Ол – дириг, мөңге амыдыраан Бурган-дыр, Ооң хааннаашкыны кажан-даа узуткаттырбас, Ооң чагыргазы төнчү чок.

Осия 1:9

Дээрги-Чаяакчы ынчан: «Бо чаш төлдү Ло-амми деп адап аар сен, ол ат силер – Мээң чонум болбазыңарже, Мээң силер-биле харылзаа тутпазымче айтыр» – дээн.

Осия 2:23

Мен черге Бодумнуң чонумну үнүш дег тарып аар мен, „Ээ-хайыра албаан“ деп аттыг чонга ээ-хайыра көргүзер мен; „Мээңии эвес“ деп аттыг чонга: „Сен – Мээң чонум сен“ – дээр мен, а ол: „Сен – мээң Бурганым сен“ – деп харыылаар».

Иоанн 1:12

А Ону хүлээп алган база Ооң ады дээш бүзүрээн бүгү улуска Ол Бурганның ажы-төлү болур эргени хайырлаан.

Римчилерге 8:19

Чүге дээрге бүгү өлүг, дириг бойдус, Бурган кажан-на Бодунуң ажы-төлүн илередип кээр ирги деп, күштүг идегел-биле четтикпейн манап турар.

2 Коринфичилерге 6:18

«Мен силерниң Адаңар болур мен, а силер мээң оглу-кызым болур силер» – деп, Аг-шериглиг Бурган чугаалаан .

Еврейлерге 11:12

Ынчангаш чаңгыс кижиден (артында-ла эът-боду өлүг чыгыы кижиден) дээрде сылдыс дег эмге-тикчок, далай эриинде элезин дег сан-түң чок салгал тывылган.