Неемия 5:1 - Ыдыктыг Библия

¹ Карачал чон аразында эр, херээжен улус боттарының ха-дуңмазы иудейлерге удур күштүг хомудаашкын көдүрген.

Неемия 5:1 Iomraidhean Croise

Неемия 4:23

Мен-даа, мээң ха-дуңмам-даа, чалчаларым-даа, мээң-биле кады чоруур таңныылдар-даа хевивисти уштуп көрбээн бис; кижи бүрүзү ок-чепсээн холунга тудуп алган чоруур турган.

Иов 34:28

Чүге дээрге ядыыларның алгы-кышкызы Аңаа четкен-дир, дарлатканнарның уё-човуурун Ол дыңнап каан-дыр.

Хосталыышкын 3:7

Дээрги-Чаяакчы Моисейге мынча дээн: «Мээң чонумнуң Египетте кайы хире хинчектенип чоруурун көрдүм. Египетчилерниң дарлалындан ооң човууртап чоруурун дыңнадым. Мен ооң аарышкы-човалаңын билир мен.

Исайя 5:7

Аг-шериглиг Дээрги-Чаяакчының виноград шөлү – израиль чон-дур, Иудеяның чону – Ооң ынак сесерлии-дир. Ол аңаа шынныг шииткел көрүксеп тургаш, хан төгүүшкүнү көрүп каан, чөптүг чорук көөрүнге идегеп тургаш, күчүлелдиң алгы-кышкызын дыңнап каан.

Иеремия 34:8

Седекия хаан Иерусалимниң чурттакчы чону-биле кулдарны хостаар дугайында дугуржулга чарган соонда, Дээрги-Чаяакчы Иеремияга Бодунуң сөзүн ажыдып чугаалаан.

Иезекиил 45:9

Дээрги-Бурган-Чаяакчы мынча дээн: «Израильдиң чагырыкчылары, ам болзун! Каржы чорук биле кызагдалды болдурбаңар, шынныг шииткел биле чөптүг чоруктан кылыңар, Мээң чонумну хувааглыг черинден үндүр сывырарын соксадыңар – деп, Дээрги-Бурган-Чаяакчы медеглээн. –

Малахия 2:13

Оон ыңай мындыг чүве кылып турар-дыр силер: Дээрги-Чаяакчыга өргүл салыр бедигээшче карак чажын хөме кудуп каапкан-дыр силер. Ыглап-сыктап, хомудап турар-дыр силер, чүге дээрге Дээрги-Чаяакчы силерниң өргүлдериңерже ам көрүнмейн турар-дыр, оларны силерниң холуңардан хүлээп албас апарган-дыр.

Лука 18:7

А Бурган Олче дүн-хүн дивейн кыйгы салган, Бодунуң шилип алган улузун канчап камгалавас чүвел? Ол харыызын саададыр деп бе?

Ажыл-чорудулга 7:26

Даартазында, еврейлер аразында чокшуп турда, ол чедип келгеш, оларны эптештирерин кызып: „Ха-дуңмашкы улус эртип, чүге бот-боттарыңарны хомудадып турарыңар ол?“ – дээн.

Иаков 5:4

Силерниң шөлдериңерниң дүжүдүн ажаап берген ажылчыннарның акшазы чедир төлеттинмээн. Оларның халактаан ыы-сыызын дыңнаңар. Оларның халак-тилээ ам Аг-шериглиг Дээрги-Чаяакчының кулаанга чеде берген.