Наум 1:2 - Ыдыктыг Библия

² Дээрги-Чаяакчы – хүннээчел, өжээн негекчизи Бурган. Ол – өжээн негекчизи, Ол кедергей килеңнээн. Дээрги-Чаяакчы Бодунуң дайзыннарындан өжээн негээр, Ол Бодунуң өжээтеннеринге соксаал чок килеңнээр.

Наум 1:2 Iomraidhean Croise

Иов 20:23

Ол хырнын долдур дыгып аарга, Бурган Бодунуң кыптыккан килеңин олче ыдар, ооң мага-бодунче согуушкунун чайык дег кудар.

Ырлар 94:1

Барып, Дээрги-Чаяакчыга өөрүшкүлүг ырлап берээл, камгалал бээр Хаявысты ыыткыр алгап ырлаал!

Хосталыышкын 20:5

Оларга мөгейбе база бараан болба, чүге дээрге сээң Дээрги-Чаяакчы Бурганың болур Мен – хүннээчел Бурган-дыр мен; Мени хүлээп көрбес улустуң ажы-төлүн, ада-өгбезиниң кем-буруузу дээш, үшкү болгаш дөрткү салгал чедир кезедир мен.

Хосталыышкын 34:14

Сен Дээрги-Чаяакчыдан өске бурганга мөгейбес ужурлуг сен, Ооң адын „Хүннээчел“ дээр болдур ийин; хүннээчел Бурган-дыр ол.

Хосталыышкын 34:7

Мен Бодумнуң энерелимни муң-даа дугаар салгалга көргүзүп, улустуң кем-буруузун, кемниг херектерин, бачыттарын өршээп турар мен, ынчалза-даа буруулугларны кеземче чокка арттырбас мен база адаларның кем-буруузу дээш ажы-төлдү, ажы-төлдүң ажы-төлүн үшкү болгаш дөрткү салгал чедир кезедир мен».

Исайя 42:13

Дээрги-Чаяакчы күчүлүг маадыр дег чедип кээр, дайынчы дег, килеңи кыптыгар, дайынчы кыйгы салып, алгырар, дайзыннарынга күжүн көргүзер:

Исайя 51:17

Оттуп кел, о Иерусалим, оттуп кел, туруп кел! Дээрги-Чаяакчының килеңин куткан дашканы Ооң холундан хүлээп алгаш, ижипкен сен, арагалыг кундаганы доңгайтыр пактапкан сен.

Исайя 51:20

Сээң ажы-төлүң харыксырап калгаш, дузакка туттунган чээреннер дег, бүгү кудумчулар белдирлеринде чыдарлар. Олар Дээрги-Чаяакчының килеңин бүрүнү-биле көрүп эрткен – сээң Бурганыңның чемелээшкини түрлүг!

Исайя 66:15

Дээрги-Чаяакчы отка бүргедипкен чедип кээр, Ооң дайынчы тергелери казыргы дег боор. Ооң өжээн негээшкини килеңниг, Ооң түрлүг кыйгызы оттуң чалбыыжы-ла!

Иеремия 25:15

Дээрги-Чаяакчы, Израильдиң Бурганы меңээ: «Мээң холумдан килеңимниң арагазын куткан бо дашканы алгаш, сени айбылап чорудуп турарым бүгү чоннарга ижиртип каг.

Иеремия 28:8

Шаг шаанда, сен-даа, мен-даа чок турган үеде, Бурганның медээчилери хөй чурттарга, өндүр улуг күрүнелерге дайын-чаа, айыыл-халап болгаш хамчык аарыг боорун баш бурунгаар чугаалап турган болгай.

Иеремия 3:5

Таанда-ла кезээ мөңгеде килеңнээр сен бе, кезээде хорадаар сен бе?“ – деп турар-дыр сен. Ынча дээр хиреңде-ле, бар шааң-биле бузут үүлгедир-дир сен».

Иеремия 36:7

Олар Дээрги-Чаяакчының мурнунга чаннып мөргүп, кайызы-даа бодунуң бузуттуг оруундан ойталаар чадавас, чүге дээрге Дээрги-Чаяакчының бо чонга килеңнеп, хорадаан сагыжы коргунчуг-дур» – дээн.

Иеремия 4:4

Дээрги-Чаяакчыга хамааржырыңарны көргүзери-биле чүрээңерни демдектеп, арыглап алыңар, Иудеяның улузу, Иерусалимниң чурттакчылары, оон башка силерниң бузуттуг херектериңер дээш Мээң килеңим чалбыышталдыр хып, өжүртүнмес өрт ышкаш апаар».

Иеремия 50:15

Хоорайның бүгү талаларындан алгыржыңар! Ол өршээл дилээр, ооң камгалал суургалары буступ кээп дүжер, ханалары үрелип каар – Дээрги-Чаяакчының кеземчези ол-дур! Оон өжээнден негеңер. Ол канчаар аажылап туржук, ону база ынчаар аажылаңар!

Ыы-сыы 4:11

Дээрги-Чаяакчының килең-кылыы дендеп барды, килеңин Ол чажа каапты: Сионга Ол одун кыпсып, хоорайны өзээнге киир өрттедипти. ל (ламед)

Иезекиил 36:6

Ынчангаш израиль чер дугайында өттүр билип медеглеп, Дээрги-Бурган-Чаяакчының чугаалаан чүвезин даглар, тейлерге болгаш хемнер, шынааларга дамчыт: хорадаан сагыжымга алыскаш, килеңим кыптыгып, мону чугаалап тур мен, чүге дээрге силер чоннарның дорамчылалын шыдажып турар-дыр силер.

Иезекиил 38:18

Ол хүн болур чүве бо-дур: кажан Гог израиль черже халдап кээрге, хорадаанымдан Мээң килеңим кыптыгар – деп, Дээрги-Бурган-Чаяакчы медеглээн. –

Иезекиил 38:19

Хорадаан сеткилимге хаара туттургаш, ажынган сагыжымның одунга хөме алыскаш, даңгыраглап тур мен: ол хүн израиль черге коргунчуг чер шимчээшкини болур.

Иезекиил 39:25

Ынчангаш Дээрги-Бурган-Чаяакчы мынча дээн: «Мен ам Иаковтуң салгалынга эки чолду эгидип, бүгү израильчилерге өршээл көргүзер мен, Бодумнуң ыдыктыг адымны камгалаар мен.

Иезекиил 5:13

Ынчан Мээң килеңим бүрүнү-биле кыптыгып кааптар, оларга хорадааным намдаар, сеткилим ханар. Ажынган сеткилим, хорадаан сагыжым оларже кыптыгарга, Дээрги-Чаяакчы Мээң чугаалап турганымны билип аарлар.

Иезекиил 6:12

Ыракта улус хамчык аарыгдан, чоокта улус – дайын-чаадан өлүп каар, а дириг арткан, амы-тынын кадагалап алган улус аштап өлүр. Бодумнуң килеңимни оларга ынчаар көргүзер мен.

Иезекиил 8:18

Ынчангаш Мээң килеңим оларже кыптыгар; Мен оларже кээргел-биле көрүнмес мен, өршээвес мен; олар Мээң шуут кулаамче-даа дуза дилеп алгыржыр болза, дыңнавас мен» – диди.

Иоил 2:18

Дээрги-Чаяакчы ынчан Бодунуң чери дээш хүннээчелин база Бодунуң чонунга кээргелин көргүзер.

Левит 26:28

Мен килеңней берип, силерге удур апаар мен база бачыттарыңар дээш кеземче согуг санын чеди катап көвүдедир мен.

Михей 5:15

Мени тооп дыңнавайн барган чоннарга килеңнеп, ажынып-хорадап, олардан өжээн негээр мен».

Михей 7:18

Сен ышкаш өске Бурган бар бе? Сен бачытты өршээп турар сен, Бодуңнуң чонуңнуң артынчызының кем-буруузунче көрбейн турар сен. Мөңгези-биле килеңневес-тир сен, чүге дээрге энерел көргүзери Сеңээ таарымчалыг-дыр.

Захария 1:14

Ынчан мээң-биле чугаалажып турган дээрниң төлээзи меңээ мынча дээн: «Аг-шериглиг Дээрги-Чаяакчының чугаалаан чүвезин улуска медеглеп дамчыт: Мен Иерусалим дээш, Сион дээш кедергей хүннеп тур мен,

Захария 8:2

Аг-шериглиг Дээрги-Чаяакчының чугаалаан чүвези бо-дур: «Мен Сион дээш аажок хүнней бердим. Мээң хүннээшкиним ооң дайзыннарынче өндүр улуг килең бооп кыптыкты».

Саннар 25:11

«Аарон бараалгакчының оглу Элеазарның оглу Финеес Мээң килеңимни израиль чондан чайладыпты; ол Мен дээш хүннээшкинин улус аразынга көргүстү, ынчангаш израиль чонну Бодумнуң хүннээшкиним дээш узуткавайн бардым;

Римчилерге 12:19

Ханы ынак эш-өөр, улустан өжээн негевеңер, ооң орнунга Бурганның килеңинге орук чайлаңар. Бижилгеде мынча деп бижээн болгай: «„Улустан өжээн негеп, кезедир арга Менде бар“ – деп, Дээрги-Чаяакчы чугаалаан».

Римчилерге 13:4

Эрге-чагырга ээлээн кижи база Бурганның чалчазы боор, ол сээң чаагай чорууң дээш ажылдап чоруур. А бузут үүлгедип турар болзуңза, кичээн, чүге дээрге ол сеңээ кеземче онаар эргелиг. Ол – Бурганның чалчазы-дыр база бузут үүлгеткен улуска хамаарыштыр Ооң шииткелин күүседир кижи-дир.

Ы. х. к. 4:24

Чүге дээрге Дээрги-Чаяакчы Бурганыңар – өрттендир чиир от-тур, хүннээчел Бурган-дыр.

Ы. х. к. 7:10

А Ону көөр хөңнү чок улустуң боттарын Ол кезедип, узуткаар. Ону көөр хөңнү чок кижиниң бодун Ол саадатпайн кезедир.

Еврейлерге 10:30

Кымның: «Менде улустан өжээн негеп, кезедир арга бар» – дээнин, а оон ыңай: «Дээрги-Чаяакчы Бодунуң чонун шиидер» – дээнин билир бис.

Иисус 24:19

Оон Иисус чонга: «Дээрги-Чаяакчыга бараан болуп шыдавас силер. Ол – ыдыктыг Бурган-дыр! Ол – хүннээчел Бурган-дыр! Ол силерниң үймээнчи чорууңарны болгаш бачыттарыңарны шыдажып эртпес.

2 Пётр 2:9

Ийе, Дээрги-Чаяакчы Ону хүндүлээр улусту шенелде байдалдарындан канчаар адырарын, а хоойлу-дүрүм сагывастарны кезедип, шииттирер хүнүнге чедир канчаар кадарып арттырарын билир.