Наум 1:1 - Ыдыктыг Библия

¹ Бурганның Элкос чурттуг Наумга ажытканы өттүр билиишкин бижээн ном бо-дур. Мында Ниневия хоорай дугайында көстүүшкүн бижиттинген.

Наум 1:1 Iomraidhean Croise

Эге дөс 10:11

Ол чурттан Нимрод Ассурже чорупкан. Аңаа ол Ниневия, Реховот-Ир, Калах база Ресен деп хоорайлар тудуп алган. (Ресен Ниневия биле улуг хоорай Калахтың ортузунда турган.)

4 Хааннар 19:36

Ынчангаш Ассирияның хааны Сеннахирим аткаарлап чорупкаш, найысылал хоорай Ниневияже ээп чана берген.

Исайя 10:5

«Ассирия ат болур! Ассирия дээрге Мээң килеңимниң шыкпыыжы-дыр, ооң холунда – Мээң хорадаан сагыжымның кымчызы!

Исайя 13:1

Амоцтуң оглу Исайяның дамчытканы Вавилон дугайында өттүр билген медеглел бо-дур.

Исайя 14:28

Ахаз хаанның өлген чылында мындыг өттүр билген медеглел болган:

Исайя 15:1

Моав дугайында өттүр билген медеглел бо-дур. Чаңгыс дүне Ар хоорайны хоозураткан – Моавты узуткап каан; чаңгыс дүне Кир хоорайны хоозураткан – Моавты узуткап каан.

Исайя 19:1

Египет дугайында өттүр билген медеглел бо-дур. Дыңнаңар, Дээрги-Чаяакчы чоруккур булутта саадапкан, Египетче кел чыдыр. Египеттиң дүрзү-бурганнары Ону көргеш, сириңейнип тур, египетчилерниң чүректери кортканындан шапкыланып тур.

Исайя 21:1

Далай чанында ээн кургаг хову дугайында өттүр билген медеглел бо-дур. Негевтиң кырында хадаан шуурганнар дег, дайзын ээн кургаг ховудан, коргунчуг черден кел чыдар.

Исайя 22:1

Көстүүшкүн шынаазының дугайында өттүр билген медеглел бо-дур. Сээң-биле чүү болуп тур? Чүге сээң чурттакчыларың шупту бажыңнарының кырында чыглып келди?

Исайя 23:1

Тир хоорай дугайында өттүр билген медеглел бо-дур. Ыглап-сыктаңар, Фарсистен ээп келген корабльдар! Тир хоорай үрелип бузулган-дыр, бүдүн бажың артпаан-дыр. Ол медээ оларга китт черден чеде берген.

Иеремия 28:8

Шаг шаанда, сен-даа, мен-даа чок турган үеде, Бурганның медээчилери хөй чурттарга, өндүр улуг күрүнелерге дайын-чаа, айыыл-халап болгаш хамчык аарыг боорун баш бурунгаар чугаалап турган болгай.

Иона 1:2

«Улуг хоорай Ниневияже дүрген чорупкаш, ында чурттаан улусту билиндир сургап каг, чүге дээрге оларның кемниг үүлгедиглери меңээ билдингир апарды» – деп чугаалаан.

Наум 2:8

Ниневия эрте шагдан бээр долу суглуг хөөлбек дег турган, ол суг ам куругландыр үндүр агып-ла турар. «Туруңар! Доктааңар!» дээрге-даа, эглип кээр кижи чок.

Аввакум 1:1

Бурганның Аввакум медээчиге ажытканы өттүр билиишкин бо-дур.

Софония 2:13

Дээрги-Чаяакчы Бодунуң холун соңгу чүкче сунгаш, Ассирияны узуткап каар. Ниневия хоорай буступ каар, ону кургаг куруг хову ышкаш ээн чер болдурар.

Захария 9:1

Өттүр билген медеглел. Дээрги-Чаяакчының сөзү бо-дур. Ол Хадрах деп черге удур болур база Дамаск хоорайга турумчуп алыр, чүге дээрге Дээрги-Чаяакчының караа, Израильдиң шупту аймактарынче дег, бүгү улус-чоннарже көрүп турар –

Малахия 1:1

Өттүр билген медеглел. Дээрги-Чаяакчының израиль чонга Малахияны дамчыштыр ажыткан сөзү.