Михей 7:9 - Ыдыктыг Библия

⁹ Дээрги-Чаяакчының килеңин чүктээр ужурлуг мен, чүге дээрге Аңаа удур бачыт үүлгеткен мен. Бурган мээң таламда апарбаан шаанда, меңээ болчуп эгелевээн шаанда, ындыг болур. Оон Ол мени чырыкче үндүрүп каар, мен Ооң шынныын көрүп каар мен.

Михей 7:9 Iomraidhean Croise

2 Хааннар 24:17

Чонну узуткап турган Бурганның төлээзин көрүп кааш, Давид Дээрги-Чаяакчыга: «Хоойлу-дүрүм үреп, бачыт кылган кижи мен-дир мен. А хойлар дег бо хөөкүй чон чүнү канчапкан деп? Сээң холуң чүгле мени база мээң төрел бөлүүмнү кезеткей аан» – деп чугаалаан.

Иов 23:10

А мээң оруум Аңаа билдингир; Ол мени шенеп эзилдирзин – алдын ышкаш арыг үнер мен.

Иов 35:14

Сен канчап черле: „Ону көрбейн тур мен, мээң херээм Ооң мурнунда, шииткелди манап тур мен – дээр сен? –

Ырлар 37:6

Сээдеңимден балыгларым ирип-чыдып, ириңнелген.

Ырлар 43:1

Хөгжүм башкарыкчызынга. Корахтың оолдарыныы. Маскил-ыр.

Ырлар 7:6

дайзын мени истеп-сүргеш, чыпшыр четсин, амы-тынымны черже киир таптай бассын, ат-алдарымны довуракка борап каапсын. Сэла

Исайя 42:16

Мен согурларны оларның билбези оруктар-биле эдертир мен, оларга билдинмес турган оруктар-биле эдертир мен. Оларның мурнунга дүмбей караңгыны чырык кылдыр хуулдуруптар мен, ээр-дагыр оруктарны дорттап каар мен. Чонум дээш, ол бүгүнү кылыр мен, оон ойталавас мен.

Исайя 42:7

Согур улустуң карактарын ажыдар сен, хоругдаттырганнарны хоругдалдан үндүрер сен, дүмбей черде олурар улусту кара-бажыңдан хостаар сен!

Исайя 46:13

Мен агартыышкыным чорудуп бердим, ол ырак эвесте, чоруткан камгалалым саадавас. Сионга камгалалды, Израильге – Бодумнуң чайынналчак чырыымны хайырлаар мен».

Исайя 51:22

Дээрги-Бурган-Чаяакчы Бодунуң чонунга болчуп турар. Дээргиң: «Мен сээң холуңдан эзиртир ишкениң бо дашканы, Мээң килеңимни куткан кундаганы, ап алдым, сен ам оон ыңай ишпес сен!

Исайя 56:1

Дээрги-Чаяакчы: «Чөптүг болуңар, шынныг чүведен кылыңар! Мээң камгалалым удавайн чедип кээр, Мээң чорутканым агартыышкын удавайн ажыттынар.

Иеремия 10:19

Ат болдувус! Хилинчээвис көрдүвүс, балыгларывыс саргып аарып тур. Бо аарышкыга төлептиг болган болгаш, шыдажып эртер апаар-дыр бис.

Иеремия 14:7

Кем-буруувус бисти сойгалап тур, ынчалза-даа Бодуңнуң адың бодааш, биске болчуп көрем, о Дээрги-Чаяакчы. Ийе, бис Сеңээ дыка хөй катап өскерлип турдувус, Сээң мурнуңга бачыт үүлгедип шаг болдувус.

Иеремия 51:10

Дээрги-Чаяакчы бистиң чаргывыстың шынныын чарлады. Барып, Сионга Дээрги-Чаяакчы Бурганывыстың ажыл-херээн медээлээли».

Ыы-сыы 1:18

«Дээргиниң чөптүүн аарай! Ооң сөзүнге удурланып канчаарым ол! Бүгү чоннар, дыңнаңарам, хилинчээмни көрүңерем: хып дээн чалыы оглу-кызым дайзынга туттурдулар. ק (коф)

Левит 26:41

Мээң база оларга удур апарганымны, оларны дайзыннарының чуртунче аппарганымны миннирлер. Бир эвес оларның бачыттыг чүректери томаарый бээр; олар кем-буруузу дээш кеземчени хүлээп алыр болза,

Малахия 3:18

Ынчан силер Бурганга бараан болуп турар чөптүг-шынныг кижи биле Аңаа бараан болбайн турар бузуттуг кижиниң аразында ылгалды катап база билип каар силер».

1 Коринфичилерге 4:5

Ынчангаш чогуур үе үнмээнде, Дээрги-Чаяакчы чедип келбээнде, чүнү-даа шиитпеңер. Ол караңгыда чажыртынган чүүлдү чырыдыпкаш, чүректерниң бодал-хөөннерин ажыдыптар, кижи бүрүзү ынчан Бурганның макталын алыр.

2 Тимофейге 4:8

Мени ам актыг-шынныг тиилекчиге бээр шаңнал манап турар, чөптүг Шииткекчи боор Дээрги-Чаяакчы, сөөлгү хүн кээрге, ону меңээ тыпсыр. Ол шаңналды чүгле меңээ эвес, а Ооң ээп кээрин ынакшыл-биле манаан бүгү улуска база тыпсыр.

Ажыдыышкын 18:20

Дээрлер, өөрүп-байырлаңар! Бурганның бүгү улузу, элчиннери болгаш медээчилери, өөрүп-байырлаңар! Чүге дээрге силерге кылган хамык бузуду дээш, Бурган ону кезеткен-дир!

1 Хааннар 24:15

Израильдиң хааны кымга удур үнүп келген чүвел? Кымны истеп-сүрүп турар кижи силер? Өлүг ытты азы чаңгыс бытты эвес бе?

1 Хааннар 25:39

Давид Навалдың өлүп калганын дыңнап кааш: «Навалдың мени куду көргениниң өжээнин негеп алган Дээрги-Чаяакчыга алдар! Навалдың каржы сеткилинге Дээрги-Чаяакчы кеземче онаан-дыр, а Бодунуң чалчазы мени багай чүве кылырындан чайлаткан-дыр» – дээн. Оон соонда Давид Авигеяже ону кадай кылдыр алыр дугайында сөс дамчыдыпкан.

1 Хааннар 26:10

Давид оон мынча дээн: «Ону Дээрги-Чаяакчы Боду кезеткей аан. Азы хүнү кээрге, ол өлүп каар, азы дайын чорупкаш, өлүртүр. Дириг Дээрги-Чаяакчының ады-биле даңгыраглап тур мен: Ооң шилип алган кижизинче бодумнуң холум көдүрбес мен.

1 Хааннар 3:18

Самуил Илийге чүнү-даа чажырбайн чугаалап берген. Ынчан Илий: «Ол дээрге Дээрги-Чаяакчы-дыр. Ол чүнү күзээрил, ону күүседир» – дээн.