Михей 7:3 - Ыдыктыг Библия

³ Оларның холдары бузут үүлгедир талазы-биле мергежээн; чагырыкчы кижи белектер негеп турар, шииткекчи хээли ап турар, бай-шыдалдыглар боттарының күзел-соруун албадап күүсеттирер – олар шупту аразында дугуржулгалыг.

Михей 7:3 Iomraidhean Croise

Чугаалар 16:30

Хыйыртап көөр кижиниң сагыжы кара; аксын тыртыйтыр кижиниң үүлгедип турар херектери бак.

Чугаалар 17:23

Бузуттуг кижи чөптүг шииткелди хажыдар дээш улустан бүдүү хээли алыр.

Исайя 1:23

Сээң нояннарың Менден ойталаан-дыр база оорлар-биле бир баг болган-дыр; олар шупту хээли чииринге ынак, белектер негеп ап турар, чаргы-чаалы үезинде өскүстерни камгалавас, дулгуяк херээженниң херээн сайгарып көрбес улус-тур.

Исайя 26:21

Чүге дээрге Дээрги-Чаяакчы черниң чурттакчыларын кем-буруузу дээш кезедири-биле Бодунуң турар черинден үнүп кел чыдыр. Чер ооң кырынга төпкен бүгү ханны көргүзүптер, өлүрткен улусту оон ыңай чажырбайн баар.

Исайя 3:5

Улус бот-боттарын – кижи бүрүзү өске кижини дарлаар. Аныяктар – кырганнарга, карачалдар – ызыгууртаннарга турамык чаңын көргүзер.

Исайя 32:7

Дүржок кижи хоралыг үүлгедиглер кылыр, ооң бодалы кара сагыштыг – ядыы кижи шииткел черинге шынын чугаалап-даа турза, ону меге-биле чок кылып каар.

Исайя 5:23

хээли алгаш, буруулуг кижини агартыр, а буруу чок кижиге шынныг шииткел үндүрбес кижи ат болур!

Иеремия 3:5

Таанда-ла кезээ мөңгеде килеңнээр сен бе, кезээде хорадаар сен бе?“ – деп турар-дыр сен. Ынча дээр хиреңде-ле, бар шааң-биле бузут үүлгедир-дир сен».

Иеремия 4:22

«Мээң чонум мелегей-дир, Мени билбес-тир! Угаан кирбээн уруглар дег, сарыыл чок-тур; олар чүгле бузут үүлгедир талазы-биле мергежээн, а буян кылып билбес-тир».

Иеремия 8:10

Ынчангаш Мен оларның кадайларын өске кижилерге, оларның шөлдерин – өске ээлерге бериптер мен. Олар шупту, улуу-даа, бичези-даа, чүгле ажык-кончаа сүрүп, Бурганның медээчизинден эгелээш, Ооң бараалгакчызынга чедир меге чүүл кылып чоруур-дур.

Иезекиил 22:12

Чурттакчыларың хээли алгаш, өске кижи ханы төгер-дир; сен болза хөөзүн алыр дээш, хуу хавырып аар дээш акша-мөңгүн чегдирип, өске кижиден ажык-кончаа түрүдүп алыр-дыр сен. А Мени уттупкан-дыр сен». Дээрги-Бурган-Чаяакчының медеглээн чүвези ол-дур.

Иезекиил 22:27

Ол черниң нояннары олчазын туткулаан бөрүлер дег-дир; олар хан төп, ажык-кончаа алыр дээш кижи өлүрүп турар-дыр.

Иезекиил 22:6

Иерусалим, Израильдиң чагырыкчылары сеңээ тургаш, кайызы-даа бодунуң шыдаар шаа-биле улустуң ханын төп турар.

Иезекиил 34:21

Бүгү кошкак хойларны экти-быктыңар-биле идип, мыйызыңар-биле үзүп, үндүр сывырып турар болганыңарда,

Иезекиил 9:9

Ол меңээ: «Израиль болгаш Иудеяның бузут-багы канчаар-даа аажок улуг-дур, бо черни хан хөме алган-дыр, хоорайны кемниг херектер бүргээн-дир. Улус: „Дээрги-Чаяакчы бо черни каапкан-дыр, Ол көрбейн турар-дыр“ – деп тур.

Осия 4:18

Оларның арагалаары кедерээн-дир, самыыраашкыны хемчээл чок-тур, ол чоннуң чагырыкчылары ыянчыг чүүлге ынак-тыр.

Осия 7:3

«Израильчилер боттарының бузут-багы-биле – хаанны, оп-мегези-биле – нояннарны хөгледип турар.

Амос 5:12

Чүге дээрге Мен кемниг херээңерниң кайы хире хөйүн, бачыдыңарның кайы хире аарын билир мен: чөптүг-шынныг кижини кызып-кыйып, хээли ап турар силер, шииткел черинге ядыы кижиниң херээн шын шиитпес силер.

Михей 2:8

Ооң мурнунда Мээңии турган чон дайзын дег тура халаан; айыыл дугайында каразывайн чаныңар-биле эртип турар тайбың улустуң хевин ушта тыртып, былаап ап турар-дыр силер.

Михей 3:11

Иерусалимниң баштыңнары хээли ап, шиидип турар-дыр, Бурганның бараалгакчылары төлевир ап, өөредип турар-дыр, Бурганның медээчилери акша-мөңгүн ап, төлгелеп турар-дыр. Ооң кадында Дээрги-Чаяакчыга даянып: «Дээрги-Чаяакчы бистиң аравыста эвес чүве бе? Бисти айыыл-халап таварбас!» – дижирлер.

Михей 3:2

А силер – буянны көөр хөңнү чок, бузутка ынак, кижилерниң кежин союп, эъдин сөөгүнден шылып турар улус-тур силер;

Матфей 26:15

«Иисусту силерге садыпсымза, меңээ чүнү бээр силер?» Олар аңаа үжен мөңгүн чоос санап бергеннер.

1 Коринфичилерге 4:5

Ынчангаш чогуур үе үнмээнде, Дээрги-Чаяакчы чедип келбээнде, чүнү-даа шиитпеңер. Ол караңгыда чажыртынган чүүлдү чырыдыпкаш, чүректерниң бодал-хөөннерин ажыдыптар, кижи бүрүзү ынчан Бурганның макталын алыр.