Михей 7:18 - Ыдыктыг Библия

¹⁸ Сен ышкаш өске Бурган бар бе? Сен бачытты өршээп турар сен, Бодуңнуң чонуңнуң артынчызының кем-буруузунче көрбейн турар сен. Мөңгези-биле килеңневес-тир сен, чүге дээрге энерел көргүзери Сеңээ таарымчалыг-дыр.

Михей 7:18 Iomraidhean Croise

Эге дөс 4:7

Бир эвес эки чүве кылып турар болзуңза, бажың көдүр. А бир эвес эки чүве кылбайн турар болзуңза, эргин аксында бачыт кедеп чыдар. Ол сени бодунуң аайынче киириксеп турар-дыр, ынчалза-даа сен ону чагырар ужурлуг сен».

3 Хааннар 8:23

«Израильдиң Бурганы Дээрги-Чаяакчы! Бедик дээрде-даа, чырык черде-даа Сеңээ дөмей Бурган чок. Бүгү чүлдү-чүрээ-биле Сээң оруктарыңны эдерип турар чалчаларыңга энерелиң көргүзүп, чагыг-керээңни сагып турар-дыр сен.

2 Чылдар 30:9

Дээрги-Чаяакчыже эглип кээр бооруңарга, силерниң ха-дуңмаңарны, ажы-төлүңерни тудуп алган ассирийлер оларны кээргей бээр, олар ынчан бо чуртче чанып кээр, чүге дээрге бистиң Бурганывыс Дээрги-Чаяакчы ачылыг болгаш кээргээчел. Силер Олче эглип кээр болзуңарза, Ол силерден хая көрүнмес».

2 Чылдар 6:21

Сээң чалчаң, Сээң чонуң бо черже көрүп алгаш, мөргүп эгелээрге, оларның чалынган дилээн дыңнап көрем. Чурттап турар дээриңден дыңнап каап көрем. А дыңнап кааш, өршээп көрем.

Неемия 9:17

Олар Сени тооп дыңнаарындан ойталап, аразынга Сээң кылып турган кайгамчык чүүлдериңни сагынмайн барган. Олар чөрүүленип, Египетте кулданыынче эглирин күзээш, боттарынга баштыңчы олуртуп алган. Ынчалза-даа Сен – килеңнээчел эвес, өршээринге ынак, ээ көрнүүчел, кээргээчел, өндүр улуг энерелдиг Бурган-дыр сен. Оларны каапкаш барбаан сен!

Ырлар 103:13

Үстүкү ордуңдан дагларны суггарып тур сен, Сээң ажыл-херээңниң үре-түңнели-биле чер-делегей тодуп тур.

Ырлар 35:10

амыдырал хайырлаар суг бажы Сенден агып үнер болгай, Сээң чырыың караавысты чырыдарга, чырыкты көрүп турар бис.

Ырлар 65:3

Бурганга мынча деп чугаалаңар: «Сээң ажыл-херектериңниң сүрээденчиин! Күчү-күжүң өндүр улуг боорга, дайзыннарың Сеңээ чашпаалаар апаар.

Ырлар 65:4

Бүгү чер-делегей Сеңээ мөгейзин, Сени алгап ырлазын, Сээң адыңны алгап ырлазын!» Сэла

Ырлар 71:19

Ооң алдарлыг ады кезээ мөңгеде алгадып-йөрээтсин, Ооң алдары бүгү чер-делегейни бүргезин. Аминь, ындыг-ла болзунам!

Ырлар 86:5

А Сион дугайында: «Ол-даа кижи, бо-даа кижи Сионга төрүттүнген. Дээди Өрүкү ол хоорайны Боду үндезилеп тургузуп турар» – деп чугаалажыр.

Ырлар 89:6

Сен кижилерни мөңге уйгуже, үер дег, арыда шаап аппаар сен; ол улус – эртен үнүп келгеш, бүрүленип, чечектелгеш, кежээ кадып, оңуп каар оът-сиген дег.

Ырлар 89:8

Сен бистиң кем-буруувусту мурнуңга бөле салып аар сен, чажыт чүүлдеривис Сээң арын-шырайыңның чырыынга өттүр көстүп кээр.

Хосталыышкын 15:11

Дээрги-Чаяакчы, бурганнар аразында Сээң-биле эннежир кым барыл?! Сен дег ындыг – ыдыктыы-биле өндүр бедик, макталга төлептиг база кайгамчык чүүлдер чаяап турар – өске кым барыл?!

Хосталыышкын 34:9

«Дээргим, бир эвес мен Сээң ээ көрнүүшкүнүңнү чедип алган болзумза, бистиң аравыска чоруп көрем, Дээргим! Ийет, бо чоннуң чөрүүзү кончуг-дур, ындыг-даа болза, бистиң бузуттарывысты болгаш бачыттарывысты өршээп көрем, бисти Бодуңнуң чонуң кылдыр хүлээп ап көрем» – дээн.

Исайя 1:18

Чедип келиңер, бо бүгүнү кады үзе шиитпирлеп көрээли – деп, Дээрги-Чаяакчы чугаалап тур. – Силерниң бачыттарыңар кып-кызыл өңнүг-даа болза, хар ышкаш ак апаар; бачыттарыңар хүрең-кызыл будук дег-даа болза, ак хой дүгү дег апаар!

Исайя 33:24

Черивистиң чурттакчыларындан кым-даа: «Мен аарып тур мен» – дивес; ында чурттап турар чоннуң бачыттары өршээттинер.

Исайя 38:17

Ийе, ындыг хилинчек меңээ ачылыг болган-дыр. А Сен мээң амы-тынымны чевег-хөөрден чайладып, мээң бүгү бачыттарымны Бодуңнуң ооргаң артынче октап көрем.

Исайя 40:18

Ынчангаш Бурганга кымны дөмейлештирер силер? Аңаа дөмейлепки дег кандыг чүүл тып шыдаар силер?

Исайя 40:25

«Мени кымга дөмейлештирер силер? Мээң-биле кым деңнежирил?» – деп, ыдыктыг Бурган айтырып тур.

Исайя 43:25

Мен, чүгле Мен, Бодумну бодааш, сээң кем-бурууңну балап каар мен; сээң бачыттарыңны оон ыңай сагынмас мен.

Исайя 44:22

Мен сээң кем-бурууңну туман дег, бачыттарыңны – булуттар дег тарадып каапкан мен. Сени садып хостап кагдым – Менче эглип кел!»

Исайя 55:7

Бузуттуг кижи бодунуң оруундан, бачыттыг кижи – бодунуң кара сагыжындан ойталазын; олар Дээрги-Чаяакчыже ээлзиннер – Ол оларны кээргээр, Бурганывысче ээлзиннер – Ооң өршээли элбек болгай.

Исайя 57:10

Үр дилээшкиннериңден бодуң могап-шылааш-даа, „Хей чүве!“ дивээн сен, харын күзээшкиниң улам хайныгып, шыдал-күжүң немежип турду.

Исайя 57:16

Улус-биле кезээ мөңгеде чаргылдажып турбас мен, Мээң килеңим төнчү чок болбас, оон башка оларның сүлдези Мээң мурнумга харыксырап каар, Мээң чаяап кааным амылыглар харыксырап каар.

Исайя 62:5

Аныяк оолдуң аныяк кыс-биле өгленчип, өгнүң ээзи апаары дег, сээң чонуң база сени ээлеп алыр. Душтук оолдуң душтуу кыс дээш өөрүүрү дег, сээң Бурганың сен дээш өөрүүр.

Исайя 64:9

О, Дээрги-Чаяакчы, хөлүн эрттир килеңневейн көрем, бистиң бачыттарывысты кезээ мөңгеде сагынмам! Көрүп көр даан: бис шупту Сээң чонуң ышкажыл бис!

Исайя 65:19

Мен Иерусалим дээш өөрүп-хөглээр мен, чонум дээш өөрүп-байырлаар мен; аңаа ам кажан-даа ыы-сыы, уё-човуур дыңналбас.

Иеремия 3:12

Баргаш, соңгу чүкке: „Эглип кел, өскерликчи Израиль!“ – деп сөстерни чарлап чугаала» – дээн. Ол оон ыңай: «Мен сеңээ хорадап артпас мен, энерелдиг болгаш, кезээ мөңгеде килеңневес мен – деп медеглээн. –

Иеремия 3:5

Таанда-ла кезээ мөңгеде килеңнээр сен бе, кезээде хорадаар сен бе?“ – деп турар-дыр сен. Ынча дээр хиреңде-ле, бар шааң-биле бузут үүлгедир-дир сен».

Иеремия 31:20

А Эфрем – Мээң эргим оглум, ынак төлүм эвес чүве бе? Мен ону чаңгыс эвес катап чемелеп турдум, ынчалза-даа черле утпаан мен! Мээң сеткил-чүрээм ол дээш муңгарап чор, Мен ону кээргеп тур мен!» Дээрги-Чаяакчының медеглээн чүвези ол-дур.

Иеремия 31:34

Моон соңгаар кым-даа өске кижини, бодунуң ха-дуңмазын, сургап: „Дээрги-Чаяакчыны билип алыңар!“ – дивес, чүге дээрге олар шупту, улуг-бичези чокка, Мени билген турар – деп, Дээрги-Чаяакчы медеглээн. – Мен оларның кем-буруузун өршээр мен, оларның бачыттарының дугайында оон ыңай сагынмас мен».

Иеремия 32:41

Бүгү-ле чүлдү-чүрээм-биле, бүгү-ле сеткил-сагыжым-биле олар дээш өөрүүр мен, оларга ачы-буян көргүзер мен, оларны бо черге быжыг дазыл-дөстүг кылдыр тарып олуртур мен».

Иеремия 33:8

Олар Меңээ удур бачыт үүлгедип турган – Мен оларны бүгү кем-буруузундан арыглаар мен. Олар Меңээ удур бачыт үүлгедип, Меңээ удур тура халып турган – Мен оларның бүгү бузут-багын өршээр мен.

Иеремия 38:8

Авдемелех хаанның ордузундан үнүп келгеш, хаанга:

Иеремия 50:20

Ол хүннерде, ол үе кээрге, улус Израильдиң кем-буруузун дилээр-даа болза, үре-түңнелдиг болбас, Иудеяның бачыдын дилээр-даа болза, тыппас – деп, Дээрги-Чаяакчы медеглээн, – чүге дээрге Мен чонумнуң артынчызын өршээр мен.

Иеремия 9:24

Мактаныр бодаан кижи чүгле Мени танып, билип алганы дээш мактанзын. Чүге дээрге Мен – энерелди боттандырып чоруур, чер кырынга шын шииткел биле чөптүг-шынныг чорукту боттандырып чоруур Дээрги-Чаяакчы-дыр мен, Меңээ таарымчалыг чүүл ол-дур».

Иезекиил 18:23

Таанда-ла кем-буруулуг кижиниң өлүмүн көргеш, Мээң сеткилим ханар деп бе? – деп, Дээрги-Бурган-Чаяакчы медеглээн. – Ооң бодунуң оруктарындан ойталап, амы-тынныг артып каарын күзеп турар эвес мен бе?

Иезекиил 33:11

Оларга мону дамчыт. Дириг Бодумнуң адым-биле даңгыраглап тур мен: Мен бачыттыгларның өлүмүн эвес, а боттарының оруктарындан чайлап, амы-тынныг артарын күзеп тур мен – деп, Дээрги-Бурган-Чаяакчы медеглээн. – Менче эглип келиңер, бузуттуг оруктарыңардан чайлаңар! Израиль чон, чүге өлүр ужурлуг сен?!

Иезекиил 33:16

Ооң үүлгеткен хамык бачыттарының чаңгызын-даа аңаа сагындырбас мен. Ол кижи шынныг база чөптүг чорук кылып турар болза, ыяап-ла амы-тынныг артып каар.

Даниил 9:9

Бистиң Дээрги-Бурганывыс биске энерел көргүзүп, өршээзин – бис Аңаа удурланып турган болгай бис,

Осия 14:2

Израиль, Дээрги-Чаяакчы Бурганыңче эглип кел, чүге дээрге кем-бурууң дээш кээп дүшкен-дир сен.

Осия 14:5

Менден ойталаар чоруктан оларны экиртир мен, оларга сеткилим ханызындан ынак болур мен, чүге дээрге Мээң килеңим олардан чайлай берген-дир.

Иоил 2:32

Ынчан Дээрги-Чаяакчының адын кыйгырган кижи бүрүзү камгалал алыр. Дээрги-Чаяакчының аазаанын ёзугаар Сион дагга база Иерусалимге хоргадаан чон дириг артар; Дээрги-Чаяакчының Бодунче кыйгырып алган улузу өлбейн баар».

Амос 1:11

Дээрги-Чаяакчы мынча дээн: «Хөй санныг кемниг үүлгедиглери дээш, Эдомнуң чурттакчыларын өршээвес мен, чүге дээрге олар ха-дуңмазы болур израиль чонну хылыш туткаш, кээргел чок сывыртап, килеңинге алыскаш, доктаамал дошкуурап, үргүлчү хорадап турган-дыр.

Амос 7:8

Дээрги-Чаяакчы менден: «Чүнү көрүп тур сен, Амос?» – деп айтырарга, мен: «Хананың дортун хынап көөр херекселди» – деп харыыладым. Дээрги: «Көрдүң бе, Мээң израиль чонумнуң ыргак-дортун хынап, шенеп көрдүм, аңаа катап база өршээл көргүспес мен.

Амос 8:2

Ол: «Чүнү көрүп тур сен, Амос?» – деп айтырарга, мен: «Бышкан чимистерлиг аргымал хааржакты» – деп харыыладым. Дээрги-Чаяакчы ынчан меңээ: «Мээң израиль чонумнуң төнчүзү келген-дир: Мен аңаа катап база өршээл көргүспес мен.

Иона 4:2

Ынчангаш ол Дээрги-Чаяакчыга мөргүп, мону чугаалаан: «О, Дээрги-Чаяакчы! Бо дугайында мен чуртумга тургаш, чугаалавайн туржук мен бе? Мен Сени килеңнээчел эвес, кээргээчел, ээ көрнүүчел, өндүр улуг энерелдиг Бурган – кижилерге онааган кеземчезин өскертип шыдаар Бурган деп билгеш, Фарсисче чорупкан турган мен.

Михей 2:12

«О, Иаковтуң салгалы, Мен силерни шуптуңарны ыяап чыып аар мен, Израильдиң артынчызын ыяап каттыштырып каар мен. Кажаалаткан хойларны дег, одарга кодан хойну дег, силерни каттыштырып, чыыр мен – бо черни чыылган хөй кижиниң шимээни дола бээр.

Михей 4:7

Аскак-бүскек чондан Израильдиң артынчызын тургузар мен, ойлаттырган улусту күштүг чон кылып каар мен. Шак ол хүнден эгелээш, Дээрги-Чаяакчы мен оларны Сион дагдан кезээ мөңгеде чагырар мен.

Михей 5:3

Бурган израиль чонну кезек үеде кааптар. А иштиг херээжен демги чаш төлдү божуп аарга, израиль чонче оларның арткан ха-дуңмазы ээп кээр.

Михей 7:14

Бодуңнуң чонуңну шыкпыыжың-биле кадарып көрем. Сээң өнчүң болур кодан хой шырыштарда аңгы чурттап чоруур-дур, а долгандыр дүжүткүр одар-белчиирлер бар-дыр. Хойларың, шаг шаанда ышкаш, Васан биле Галаад деп эки черлерге оъттазын.

Софония 3:17

„Дээрги-Чаяакчы Бурганың сээң-биле-дир, Ол – күштүг Дайынчы, сени камгалап шыдаар. Ол сен дээш өөрүүр, Бодунуң ынакшылы-биле сени оожургадыр, сен дээш өөрүп-байырлап, ырлаар“.

Саннар 23:21

Иаков-биле айыыл-халап болбас-тыр, Израильде багай чүве чок бооп турар-дыр. Ооң Бурганы Дээрги-Чаяакчы Бодунуң чону-биле-дир, чон Ооң дугайында „Хаанывыс!“ деп чарлап чугаалап турар-дыр.

Лука 15:32

Сээң бо дуңмаңның өлүг тургаш, ам дирлип келгени дээш база чидип чорааш, ам тыптып келгени дээш өөрүп-хөглевейн, чүү дээш өөрүп-хөглээр бис?!“»

Лука 24:47

Иерусалимден эгелеп алгаш, бүгү делегейниң чоннарынга баар силер, бачыттары дээш өршээл алыры-биле оозун миннип, Бурганче эглирин Мээң өмүнээмден суртаалдаан турар ужурлуг.

Римчилерге 11:4

А Бурган аңаа кандыг харыы берген деп? «Ваалдың мурнунга дискек кырынга сөгүрбээн 7000 кижини Мен Бодумга кадагалап алган мен» .

Ы. х. к. 33:26

«О, Ешурун, сеңээ дузалаар дээш, булуттарда саадапкаш, дээрде кел чыдар өндүр бедик Бурган ышкаш өске кым-даа чок.

Иаков 2:13

Чүге дээрге өршээл билбес улусту Бурган база өршээл чокка шиидер. А өршээл кезедир шииткелден артык өндүр!

Баштыңчылар 10:16

Олар хары бурганнардан ойталааш, чүгле Дээрги-Чаяакчыга чүдүп, бараан бооп эгелээн. Ынчан Израильдиң хинчек-човулаңын көргеш, Дээрги-Чаяакчының сеткил-чүрээ чыырлыш кынган.