Михей 7:14 - Ыдыктыг Библия

¹⁴ Бодуңнуң чонуңну шыкпыыжың-биле кадарып көрем. Сээң өнчүң болур кодан хой шырыштарда аңгы чурттап чоруур-дур, а долгандыр дүжүткүр одар-белчиирлер бар-дыр. Хойларың, шаг шаанда ышкаш, Васан биле Галаад деп эки черлерге оъттазын.

Михей 7:14 Iomraidhean Croise

Ырлар 100:3

Кандыг-даа дүржок чорукту мен көрүп турумда кылырын чөпшээревес мен, кемниг херектерни көөр хөңнүм чок – олар меңээ чыпшынмас.

Ырлар 143:5

Дээрги-Чаяакчы! Кудай-дээриңни ээктир тырткаш, дүжүп кел; дагларга дээвит – ышталы бээр;

Ырлар 28:9

Дээрги-Чаяакчының үнү дыттарны орааштыр шааптар, аргаларны шаарартыптар; Ооң өргээзинде бүгү-ле чүве Ооң алдарын медээлээр!

Ырлар 95:7

Чоннарның аймактары, Дээрги-Чаяакчыны мактаңар, Ооң алдары биле күчү-күжүн мактаңар;

Хосталыышкын 33:16

Мен болгаш Сээң чонуң Сээң ээ көрнүүшкүнүңнү чедип алганывысты улус канчап билип аарыл? Чүгле Сээң бис-биле кады чорупканыңдан эвес бе? Ынчан мен-даа, Сээң чонуң-даа чер кырында бар өске кандыг-даа чондан онзагай болур бис».

Соломоннуң өндүр бедик ырызы 4:1

Кайгамчык-ла чараш-тыр сен, амыраам, кайгамчык-ла чараш-тыр сен. Баш шывар пөзүң адаанда карактарың көге-бугалар-ла, бажың дүгү – Галаад дагларындан халчып баткан кодан өшкү-ле.

Исайя 27:13

Ол хүн өндүр улуг трубаны этсир – Ассирияда чиде берген база Египетче сывыртадыпкан улус ында Иерусалимниң турары ыдыктыг дагга келгеш, Дээрги-Чаяакчыга мөгеер.

Исайя 35:2

Ол чер чечектелир, өөрүп-байырлап, хөглээр. Аңаа Ливан дагларының каас-чаражын, Кармил биле Шарон девискээрлериниң магалыг чаражын берип каар. Ынчан улус-чон Дээрги-Чаяакчының өндүр бедиин, Бурганывыстың өндүр чырыын көрүп каар.

Исайя 37:24

Бодуңнуң чалчаларың дамчыштыр Дээргини дорамчылап турдуң. Сен: ‘Эңдерик дайынчы тергелерлиг мен, олар-биле даглар баштарынче, Ливан сынның ооргаларынче көдүрлүп турдум! Ливанның бедик пөштерин, ооң эки дээн шивилерин ужурдум. Эң бедик дагның бажынче үнүп, эң эки эзимге чеде бердим.

Исайя 40:11

Ол Бодунуң сүрүг малын, кадарчы кижи ышкаш, кадарып турар: хураганнарны холунга тудуп, кужактап алгаш, төрүүр хойларны сүрүп бар чыдар.

Исайя 49:10

Олар аштавас-даа, суксавас-даа, дендии изиг хүнден-даа качыгдавас. Кээргей көрген Бурган оларны эдертип аппаргаш, суг баштарынга чедире бээр.

Исайя 65:10

Менче чүткүп турар чонумга Шарон оргулаажы – хойлар оъттаар одар-белчиир, Ахор шынаа – бода мал дыштанып чыдар чер болур.

Иеремия 49:31

Амыр-шөлээн, сагыш амыр чурттап орар чонга удур дайылдажып үнүңер – деп, Дээрги-Чаяакчы медеглээн. – Ооң эжик-хаалгазы, дээктери чок-тур, ооң кожазы чок-тур.

Ыы-сыы 1:7

Иерусалим түреп-човаан, улчуп-тояан хүннеринде; дайзынга чон алзыпканда; өмек болур кижи чокта, эрте шагдан эдилеп чораан эртине-байлаан сактып туру. Олче кайгаан дайзыннар, кошкаан көргеш, шоодуп турлар. ח (хет)

Ыы-сыы 5:21

Дээрги-Чаяакчы, Бодуңдува бисти ээлдир – эглип кээр бис, биеэде дег, чуртталгавыс чаартып көр.

Иезекиил 36:11

Мен силерде турар улусту база мал-маганны көвүдедир мен, олар өзүүчел апарып, өзүп-көвүдей бээр. Эрткен үеде ышкаш, Мен силерге улустан чурттадып каар мен, силерниң чериңерге биеэги үелерден-даа хөй ачы-буянны хайырлаар мен. Ынчан Мени Дээрги-Чаяакчы деп билип аар силер.

Левит 27:32

Бода болгаш шээр малдың оннуң бир кезиин – демдектээн бүгү малды Дээрги-Чаяакчыга бараалгадып, ыдыктаар ужурлуг.

Амос 9:11

Шииткел хүнү кээрге, Мен Давидтиң буступ дүшкен чадырын катап тургузар мен, ооң тиглерин дуглап каар мен, бузундуларын эде тудуштурар мен, бурунгу үеде турганы дег кылдыр тудуп каар мен.

Авдий 1:19

Негев чурттакчылары Исавтың даглыг чуртун эжелеп аар, Шефела чурттакчылары филистим чоннуң чуртун эжелеп аар; олар Эфремниң черин – Самарияның чоок-кавызын эжелеп аар, а Вениаминниң аймаа Галаад девискээрин эжелеп аар.

Михей 5:4

Израильдиң чагырыкчызы туруп келгеш, коданын Дээрги-Чаяакчының күжү-биле, бодунуң Бурганы Дээрги-Чаяакчының алдарлыг ады-биле кадарар. Чон ынчан айыыл чок чурттаар, чүге дээрге чагырыкчының өндүр ат-алдары чер-делегейниң ужу-кыдыынга чедир нептерээр.

Софония 3:13

Израиль чоннуң артынчызы бузут үүлгетпес, мегелевес, оларның аксы-сөзүнде кара сагыш чок боор. Олар, хойлар ышкаш, одарлаан соонда, дыштанып чыдып аар, оларны кым-даа дүвүредип хоюспас».

Захария 10:10

Чонумну египет черден чандыргаш, Ассириядан чыып алгаш, Галаад болгаш Ливанче эккээр мен – аңаа оларның шуптузун сыңырар чер чок болур.

Захария 11:7

Мен дөгерер дээн хойларны хой садыглаар улуска кадарып берип турдум. Ийи даянгыыш тудуп алгаш, бирээзин Буян деп, өскезин Эвилел деп адап алгаш, олар-биле хойларны кадарып эгеледим.

Малахия 3:4

Ынчан Иудея биле Иерусалимниң өргүлдери, шаандакы үеде-даа дег, эрткен чылдарда-даа дег, Дээрги-Чаяакчыга өөрүнчүг болур.

Саннар 23:9

Ол чонче хаяларлыг даг бажындан көрүп тур мен, ону тейлер кырындан хайгаарап тур мен; ол чон аңгы чурттап турар, өске чоннарны боду-биле дең кылдыр көрбес-тир.

Саннар 32:1

Рувим биле Гадтың аймактарының өөр малы дыка хөй турган; ол улус Иазер биле Галаад деп черлерни көөрге, мал-маганга тааржыры аажок болган.

Саннар 32:4

Дээрги-Чаяакчының израиль ниитилелдиң мурнунга чылча шаап кааны чоннарның черлери мал-маганга дыка тааржыр-дыр, а силерниң чалчаларыңар бис өөр малдыг улус бис.

Матфей 2:6

„Иудея черинде турар Вифлеем, сен Иудеяның чагырга турар хоорайларындан чүнүң-биле-даа дора эвес сен, чүге дээрге Мээң израиль чонумну кадарар Чагырыкчы сенден үнер-дир“».

Иоанн 17:16

Мээң бо делегейден эвезим ышкаш, олар база бо делегейден эвес-тирлер.

Ы. х. к. 33:28

Израиль айыыл чок, тускайлаң чурттап турар, Иаковтуң үре-салгалы турар чер элбек далган-тараалыг база виноград арагалыг, ооң дээри чаъс-шалыңны бадырып бээр.