Михей 7:13 - Ыдыктыг Библия

¹³ А чер-делегей ооң чурттакчыларының үүлгедиглери дээш хоозуралга таваржыр.

Михей 7:13 Iomraidhean Croise

Иов 4:8

Мен көөрүмге, хай-бачыт аңдарып, човалаң тарып турар улус оозун ажаап аар-дыр.

Чугаалар 1:31

олар боттарының херектериниң үре-түңнелин четтирерлер, бодал-сагыжынга хара бээрлер.

Чугаалар 31:31

Ону кылган ажыл-үүлези дээш шаңнаңар, ол херээжен хоорайның улус чыглыр черинге ажыл-херектери-биле алдаржызын!

Чугаалар 5:22

Бузуттуг кижи кем-буруузунуң дузаанга туттурар, бачыттарынга ораажыр.

Исайя 17:9

Израиль, ол хүн сээң быжыглалдыг хоорайларың – өске чоннарның израильчилерге арттырып кааны, кагдынган хоорайлар – дуй үнген ыяштар биле чадаң үнүштерге шыва алзыр. Ол чер ээнзиреп каар.

Иеремия 17:10

А Мен, Дээрги-Чаяакчы, кижиниң чүрээнче өттүр көрүп, сеткил-сагыжын шенеп турар мен, кижи бүрүзүн ооң херектерин ёзугаар, ажыл-херээниң үре-түңнелин барымдаалап, шаңнаар азы кезедир мен.

Иеремия 21:14

Мен силерни үүлгедиглериңер ёзугаар кезедир мен! – деп, Дээрги-Чаяакчы медеглээн. – Силерниң эзим-аргаңарга от кыпсыр мен, ол от долгандыр турар бүгү чүвени чиптер!»

Иеремия 25:11

Бүгү бо чер ээнзиреп хоозураар, бо чоннар чеден чыл дургузунда Вавилоннуң хаанынга кулдандырар.

Иеремия 32:19

Сээң угаан-сарыылың өндүр улуг, ажыл-херээң сан-түң чок. Сээң карааң кижи төрелгетенниң бүгү оруктарын көрүп турар, Сен кижи бүрүзүн, ооң оруктары дээш, ажыл-херээниң үре-түңнелин барымдаалап, шаңнаар азы кезедир сен.

Иезекиил 12:19

Чурттуң чонунга Дээрги-Бурган-Чаяакчының Иерусалимниң болгаш израиль черниң чурттакчыларының дугайында чугаалаан чүвезин дамчыт: олар аъш-чемин дүвүрел-биле чип, суксунун коргуушкун-биле ижер, чүге дээрге чер бодунуң чурттакчыларының каржы-дошкунундан бүгү элбекшилин ышкынып аар.

Иезекиил 33:28

Мен бо черни хоозураан кургаг хову кылып каар мен, ооң турамык күчү-күжү чиде бээр, Израильдиң даглары шуут ээнзиреп каар, оларны таварып кым-даа эртпестей бээр.

Михей 3:12

Ынчангаш силерниң хайыңар-биле Сионну шөл ышкаш аңдарып кааптар, Иерусалим бузундулар оваазы апаар, Бурганның өргээзин туткан даг арга-ыяш үнген чер апаар.

Михей 3:4

Үе кээрге, олар Дээрги-Чаяакчыны кыйгырып, дуза дилээр, а Ол харыылавас. Ол үеде Дээрги-Чаяакчы олардан үүлгеткен бузуду дээш хая көрнү бээр.

Михей 5:3

Бурган израиль чонну кезек үеде кааптар. А иштиг херээжен демги чаш төлдү божуп аарга, израиль чонче оларның арткан ха-дуңмазы ээп кээр.

Михей 6:13

Ол дээш, Мен сээң когуң үзүп эгелээн мен, бачыттарың дээш сени хоозурадып эгелээн мен.