Михей 7:12 - Ыдыктыг Библия

¹² Ол хүн улузуң Ассириядан-даа, Египеттиң хоорайларындан-даа, Евфрат хемден-даа, далайлар, даглардан-даа сенче чедип кээр.

Михей 7:12 Iomraidhean Croise

Исайя 11:11

Ол хүн кээрге, Дээрги холун катап база сунгаш, Бодунуң чонунуң артынчызын Ассириядан, Египеттиң девискээрлеринден, Эфиопиядан, Эламдан, Сеннаардан, Хамат хоорайдан болгаш далайда ортулуктардан дедир эгидип аар.

Исайя 11:16

Ынчан Ооң чонунуң артынчызынга, израиль чон Египеттен үнүп турган үеде дег, Ассириядан үнер делгем орук ажыттынар.

Исайя 43:6

Соңгу чүкке: „Оларны дедир бер!“ – дээр мен, мурнуу чүкке: „Оларны салывыт! – дээр мен. – Мээң оолдарымны ырактан, Мээң кыстарымны – чер-делегейниң ужу-кыдыындан эдертип эккел –

Исайя 49:12

Көрүңер, ырактан улус кел чыдыр – бир чамдыызы соңгу чүктен, өскелери – барыын чүктен, база чамдыызы – Синим деп черден.

Иеремия 23:3

Хойларымның артынчызын үндүр сывырыпкан бүгү чурттарымдан чыып алгаш, төрээн аал-оранынче дедир чандырар мен. Олар ынчан өзүп-көвүдээр.

Иеремия 3:18

Ол хүннерде Иудеяның чону Израильдиң чону-биле каттыжып алгаш, соңгу чүкте чурттан силерниң ада-өгбеңерге Мээң берген черимче чоруй баар.

Иеремия 31:8

Мен израильчилерни соңгу чүкте чурттан, чер-делегейниң ужу-кыдыындан чыып эккээр мен. Согур, аскак-бүскек улус, иштиг-сааттыг, божуур четкен херээженнер база оларның аразынга турар, олар дыка хөй бооп мөөңнежип алган чанып кээр.

Иеремия 46:27

А сен, Мээң чалчам Иаков, кортпа, Израиль, сүрээдеве! Мен сени камгалаар мен, ырак чурттан дедир эккээр мен, сээң үре-салгалыңны туттуруушкунда турары чурттан дедир чандырар мен. Иаков ээп келгеш, амыр-тайбың, хостуг-шөлээн чурттаар, ону кым-даа коргудуп-дүвүретпес.

Иезекиил 29:21

Мен ол хүн израиль чоннуң күжүн немеп, сеңээ ооң аразынга өттүр билип медеглээрин хайырлаар мен. Олар ынчан Мени Дээрги-Чаяакчы деп билип аар».

Иезекиил 37:21

Дээрги-Бурган-Чаяакчының чугаалаан чүвезин оларга дамчыт: Мен израильчилерни аразында турары чоннардан үндүре бергеш, чер болгандан чыггаш, боттарының черинче чедире бээр деп тур мен.

Осия 11:11

Олар Египеттен – бора-хөкпеш ышкаш, Ассириядан – көге-буга ышкаш ужуп чедип кээр; оларны боттарының аал-ораннарынга чурттадып каар мен». Дээрги-Чаяакчының медеглээн чүвези ол-дур.