Михей 7:11 - Ыдыктыг Библия

¹¹ Иерусалим, сээң ханаларыңны тудар, кызыгаарларыңны делгемчидер хүн кээр.

Михей 7:11 Iomraidhean Croise

Неемия 2:17

Оон мен оларга: «Байдалывыстың бергезин көрүп тур силер: Иерусалим бузундулар апарган чыдыр, а ооң хаалгаларын өрттедипкен-дир. Барып, хоорайның ханазын катап тудуп каалы, моон соңгаар базындырбаалы» – дээн мен.

Неемия 2:8

Хаанның арга-эзиминиң кадагалакчызы Асафка бижээн чагаадан база берзин – ол дарга меңээ Бурганның өргээзиниң чанында шивээниң хаалгазын, хоорай ханазын болгаш мээң чурттаар бажыңымны тударынга херек ыяш бээрин чөпшээрезин» – дээн мен. Бурганымның буянныг холу мени кагбаан, хаан дилээн чүвемни берген.

Неемия 4:3

Санаваллат-биле кады турган аммон Товия: «Олар тудуг кылып де! Дилги безин оларның даш ханазынче үне халааш, бузуп кааптар» – дээн.

Неемия 4:6

Бис хананы тударын уламчылаан бис, ол бедииниң чартыы чедир туттуна берген, чүге дээрге чон ажылга чүрээниң ханызындан бердинип турган.

Исайя 54:11

О, бастыртып алган, шуурганнарга силгиткен, аргалал чок хоорай! Көр даан, Мен сээң даштарыңны бирюзага, сээң үндезиниңни – сапфирлерге салыр мен.

Исайя 54:2

Чадырыңның турар черин калбартып ал, чурттаар чериңниң шывыгларын херип ал; бодуңну кызагдава, хендирлерни узадыр шөйүп, өргеннерни быжыглап ал!

Исайя 58:12

Эрте-бурунгу бузундулар орнунга хоорайларны катап тудар сен, эрткен үениң тудугларын катап тургузар сен. Сеңээ „Бузулган ханаларның катап тургузукчузу, улус чурттаар кудумчуларның катап тудукчузу“ деп аттарны тыпсыр.

Исайя 61:4

Олар эрте-бурунгу бузундулар орнунга хоорайларны катап тудар, шаг шаанда хоозураан хоорайларны катап тургузар, эрткен салгалдар үезинден бээр хоозурап калган чыткан, үрелип бузулган хоорайларны чаартып тудар.

Даниил 9:25

Мону база угаап билип ал: Иерусалимни катап тургузарының дугайында дужаал үнгенинден бээр, шилиттинген, чагдырткан Чагырыкчының кээринге чедир чеди катап чеди чыл эртер, а ооң соонда алдан ийи катап чеди чыл эртер – ол хуусаа иштинде хоорайның төп шөлү болгаш камгалалдары катап тургустунар, ынчалза-даа ол чылдар берге болур.