Михей 6:5 - Ыдыктыг Библия

⁵ Мээң чонум, Моавтың хааны Валактың чүнү бодап алганын, Беорнуң оглу Валаамның аңаа чүү деп харыылаанын сактып кел, Ситтимден Галгалга чедир орууңну бодап кел. Дээрги-Чаяакчының чөптүг херектерин билип алыңар».

Михей 6:5 Iomraidhean Croise

Ырлар 111:4

Дүмбей караңгы турда, мөзүзү эки улуска чырык чырып кээр. ח Ындыг улус кээргээчел, ээ көрнүүчел, чөптүг. ט

Ырлар 143:11

Мени камгалап, хары улустуң холундан адыр – олар – мегечи, аксы-сөзү шынныг эвес улус-тур.

Ырлар 36:10

Ам бичии болгаш, бузуттуг кижи чок апаар, ооң турган черин көөрге, ол чиде берген болур.

Ырлар 71:19

Ооң алдарлыг ады кезээ мөңгеде алгадып-йөрээтсин, Ооң алдары бүгү чер-делегейни бүргезин. Аминь, ындыг-ла болзунам!

Исайя 1:27

Сион чөптүг шииткел-биле, ооң Бурганче ээлген ажы-төлү – чөптүг чоруу-биле камгалал алыр.

Саннар 22:41

Даартазында эртен Валак Валаамны Вамот-Ваал деп бедик черже үндүре берген. Валаам оортан израиль турлагның кезик-чамдыын көрүп каан.

Саннар 23:27

Валак ынчан Валаамга: «Өске черже кады барып көрээли, канчап билир, демги чонга ол черден каргыш салырың Бурганга эки бооп көстүр чадавас» – дээн.

Саннар 25:1

Израиль чон Ситтимге турлагжып алган турда, израиль эр улус моав кыстар-биле самыын харылзаа тудуп эгелээн.

Саннар 25:2

Моав кыстар боттарының бурганнарынга өргүл салып тура, израиль эр улусту чалап аарга, олар өргүл малының эъдин чип, моав бурганнарга мөгейип эгелээннер.

Саннар 31:16

Израиль чоннуң Фегорнуң бурганының аайынче кирип, Дээрги-Чаяакчыга өскерлиринге Валаамның сүмезин ёзугаар чылдак болган улус олар-ла болгай, ол дээш Дээрги-Чаяакчының чонун айыыл-халап кырып турду чоп.

Саннар 31:8

Израильчилерниң ынчан өлүрүп каан улузунуң аразында Эвий, Рекем, Цур, Хур болгаш Рева деп беш мадиан хаан бар болган. Беорнуң оглу Валаамны база хылыш-биле шанчып өлүрүп каан.

Саннар 33:49

Олар Иорданның чөөн талакы кыдыынга, Моавтың ховуларынга Бет-Иешимоттан Авел-Ситтимге чедир девискээрге турлагжып алганнар.

Эфесчилерге 2:11

Ынчангаш силер, төрүмелинден «кыртыжап демдектетпээннер» деп адаткан өске чоннар улузу (мага-ботту кижи холу-биле кыртыжап демдектээр ёзулалды эртип алган иудейлер силерни ынча дээр), мону утпаңар:

Ы. х. к. 16:3

Ол өргүл-биле кады ажыткылыг аъш-чем чиве, а кады чеди хүн дургузунда ажыткы-биле хөөтпейн хаарган далган-тарааны – түрегделиңни демдеглээн далган-тарааны чиир сен, чүге дээрге египет черден дүвү-далаш үнүп чоруткан болгай сен; бүгү назыныңда египет черден көжүп үнген хүнүңнү сактып чоруур дээш, ынчалдыр кыл.

Ы. х. к. 23:6

чурттап чоруур бүгү үеңде, кезээ мөңгеде ол чоннар-биле эп-найыралдашпа, оларга чаагай чорук күзеве.

Ы. х. к. 8:18

Дээрги-Чаяакчы Бурганыңны утпайн чор, чүге дээрге сээң ада-өгбеңге даңгыраглааны Бодунуң чагыг-керээзин шынзыдарын күзээш, Ол сеңээ байлак олчалап тывар күштү берип турар. Ам ынчалдыр бүткен-даа-дыр.

Ы. х. к. 8:2

Дээрги-Чаяакчы Бурганың сени ам дөртен чыл дургузунда ээн кургаг ховуда эдертип чоруп тур, ол орукту утпа; Ол сени томаартырын күзеп, сени шенеп, сеткил-сагыжыңда чүнү шыгжап чорууруңну – Ооң айтыышкыннарын сагыыр-сагывазыңны билип алыксаан-дыр.

Ы. х. к. 9:7

Дээрги-Чаяакчы Бурганны ээн кургаг ховуга кайы хире хорададып келгениңерни утпайн сактып чоруңар: египет черден көжүп үнген хүнүңерден эгелээш, бо черге чедип келгениңерге чедир Дээрги-Чаяакчыга удурланып келген болгай силер.

Иисус 2:1

Нуннуң оглу Иисус ийи хайгыылчыга: «Ол черни база Иерихон хоорайны шинчилеп көрүп эккелиңер» – деп чугаалааш, оларны Ситтимден бүдүү чорудупкан. Ийи хайгыылчы Иерихонче чорупкаш, Раав деп самыын-садар херээженниң бажыңынга чедип келгеш, аңаа хонуп артып калганнар.

Иисус 3:1

Эртен эрте Иисус бүгү израильчилер-биле кады Ситтимден шимчеп үнгеш, Иорданга чедип келген. Хемни кешпейн чыда, олар аңаа хонуп аар дээш турумчуп алган.

Иисус 4:19

Бир айның онгу хүнүнде израильчилер Иордан хемни кешкеш, Иерихоннуң чөөн талазында Галгалга турлагжып алганнар.

2 Пётр 2:15

Дорт оруктан соора баргаш, олар Восорнуң оглу Валаамның изин истеп чорупкан, а Валаам болза бак ажыл-херээ дээш, төлевир алырынга ынак кижи турган.

1 Иоанн 1:9

А бачыттарывысты ажыы-биле миннир болзувусса, Бурган Боду сөзүнге шынчы база чөптүг болгаш, бачыттарывысты өршээр база кандыг-даа чөптүг эвес херектерден бисти арыглаар.

Иуда 1:11

Ол улус ат болур! Олар Каинниң шилип алган оруун эдерип чорупканнар. Валаам ышкаш, ажык-кончаа сүргеш, олар ооң частырыын катаптап турарлар база, Корахтың тура халыышкынынга киришкен улус дег, узуткаттырып каарлар.

Ажыдыышкын 2:14

Ындыг-даа болза, Мээң силерге удур чугаалаар каш чүүлдерим база бар: силерниң араңардан чамдыыңар Валаамның өөредиин эдерген-дир. А ол Валаам израиль чонну бачытче канчаар сундугарынга Валакты өөредип каан болгай. Олар дүрзү-бурганнарга өргээн чем чип, самыырап турганнар.

Баштыңчылар 11:25

Моавтың хааны Сепфорнуң оглу Валактан дээредээн чүң барыл? А ол израиль чон-биле бактажып, дайылдажып чоржук бе?

Баштыңчылар 5:11

Ыраажылар кудук, суглуг черлер аразынга Дээрги-Чаяакчыны Ооң тиилелгези дээш алдаржыдып ырлазыннар! Израильдиң күштүглерин* тиилелгези дээш мактап ырлазын! Ынчан Дээрги-Чаяакчының чону хоорай хаалгазының чанынга чедип келгеш:

1 Хааннар 12:7

Ам Дээрги-Чаяакчының өмүнээзинден мен силерге удур чугаалаар мен, силерге болгаш силерниң өгбелериңерге Дээрги-Чаяакчының көргүскен чөптүг чоруктарының дугайында чугаалаар мен.