Михей 6:4 - Ыдыктыг Библия

⁴ Мен сени египет черден үндүре берген мен, кулданыышкындан хостап каан мен. Моисей, Аарон болгаш Мариам оларны сени баштаар кылдыр чоруткан мен.

Михей 6:4 Iomraidhean Croise

2 Хааннар 7:23

Кым Сээң израиль чонуңга деңнежирил? Бо чон дег чер кырында өске чон чок, чүге дээрге бисти Бодунуң чону кылып аар дээш, Бурган кээп, бисти кулданыышкындан адырып алган. Сээң кайгамчык, коргунчуг херектериң ужун Израильдиң ады чериңде билдингир апарган. Сен египетчилерден камгалаан Бодуңнуң чонуңнуң мурнундан өске чоннарны-даа, оларның бурганнарын-даа үндүр ойладыпкан эвес ийик сен бе?

Ырлар 77:20

Ол хаяны оя кагарга, суг аттыгып үнүп, агым суглар бадып эгелээни шын болгай, ынчалзажок Ол далган-тараа берип шыдаар бе, Бодунуң чонун эът-биле чемгерип шыдаар бе?» – деп турганнар.

Хосталыышкын 12:51

Ол-ла хүнде Дээрги-Чаяакчы израиль чонну египет черден чурум-чыскаалдыг бөлүктерге үскеш, үндүре берген.

Хосталыышкын 20:2

«Мен дээрге сени кул болуп чорааның Египеттен үндүре берген Бурганың Дээрги-Чаяакчы-дыр мен.

Хосталыышкын 3:10

Ынчангаш Мен сени фараонче айбылап чорудуп тур мен. Барып, Мээң израиль чонумну Египеттен үндүре бер».

Хосталыышкын 4:10

Моисей Дээрги-Чаяакчыга: «О, Дээргим! Мен чевен, сөскүр эвес кижи мен. Мооң мурнунда-даа ындыг чордум, чалчаң болур мээң-биле чугаалашканың соонда-даа, чугаа-сөзүм чевен хевээр-дир» – деп харыылаан.

Хосталыышкын 4:16

Аарон сээң орнуңга чон-биле чугаалажыр кижи болур. Ынчангаш ол сээң аксың дег болур, а сен аңаа Бурган дег болур сен.

Хосталыышкын 6:27

Египеттиң хааны фараон-биле чугаалажып, ооң израиль чонну Египеттен салып чорударын негеп турган улус – Моисей биле Аарон ол-дур.

Иеремия 32:21

Сен Бодуңнуң израиль чонуңну Египеттен көскү демдектер болгаш кайгамчык чүүлдер-биле, күчү-күжүң болгаш күчүлүг холуң-биле, аажок коргунчуг байдалдар тургузуп тургаш, үндүре берген сен.

Амос 2:10

Мен силерни, амор черни ээлеп алзын дээш, египет черден үндүре бергеш, дөртен чыл дургузунда ээн кургаг ховуга эдертип чоруп турдум.

Саннар 12:1

Моисей кадай кылдыр эфиоп херээжен ап алган турган чүве-дир. Мариам биле Аарон аңаа удур чүве чугаалап: «Эфиоп кадай ап алган сен!» – деп турган.

Саннар 33:1

Египет черден бодунуң чурум-чыскаалдыг бөлүктерин ёзугаар, Моисей биле Ааронга баштаткаш, үнүп келген израиль чоннуң көжүп эртип турган черлери бо-дур.

Ажыл-чорудулга 7:36

Египеттиң черинге, Кызыл далайга база дөртен чыл дургузунда ээн кургаг ховуга кайгамчык чүүлдер болгаш көскү демдектер кылып тургаш, еврейлерни Египеттен үндүре берген Моисей ол болган.

Ы. х. к. 15:15

Египет черге кул болуп чорааныңны, Дээрги-Чаяакчы Бурганыңның сени адырып хостап каанын утпайн чор, ынчангаш бөгүн сеңээ бо бүгүнү айтып-чагып тур мен.

Ы. х. к. 24:18

Египетке кул болуп чорааныңны, Дээрги-Чаяакчының сени оортан адырып хостаанын утпа, ынчангаш мен сеңээ ол бүгүнү кылырын айтып-чагып тур мен.

Ы. х. к. 4:20

а силерни, Ооң хуу өнчүзү болзун дээш, хайылдырар суугудан ужулган дег, Египеттен үндүрүп эккелген болгай. Ам Бурганның ындыг чону болганыңар көскү-дүр.

Ы. х. к. 4:34

Азы өске-бир бурган чедип келгеш, бодунга чонну өске чон аразындан ялалар, көскү демдектер, кайгамчык чүүлдер, чаа-дайын, быжыг хол, күчү-күш болгаш аажок коргунчуг байдалдар-биле ап алырын шенээн бе? Египетке, сен көрүп туруңда, Дээрги-Чаяакчы Бурганың ол бүгүнү сен дээш кылган болгай.

Ы. х. к. 5:6

„Мен дээрге сени кул болуп чорааның Египеттен үндүре берген Бурганың Дээрги-Чаяакчы-дыр мен.

Ы. х. к. 7:8

А Дээрги-Чаяакчы силерге ынак болгаш база ада-өгбеңерге берген даңгыраан күүседир дээш, силерни Египеттен быжыг холу-биле үндүрүп, кулданыышкындан база Египеттиң хааны фараоннуң холундан адырып хостаан болгай.

Ы. х. к. 9:26

Дээрги-Чаяакчыга мынча деп мөргүл кылган мен: „Дээрги-Чаяакчы, Дээргим! Бодуңнуң өнчүң болур чонну узуткавайн көр. Сен ону Бодуңнуң өндүр бедииң-биле хостааш, күштүг холуң-биле Египеттен үндүре берген болгай сен.

1 Хааннар 12:6

Ынчан Самуил чонга мынча дээн: «Моисей биле Ааронну томуйлап каан база силерниң өгбелериңерни египет черден үндүрүп эккелген Дээрги-Чаяакчы херечи болур.