Михей 6:15 - Ыдыктыг Библия

¹⁵ Тарып олурткаш-даа, дүжүт ажаап албас сен, оливкаларны сыскыргаш-даа, үзү-биле чагдынмас сен; виноград чулуун сы баскаш-даа, арага ишпес сен.

Михей 6:15 Iomraidhean Croise

Иов 31:8

тарып каан дүжүдүмнү өске улус ажаап чизин, өзүмнеримни дазылы-биле тура тыртып каапсын!

Иеремия 12:13

Улус кызыл-тас тарааш, тенниг үнүш ажаап алды, чилчиин үзүлдүр ажылдаарга-даа, ажык-дуза чок болду. Ындыг дүжүдүңерден ыядыңар, Дээрги-Чаяакчының чалбыыштыг килеңи ол-дур!»

Левит 26:16

Ынчан Мен база силерни бак көөр мен. Силерже коргунчуг айыыл-халапты: харыксырадыр аарыгларны, халыынны салыр мен. Ол аарыглардан карактарыңар шылап баксыраар, сеткил-хөңнүңер хинчектенир. Ынчан үрезиниңерни хей черге тарыыр силер, ооңар дайзыннарыңарга чемиш болур.

Левит 26:20

Ынчан силерниң күчү-күжүңер хей черге харыксырап төнер, чериңер дүжүдүн бербес, черде ыяштар чимизин бербес.

Амос 5:11

Ядамыкты түрү бастырып, ооң далган-тараазын үндүрүг кылдыр былаап ап турар силер. Ынчангаш каас-коя бажыңнар-даа тудуп алган болзуңарза, аңаа чурттавас силер, шөлдерге кайгамчык эки виноград-даа тарып алган болзуңарза, ооң арагазын ишпес силер.

Аввакум 3:17

Фига ыяжы чечектелбес, виноград сыптарында каттар чок, оливаның чимизи үнмес, шөл дүжүдүн бербес-даа болза, кажааларда мал-маган чок-даа болза,

Софония 1:13

Оларның байлаа өске улустуң олчазы апаар, бажыңнары хоозурап каар. Олар тудуп алган бажыңнарынга чурттавас, тарып алган виноградының арагазын ишпес.

Аггей 1:6

Хөй үрезин тарып турар силер, ынчалза-даа дүжүдүңер эвээш-тир; чемненип турар, ынчалза-даа тотпас-тыр силер; ижип турар, ынчалза-даа суксунуңар ханмас-тыр; кеттинип аар, ынчалза-даа чылыкпас-тыр силер; акша ажылдап аар силер, ынчалза-даа ооңар акша хавынга ызырынмас-тыр» – деп чугаалаан.

Иоанн 4:37

Чүге дээрге ол таварылгада „Бирээзи тарыыр, өскези ажаар“ деп үлегер сөс бадыткаттына бээр.

Баштыңчылар 6:4

Израиль черге майгыннарын тип алгаш, оларның тараа-быдаазын мырыңай Газаның чоок-кавызынга чедир хоозурадып кааптар база Израильге азыраныпкы дег хой-даа, шары-даа, элчиген-даа арттырбас турган.