Михей 5:7 - Ыдыктыг Библия

⁷ Израиль чоннуң артынчызы хөй чоннар аразынга Дээрги-Чаяакчының дүжүргени шалың, оът-сигенде элбек чаъс-чайык суу дег боор; олар улуска идегевес, кижи амытанга ынанмас.

Михей 5:7 Iomraidhean Croise

2 Хааннар 17:12

Ынчан бис Давид каяа-даа чаштып чыдырда, аңаа удур үнүп, шалыңның черге дүжери дег бүзээлээш, халдаар бис. Ол боду-даа, ооң шериглериниң чаңгызы-даа дириг артпас.

Ырлар 110:3

Ооң ажыл-херээ – чайынналчак алдар-макталдыг; ו Ооң чөптүү кезээ мөңгеде артып каар. ז

Ырлар 133:3

Дээр биле черни чаяап каан Дээрги-Чаяакчы Сион дагдан ачы-буянын сеңээ хайырлазын!

Ырлар 72:6

Ынчангаш олар адыыргак чорукту, моюнга азар каасталга дег, азып алганнар, каржы-дошкун чорукту, хеп дег, кедип алганнар.

Чугаалар 19:12

Хаанның килеңи – арзылаң ырланганы дег, а ээ көрүүшкүнү – оът-сигенде чаъс-шалың дег.

Исайя 32:15

Оон Бурганның Сүлдези чонувусту өрүтен бүргээр, ээн кургаг хову сесерлик апаар, а сесерлик арга-эзим ышкаш көстүр.

Исайя 44:3

Мен кагып-суксаан черже сугну, кургап калган черже – сугларны аксыр мен. Бодумнуң Сүлдем-биле сээң үре-салгалыңны, ачы-буяным-биле – ажы-төлүңнү бүргээр мен!

Исайя 55:10

Дээрден баткан чаъс биле хар дедир ээлбейн, чажар үрезин, чиир далган-тараа берзин дээш, черни суггарып, ол чер үнүштү төрүп база өстүрүп шыдаар кылып каары дег,

Исайя 66:19

Мен оларның аразынга көскү демдек көргүзер мен. Олардан дириг арткан улустуң чамдыызын өске чоннарже: Фарсис, Ливия болгаш ча адыгжылары чурттап турар Лидияже, Тувал болгаш Иаванче – Мээң дугайымда дыңнаваан, Мээң өндүр чырыымны көрбээн ырак черлерже чорудуптар мен. Олар ол чоннарга Мээң алдарымны медээлээр.

Иеремия 14:22

Өске чоннарның хоозун дүрзү-бурганнары чаъс чагдырып шыдаар бе? Дээр чайыкты боду хайырлаар бе? Дээрги-Чаяакчы Бурганывыс, Сен хайырлаар эвес сен бе? Сеңээ идегеп тур бис, чүге дээрге ол бүгүнү Сен чаяап турар болгай сен.

Иезекиил 14:22

Ындыг-даа болза, Иерусалимге дириг арткан улус турар, оларның оон үндүре бээр оглу-кызы турар. Олар силерге кээрге, оларның багай аажы-чаңын, үүлгедип турар херектерин көргеш, Мээң Иерусалимче бүгү айыыл-халапты чүге ытканымны билип ап, оожургаар силер.

Иезекиил 47:1

Ооң соонда үдекчим мени Бурганның өргээзинче кирер черже дедир эккелди. Өргээниң эргининиң адаандан агып үнүп чыдар суг көрүп кагдым (өргээ чөөн чүкче көрүнген турган). Суг өргээниң мурнуу талакы кыдыының адаандан үнүп, өргүл салыр бедигээштиң мурнуу талазы-биле чөөн чүкче агып чытты.

Иезекиил 5:5

Дээрги-Бурган-Чаяакчы: «Бо дээрге Иерусалим-дир! Мен ону чоннарның ортузунда тургузуп кагдым, ону долгандыр өске чурттар турар.

Даниил 11:32

Ыдыктыг чагыг-керээни үрээн улусту ол авыяас-чашпаазы-биле Бургандан улам ырадыр. Ынчалза-даа бодунуң Бурганын сактып чоруур улус быжыгланып, хөделип эгелээр.

Осия 14:5

Менден ойталаар чоруктан оларны экиртир мен, оларга сеткилим ханызындан ынак болур мен, чүге дээрге Мээң килеңим олардан чайлай берген-дир.

Осия 6:3

Ынчангаш Дээрги-Чаяакчыны билип алырынче чүткүп көрээли. Ол биске даң хаяазы дег ыяап-ла көстүп кээр, Ол бисче чаъс ышкаш – черни суггарган часкы чаъс ышкаш чедип кээр.

Иоил 2:32

Ынчан Дээрги-Чаяакчының адын кыйгырган кижи бүрүзү камгалал алыр. Дээрги-Чаяакчының аазаанын ёзугаар Сион дагга база Иерусалимге хоргадаан чон дириг артар; Дээрги-Чаяакчының Бодунче кыйгырып алган улузу өлбейн баар».

Амос 5:15

Бузутка хөңнүңер чок, буянга ынак болуңар база шииткел черинге шын шииткелди тургузуңар; ынчан Дээрги-Чаяакчы, Аг-шериглиг Бурган Иосифтиң арткан салгалынче ээ көрнүр чадавас».

Михей 2:12

«О, Иаковтуң салгалы, Мен силерни шуптуңарны ыяап чыып аар мен, Израильдиң артынчызын ыяап каттыштырып каар мен. Кажаалаткан хойларны дег, одарга кодан хойну дег, силерни каттыштырып, чыыр мен – бо черни чыылган хөй кижиниң шимээни дола бээр.

Михей 4:13

Көдүрлүп келгеш, ол моожаларны таптай бастыр-ла, Сион-кыс; Мен сени демир мыйыстыг, хүлер дуюгларлыг буга дег кылып каар мен, хөй чоннарны чылча шавар сен. Оларның эт-хөреңгизин Дээрги-Чаяакчыга, оларның байлаан – бүгү чер-делегейниң Чагырыкчызынга бараалгадыр сен».

Михей 4:7

Аскак-бүскек чондан Израильдиң артынчызын тургузар мен, ойлаттырган улусту күштүг чон кылып каар мен. Шак ол хүнден эгелээш, Дээрги-Чаяакчы мен оларны Сион дагдан кезээ мөңгеде чагырар мен.

Михей 5:3

Бурган израиль чонну кезек үеде кааптар. А иштиг херээжен демги чаш төлдү божуп аарга, израиль чонче оларның арткан ха-дуңмазы ээп кээр.

Михей 5:8

Израиль чоннуң артынчызы өске чоннар аразынга, хөй аймактар аразынга черлик аң-мең аразында арзылаң дег, кодан хойлар аразында аныяк арзылаң дег болур – ол халып үнгеш, оларны кемдедип, үзе-чаза тыртар, кым-даа оон адырып шыдавас.

Михей 7:18

Сен ышкаш өске Бурган бар бе? Сен бачытты өршээп турар сен, Бодуңнуң чонуңнуң артынчызының кем-буруузунче көрбейн турар сен. Мөңгези-биле килеңневес-тир сен, чүге дээрге энерел көргүзери Сеңээ таарымчалыг-дыр.

Софония 3:13

Израиль чоннуң артынчызы бузут үүлгетпес, мегелевес, оларның аксы-сөзүнде кара сагыш чок боор. Олар, хойлар ышкаш, одарлаан соонда, дыштанып чыдып аар, оларны кым-даа дүвүредип хоюспас».

Захария 14:8

Ол хүн Иерусалимден амыдырал хайырлаар суг агып бадар: ооң бир чартыы чөөн чүкте далайже, өске чартыы – барыын чүкте далайже киир агар; чайын-даа, кыжын-даа ындыг боор.

Захария 9:13

Иудеяны ча дег кылдыр хере тырткаш, Израильди согун кылдыр салып аар мен. Сион, сээң оолдарыңны дайынчы хылыш дег көдүрер мен; грек чон, оларны сээң оолдарыңга удур көдүрер мен.

Матфей 28:19

Ынчангаш барыңар, Аданың, Оглунуң болгаш Ыдыктыг Сүлдениң ады-биле бүгү чоннарны сугже суп, оларны Мээң өөреникчилерим боор кылдыр ээлдириңер.

Ажыл-чорудулга 11:15

Мен чугаалап эгелээримге, Ыдыктыг Сүлде, эгезинде бисче ышкаш, оларже база бадып келди.

Ажыл-чорудулга 13:46

Павел биле Варнава ынчан дидими-биле мынча дээн: «Бурганның медээзин бир дугаар ээлчегде силерге суртаалдаар ужурлуг бис. Ынчалза-даа силер ону хүлээп көрбейн баргаш, боттарыңарны мөңге амыдыралга төлеп чок кылып турар болганыңарда, ам ол медээни өске чоннар улузунга медеглээр бис.

Ажыл-чорудулга 16:9

Аңаа Павел дүне када мындыг дүш көрген: Македония чурттуг бир-ле кижи кээп турупкаш, оон: «Македонияга келгеш, биске дузалап көр!» – деп дилеп-тир.

Ажыл-чорудулга 9:15

Ынчаарга Дээрги-Чаяакчы аңаа: «Ынаар бар, чүге дээрге ол кижи – Мээң шилип алган чепсээм-дир. Ол Мээң адымны өске чоннарның, хааннарның болгаш израиль чоннуң мурнунга медеглээр.

Римчилерге 10:20

Оон Исайяның дидим сөстерин дамчыштыр Бурган чугаалаан: «Менче чүткүвээн улус Мени тып алган; Мени айтырбаан улуска ажыттынган мен».

Римчилерге 11:12

А оларның тайып ушканы кижи төрелгетенге ачылыг болза; оларның чидириглери өске чоннар улузунга ачылыг болза, бүгү Израиль Бурганче эглип кээрге, ооң ачылыы кайы хире өндүр улуг апарбазыл?

Римчилерге 9:30

Ам чүү дээр бис? Агартыышкын дилевейн-даа чораан өске чоннар улузу бүзүрел дамчыштыр актыг болганнар-дыр.

1 Коринфичилерге 3:6

Мен үрезин тарыдым, Аполлос ону суггарып турган, а Бурган өстүрүп каан.

Ы. х. к. 32:2

Мээң өөредиим чаъс ышкаш чаай каапсын, сөс-домаам шалың ышкаш дүже берзин; дымыргай чаъс ногаан үнүшче дег, чаъс-чайык оът-сигенче дег, чаай каапсын.

Баштыңчылар 6:36

Ынчан Гедеон Бурганга мынча дээн: «Бир эвес Сен аазааның ёзугаар шынап-ла мээң холум-биле израиль чонну камгалаар деп турар болзуңза, ону бадыткап көрем: