Михей 5:3 - Ыдыктыг Библия

³ Бурган израиль чонну кезек үеде кааптар. А иштиг херээжен демги чаш төлдү божуп аарга, израиль чонче оларның арткан ха-дуңмазы ээп кээр.

Михей 5:3 Iomraidhean Croise

3 Хааннар 14:16

Израильди Ол Иеровоамның бодунуң үүлгеткени база ооң израильчилерни үүлгедир кылдыр элзеткени бачыттары дээш садыптар».

2 Чылдар 30:7

Боттарының ада-өгбезиниң Бурганы Дээрги-Чаяакчыга шынчы чоруун үрээн адаларыңар болгаш ха-дуңмаңар дег болбаңар: Ол оларны хоозураашкынга таварыштырган дээрзин ам бодуңар көрүп тур силер.

Ырлар 67:3

Ыштың тарай бээри дег, оларны тарадыр сывырыптар сен; чуктуң отка эстири дег, бузуттуглар Бурганның мурнунга кырлып каар.

Исайя 11:11

Ол хүн кээрге, Дээрги холун катап база сунгаш, Бодунуң чонунуң артынчызын Ассириядан, Египеттиң девискээрлеринден, Эфиопиядан, Эламдан, Сеннаардан, Хамат хоорайдан болгаш далайда ортулуктардан дедир эгидип аар.

Исайя 49:6

Ам Дээрги-Чаяакчы: «Иаковтуң аймактарын катап тургузар болгаш Израильдиң артынчызын дедир эгидер чалчам бооруң эвээш-тир. Ооң кырынга, Мээң хайырлаан камгалалым чер-делегейниң ужу-кыдыынга четсин дээш, Мен сени бүгү чоннарга чырык кылып каар мен» – деп чугаалаан.

Иеремия 23:5

«Үези кээрге, Давидтиң салгакчызын, чөптүг-шынныг Өзүмнү өрү көдүрер мен – деп, Дээрги-Чаяакчы медеглээн. – Ол хаан чагырып эгелээш, мерген угаанныын көргүзүп, чер кырынга шын шииткел биле чөптүг чорукту доктаадыр.

Иеремия 31:1

«Ол үе кээрге, Мен Израильде төрел бөлүк бүрүзүнүң Бурганы болур мен – деп, Дээрги-Чаяакчы медеглээн, – а олар Мээң чонум болур».

Иезекиил 34:16

Читкен хойларны дилеп, аза бергеннерин дедир эккээр мен; балыгланганнарын шарып, аарааннарын быжыктырар мен, а деңгели чаагай, күш-шыдалдыгларын узуткаар мен. Кодан малымны чөптүү-шынныы-биле кадарар мен.

Осия 11:8

Эфрем, сенден канчап ойталаар мен? Израиль, сени канчап өскелерге бериптер мен? Сени Адма хоорайны дег бак аажылаар мен бе, Цевоим хоорай-биле кылган чүвемни сеңээ хамаарыштыр кылыр мен бе? Мээң бүгү кээргелим кыптыга берди, бодал-сагыжым өскерлип,

Осия 2:14

«Ынчангаш Мен ону хандыкшыдып, ээн кургаг ховуга эккелгеш, эргеледип чугаалажыр мен.

Осия 2:9

Ол дээш, Мен Бодумнуң далган-тараамны – ажаалда үези кээрге, арагамны – виноград быжар үе кээрге, дедир ап аар мен, ооң шалдаңын чажырган Бодумнуң дүк, лёнумну хунаап аар мен.

Амос 5:15

Бузутка хөңнүңер чок, буянга ынак болуңар база шииткел черинге шын шииткелди тургузуңар; ынчан Дээрги-Чаяакчы, Аг-шериглиг Бурган Иосифтиң арткан салгалынче ээ көрнүр чадавас».

Михей 4:4

Кижи бүрүзү бодунуң виноградын, бодунуң фига ыяжын болбаазырадып, тайбың чурттаар, оларны моон соңгаар кым-даа коргудуп-дүвүретпес, чүге дээрге Аг-шериглиг Дээрги-Чаяакчы ынча деп чугаалаан болгай.

Михей 4:7

Аскак-бүскек чондан Израильдиң артынчызын тургузар мен, ойлаттырган улусту күштүг чон кылып каар мен. Шак ол хүнден эгелээш, Дээрги-Чаяакчы мен оларны Сион дагдан кезээ мөңгеде чагырар мен.

Михей 5:7

Израиль чоннуң артынчызы хөй чоннар аразынга Дээрги-Чаяакчының дүжүргени шалың, оът-сигенде элбек чаъс-чайык суу дег боор; олар улуска идегевес, кижи амытанга ынанмас.

Михей 5:8

Израиль чоннуң артынчызы өске чоннар аразынга, хөй аймактар аразынга черлик аң-мең аразында арзылаң дег, кодан хойлар аразында аныяк арзылаң дег болур – ол халып үнгеш, оларны кемдедип, үзе-чаза тыртар, кым-даа оон адырып шыдавас.

Михей 6:14

Чемненгеш-даа, тотпас сен, ишти-хырның куруг болур; чыып шыгжааш-даа, камнап ап шыдавас сен: камнап шыдаптар-даа болзуңза, ол чүвеңни хылышка хүлээдип бээр мен.

Михей 7:13

А чер-делегей ооң чурттакчыларының үүлгедиглери дээш хоозуралга таваржыр.

Захария 10:6

Иуданың салгалын быжыглаар мен, Иосифтиң салгалын камгалаар мен. Оларны Мен чандырар мен, чүге дээрге кээргей бердим. Олар Меңээ кажан-даа кагдырбаан ышкаш боор. Оларның Бурганы Дээрги-Чаяакчы – Мен болгай мен, оларга харыы бээр мен.

Матфей 1:21

Мария оол уруг божуп алыр, а сен Ону Иисус деп адап аар сен, чүге дээрге Ол Бодунуң чонун бачыттарындан камгалаар-дыр».

Матфей 12:50

Дээрде Ачамның күзел-соруун күүседип чоруур кижи бүрүзү Мээң ха-дуңмам база авам боор болгай».

Матфей 25:40

Хаан оларга мынча деп харыылаар: „Алыс шынны чугаалап тур мен: Мээң бо эң бичии дуңмаларымның бирээзинге ол бүгүнү кылганыңар дээрге-ле ону Меңээ база кылганыңар ол-дур“.

Римчилерге 8:29

Ооң Оглу хөй ха-дуңма улус аразынга эң улуу болзун дээш, өртемчейни чаяар бетинде-ле ынак апаргаш, шилип алган улузу Бодунуң Оглунуң овур-хевиринге дөмей боорун Бурган баш удур шилип каан.