Михей 5:10 - Ыдыктыг Библия

¹⁰ «Ол хүн сээң аъттарыңны узуткап, дайынчы тергелериңни үреп каар мен – деп, Дээрги-Чаяакчы медеглээн. –

Михей 5:10 Iomraidhean Croise

Исайя 2:7

Оларның черин алдын, мөңгүн долган, эртине-байлаа эмге-тикчок. Оларның черин аъттар долган, дайынчы тергелери эмгежок!

Иеремия 3:23

Тейлерде – чүгле меге, дагларда – чүгле шимээнниг чыыштар бар болгай. Израильдиң камгалалы чүгле Дээрги-Чаяакчы Бурганывыстан кээри шын-дыр!

Осия 1:7

А Иудеяның чонунга ээ-хайыра көргүзерин уламчылап, оларны чаа-дайын: ча-согун, хылыш болгаш дайынчы аъттарлыг шериглер-биле эвес, а ооң Дээрги-Чаяакчы Бурганының ачызы-биле камгалаар мен» – дээн.

Осия 14:3

Мөргүүр сөстериңер боданып алгаш, Дээрги-Чаяакчыже эглип кээп: „Хамык кем-буруувусту өршээп, эккээр чүүлүвүстү ээ көрнүүшкүн-биле хүлээп ап көрем, аксы-сөзүвүстүң макталын өргүл кылдыр Сеңээ эккээр бис.

Аггей 2:22

дүжүлгелерде саадаан хааннарны дүжүрер мен, өске чоннар күрүнелериниң күчү-күжүн узуткап каар мен, дайынчы тергелерни башкарган улузу-биле катай ойтур октаптар мен, аъттарны-даа, мунукчуларын-даа чок кылып каар мен, ха-дуңма-даа кижилер бирээзи өскезин хылыш-биле шанчып каар».

Захария 9:10

Мен Израильде дайынчы тергелерни, Иерусалимде дайынчы аъттарны узуткап каар мен, дайынчы ча-согун база узуткаттырар. Ол хаан өске чоннарга амыр-тайбыңны медеглээр, бир далайдан өске далайга чедир, Евфрат хемден чер-делегейниң ужу-кыдыынга чедир чагырар.

Ы. х. к. 17:16

Чүгле ол хаан кижи эңдерик аът эдилевезин база эңмежок аът эккеп аар дээш Египетче чонну эгитпезин; Дээрги-Чаяакчы силерге: „Ол орук-биле черле дедир эгбеңер“ – деп чугаалаан-на болгай.