Михей 5:1 - Ыдыктыг Библия

¹ Аг-шериглиг хоорай, аг-шерииңни белеткеп ал, бис бүзээлеттирип алган-дыр бис. Израильдиң баштыңы чаагынче шыкпыыш-биле соктурар-дыр.

Михей 5:1 Iomraidhean Croise

Эге дөс 35:19

Рахил өлүп калган, ону Эфрата (азы Вифлеем) баар орук ара ажаап кааннар.

Эге дөс 49:10

Иуда эрге-дужаал даянгыыжын холдан салбас, чагырыкчының эргези оон кажан-даа адырылбас; үези кээрге, албан-үндүт төлеп, чоннар аңаа чагыртыр.

3 Хааннар 22:24

Ынчан Хенаананың оглу Седекия Михейже чоокшулап келгеш, ооң чаагынче дажыпкаш: «Дээрги-Чаяакчының Сүлдези сени дамчыштыр чугаалаар дээш, канчап менден сенче шилчий бергени ол?» – деп айтырган.

4 Хааннар 24:2

Дээрги-Чаяакчы Иоакимче халдей, арамей, моав болгаш аммон дээрбечи бөлүктерни ыдып, Иудеяны узуткап кагзыннар деп турган. Дээрги-Чаяакчының Бодунуң чалча-медээчилерин дамчыштыр чугаалаан сөзүн ёзугаар ынчаар болганы ол.

Иов 16:10

Улус мени чидиг дылы-биле дорамчылап тур, базымчалап, чаагымче дажып тур, меңээ удур шупту каттыжып алдылар.

Чугаалар 8:23

Мен хамык үе-шагның эгезинде, үе-дүпте-ле, чер-делегейниң боттанырының бетинде-ле тывылган мен.

Исайя 10:6

Мен Ассирияны Менден ойталаан чонга удур, Мээң килеңнеп турарым чонга удур ыдар мен – ону үптеп-тоназын, куругладыр олчалап алзын, кудумчуда бок-хир дег, таптай бассын».

Исайя 33:22

Дээрги-Чаяакчы – бистиң Баштыңчывыс, Дээрги-Чаяакчы – бистиң Чагырыкчывыс, Дээрги-Чаяакчы – бистиң Хаанывыс, Ол бисти камгалаар.

Исайя 8:9

Бүгү чоннар, шимээргеп хөлзеңер, ынчалза-даа чылча шаптырар силер! Бүгү ырак чурттар, тооп дыңнаңар! Тулчуушкунга белеткенип-даа алзыңарза, чылча шаптырар силер; тулчуушкунга белеткениңер, ынчалза-даа чылча шаптырар силер!

Исайя 9:5

Тулчуушкунга киришкен дайынчыларның идиин, ханга борашкан хевин өрттедири-биле бериптер, олар отка чемиш болур.

Иеремия 25:9

Мен соңгу күрүнелерниң бүгү аймактарын кыйгыртып, чыыр мен – деп, Дээрги-Чаяакчы медеглээн, – Мээң чалчам, Вавилоннуң хааны Навуходоносорну кыйгырткаш, ону бо черге, ооң чурттакчыларынга, бүгү кожа чоннарга удур чаалаштырар мен. Ол чоннарны бүрүнү-биле узуткаар мен, оларны хоозураашкын биле кочулалга, мөңге буураашкынга чыгаар мен.

Иеремия 4:7

Шырыштан үнүп келген арзылаң дег, чоннарны узуткаар хаан кел чыдар-дыр, ол силерниң чериңерни хоозурадыр дээш бодунуң чыдынындан туруп келген-дир. Узуткакчы хоорайларыңарны үреп бузуп кааптарга, оларга чурттакчылар артпас».

Ыы-сыы 3:30

Дажыпканга чаагын дөгеп, базымчазын пөктүр көрзүн. כ (каф)

Иезекиил 21:32

Отка чемиш боор сен, сээң ханың черни шыва аптар, сээң дугайыңда сактыышкын артпас. Мен, Дээрги-Чаяакчы, ону чугааладым».

Иезекиил 24:2

«Кижи амытан, шак бо хүннү, бөгүнгү хүннү, демдеглеп бижип ал: чогум-на бо хүн Вавилоннуң хааны Иерусалимни бүзээлепкен-дир.

Даниил 9:25

Мону база угаап билип ал: Иерусалимни катап тургузарының дугайында дужаал үнгенинден бээр, шилиттинген, чагдырткан Чагырыкчының кээринге чедир чеди катап чеди чыл эртер, а ооң соонда алдан ийи катап чеди чыл эртер – ол хуусаа иштинде хоорайның төп шөлү болгаш камгалалдары катап тургустунар, ынчалза-даа ол чылдар берге болур.

Иоил 3:9

Ол чоннар аразынга мону чарлап чугаалаңар: дайынга белеткениңер! Эрес-дидим дайынчыларны көдүрүңер! Бүгү шериглер чоокшулап келзин, халдап кирзин.

Амос 2:3

Ол чоннуң баштыңчызын узуткап, ооң-биле кады шупту нояннарны өлүрүп каар мен». Дээрги-Чаяакчының чугаалаан чүвези ол-дур.

Аввакум 1:6

Көрүңер даан, Мен ам халдей чонну күштелдирер мен; ол дээрге бодунга хамаарышпас хоорай-суурларны эжелеп алыр дээш чер-делегей кезип чоруур, каржы-хажагай, хайжок чон болгай.

Аввакум 3:16

Ол шимээн-даашты дыңнап кааш, ишти-хөңнүм сүрээдеп сирилеш дээн, диштерим шаккыңайнып, сөөк-даяам ирик дег апарып, буттарым сириңейни берген. Ындыг-даа болза, бисти үптеп турар чонну айыыл-халап хүнү таварыырын манаар мен.

Матфей 26:67

Ооң соонда олар Ооң арнынче дүкпүрүп, эттеп эгелээннер. Өскелери Ооң артындан чаактарынче дажып:

Матфей 27:30

Олар Олче дүкпүрүп, даянгыыш-биле бажынче соп пат болганнар.

Матфей 5:39

А Мен силерге мынча деп тур мен: бузуттуг кижиге удурланма. Оң талакы чаагыңче дажыпкан кижиге солагай талазын база дөгеп бер.

Иоанн 18:22

Иисус ону чугаалаптарга, чанынга турган бир таңныыл Ооң чаагынче дажыпкаш: «Бурганның дээди бараалгакчызы-биле Сээң канчаар чугаалажып турарың ол?» – дээн.

Иоанн 19:3

Олар Иисустуң чанынга кээп: «Иудей хаан алдаржызын!» – дээш, Ооң чаагынче дажып турганнар.

Ажыл-чорудулга 23:2

Бурганның дээди бараалгакчызы Анания ынчан Павелдиң чанынга турган улуска ооң эриннеринче кагарын дужааган.

2 Коринфичилерге 11:20

Силерни кулданып ап, үптеп-тонап, кара туразында ажыглап, мурнуңарга өрү көрдүнүп, чаагыңарже дажып турар улус-биле эптежир-дир силер.

Ы. х. к. 28:49

Дээрги-Чаяакчы ырактан – чер-делегейниң кыдыындан – сеңээ удур чон көдүрүп эккээр, дылын билбезиң чон сенче эзир ышкаш шүүргедеп ужуп кээр.

Ы. х. к. 33:27

Үе-дүптен бээр турган Бурган – хоргадалың-дыр, Ооң мөңге холдары сени тудуп турар, Ол дайзыннарыңны сээң мурнуңдан сывыртап чорудуптар, сеңээ „Дайзынны узутка!“ дээр.

Баштыңчылар 17:7

Ынчан иуда аймактыг бир аныяк левит оол Иудеяның Вифлеем хоорайга чурттап турган.