Михей 4:8 - Ыдыктыг Библия

⁸ А сеңээ хамаарыштыр, Сион тей. Сен Бурганның Бодунуң чонун, кадарчы кижи кодан малын хайгаарааны дег, көрүп турар суургазы сен. Биеэги эрге-чагыргаң сенче эглип кээр, Иерусалимге катап база күрүне доктаап турар.

Михей 4:8 Iomraidhean Croise

Эге дөс 35:21

Оон чоруткаш, Израиль бодунуң майгынын Гадер суургазының чанынга тип алган.

2 Хааннар 5:7

Ынчалза-даа Давид Сион шивээзин эжелеп алган. Ол болза Давидтиң Хоорайы-дыр.

Неемия 3:25

Узайның оглу Фалал хананың азыг дужунда кезээн катап тудуп каан база хаанның үстүкү ордузундан бедип үнген, Таңныылдар шөлүнүң чанында суурганы катап тудуп турган. Ооң чанынга Пароштуң оглу Федайя катап тудуп турган.

Ырлар 24:7

Аныяк шаамның бачыттарын, кемниг херектерин сагынма, Дээрги-Чаяакчы, ачы-буянныың болгаш энерелдииң-биле мени бода! ט (тет)

Ырлар 48:3

Кижи төрелгетен, бүгү улус, бай-даа, ядыы-даа кижилер, дыңнаңар!

Ырлар 61:3

Чүгле Ол – мээң чалым-хаям, камгалалым, быжыг шивээм – кажан-даа тендиш дивес мен.

Соломоннуң өндүр бедик ырызы 4:4

Сээң мойнуң Давидтиң бедидир туткан суургазы-ла, муң-муң дозуг-камгалалды ында аскан – олар шупту дайынчылар чепсектери.

Исайя 1:26

Биеэги үеде дег, сеңээ баштыңнарны, эгезинде турганы дег, сеңээ чөвүлекчилерни эгидер мен. Ынчан сени „Чөптүг-шынныг хоорай, шынчы найысылал“ деп адап каар» – деп медеглээн.

Исайя 10:32

Ол-ла хүн дайзыннар Новка доктаагаш, Сион дагда турар Иерусалимче чудуруу-биле кыжанган.

Исайя 5:2

Ол Бодунуң шөлүн коптарып каскаш, дажын аштааш, виноград сыптары олуртуп каан. Ол аңаа таңныылдар суургазы туткаш, чимистен чулук сыскырар оңгар кылып каан. Ол чаагай чимис манап турда, винограды багай чимис берген.

Даниил 2:44

Ол хааннарның үезинде өске чоннарның холунга кирбес, мөңге, бузулбас күрүнени дээрде саадаан Бурган тургузуп каар. Ол күрүне демги күрүнелерни шуптузун чылча шаап, узуткап каар. А ол боду мөңгези-биле турар.

Даниил 7:18

Ынчалза-даа ооң соонда хааннаашкын Дээди Өрүкү Бурганның ыдыктыг чонунуң холунче шилчиир. Ынчан олар чагырганы кезээ мөңгеде алыр».

Авдий 1:21

Тиилекчи улус Сион дагга чедип келгеш, Исавтың даглыг чуртун башкарып эгелээр. Дээрги-Чаяакчының Чагыргазы тургустунар.

Михей 2:12

«О, Иаковтуң салгалы, Мен силерни шуптуңарны ыяап чыып аар мен, Израильдиң артынчызын ыяап каттыштырып каар мен. Кажаалаткан хойларны дег, одарга кодан хойну дег, силерни каттыштырып, чыыр мен – бо черни чыылган хөй кижиниң шимээни дола бээр.

Захария 9:10

Мен Израильде дайынчы тергелерни, Иерусалимде дайынчы аъттарны узуткап каар мен, дайынчы ча-согун база узуткаттырар. Ол хаан өске чоннарга амыр-тайбыңны медеглээр, бир далайдан өске далайга чедир, Евфрат хемден чер-делегейниң ужу-кыдыынга чедир чагырар.

Захария 9:12

Ам идегели бар апарган туттурган улус, шивээңерже чана бериңер, чидирииңерни ийи катап хөй кылдыр эгидип бээримни бөгүн силерге медеглеп тур мен.

Захария 9:9

Сион-кыс, өөрүп-хөгле, Иерусалим-кыс, амырап-байырла-ла! Көр даан, хааның сенче кел чыдыр: чөптүг, тиилелгелиг, биче сеткилдиг хаан элчиген, кыс элчиген оглу мунуп алган кел чыдыр.

Саннар 24:19

Иаковтуң салгакчызы чагырыкчы апаар, хоорайларга чаштыр дээш дезе берген улусту ол узуткап каар».

Матфей 21:33

«Ам өске угаадыглыг чугаадан дыңнаңар. Бир кижи бодунуң ээлээн черинге виноград тарып алган. Ол ону долгандыр кажаалааш, чимизин сы бастырар уургай каскаш, таңныылдаар суурга тудуп каан. Ооң соонда ол виноград шөлүн ажаакчыларга ачылалга берипкеш, боду өске чуртче чоруй барган.

Марк 12:1

Иисус оларны база катап угаадыглыг чугаалар-биле өөредип эгелээн: «Бир кижи виноград шөлү тарып алган. Ол ону долгандыр кажаалааш, чимизин сы бастырар уургай каскаш, таңныылдаар суурга тудуп каан. Ооң соонда ол виноград шөлүн ажаакчыларга ачылалга берипкеш, боду өске чуртче чоруй барган.

Эфесчилерге 1:21

Ындыг арга-биле Бурган Ооң адын чүгле амгы үеде эвес, харын келир үеде база бүгү чагырыкчылардан, эрге-чагырга ээлеринден, күштерден болгаш дээргилерден бедик кылып каан.

Ажыдыышкын 22:5

Моон соңгаар орта дүн дүшпес. Оларга чырыткыларның азы хүн чырыының херээ чок, Дээрги-Бурган-Чаяакчы оларның чырыы боор, олар кезээ мөңгеде хааннаар.