Михей 4:7 - Ыдыктыг Библия

⁷ Аскак-бүскек чондан Израильдиң артынчызын тургузар мен, ойлаттырган улусту күштүг чон кылып каар мен. Шак ол хүнден эгелээш, Дээрги-Чаяакчы мен оларны Сион дагдан кезээ мөңгеде чагырар мен.

Михей 4:7 Iomraidhean Croise

Ырлар 2:6

«Бодумнуң шилип алган хаанымны ыдыктыг Сион даамда дүжүлгеге олуртуп каан мен».

Исайя 16:5

Ынчан Давидтиң дүжүлгези шынчы чорук ачызы-биле доктаап, быжыгар – дүжүлгеге шынга бүргеткен чагырыкчы саадаар; ол чөптүг чорукче чүткүп, шынныг шииткел үндүрер дээш далажыр.

Исайя 24:23

Аг-шериглиг Дээрги-Чаяакчы Сион дагда турар Иерусалимге хааннай бээрге база Бодунуң өндүр чырыын улустуң баштыңнарынга көргүзерге, айның арны кызар, хүн ыяды бээр.

Исайя 6:13

Чуртка чоннуң чүгле оннуң бир кезээ-даа артып каар болза, ол артынчыны база катап хоозурадыр! Ынчалза-даа быжыг ыяштарны кезип кааптарга, дазылы артып каары дег, ыдыктыг чон база дазылдыг болур».

Исайя 60:22

Оларның эң бичезинден муң кижи укталыр, эң чөгенчиинден – эңдерик чон укталыр. Мен, Дээрги-Чаяакчы, үези кээрге, ону боттандырарынче далажыр мен».

Исайя 66:8

Кым ындыг чүве дугайында дыңнааныл, ындыг чүвени көргенил? Чурт чаңгыс хүн дургузунда төрүттүнер бе, чон хензиг үе иштинде чырык черге көстүп кээр бе? А Сион-кыс эъди аарып эгелээн дораан-на, оолдарын божуп алды!

Иезекиил 43:7

Ол үн мынча дээн: «Кижи амытан, бо дээрге Мээң дүжүлгем турар чер-дир, Мээң бут салыр черим-дир. Мен маңаа израильчилер-биле кады кезээ мөңгеде чурттаар мен. Израиль чон Мээң ыдыктыг адымны моон соңгаар бужартатпас – олар боттары-даа, оларның хааннары-даа самыыраашкыны-биле база хааннары өлүп каарга, оларның мөчү-сөөгү-биле Мээң адымны бужартатпас.

Даниил 2:44

Ол хааннарның үезинде өске чоннарның холунга кирбес, мөңге, бузулбас күрүнени дээрде саадаан Бурган тургузуп каар. Ол күрүне демги күрүнелерни шуптузун чылча шаап, узуткап каар. А ол боду мөңгези-биле турар.

Даниил 4:34

Ам мен, Навуходоносор, Дээрниң Хаанын алдаржыдып, Аңаа мактал болгаш хүндүткел көргүзүп тур мен: Ооң бүгү ажыл-чорудулгазы ылап шынныг, Ооң оруктары чөптүг; Ол турамык менээргектерни томаартып шыдаар.

Даниил 7:14

Аңаа эрге-чагырганы, алдар-хүндүнү база хааннаашкынны хүлээдип берип каан. Бүгү чоннар, аймактар болгаш төрел бөлүктер аңаа чагырты берген. Ооң эрге-чагыргазы – мөңге болгаш казыттынмас, Ооң хааннаашкыны кажан-даа узуткаттырбас.

Даниил 7:27

А чырык черде бүгү күрүнелерниң хааннаашкыны, эрге-чагыргазы болгаш өндүр-чаагайы Дээди Өрүкү Бурганның ыдыктыг улус-чонунче шилчий бээр. Ол хааннаашкын – мөңге; бүгү күрүнелер аңаа чагыртып, бараан болур».

Осия 1:10

«Ынчалза-даа алызында израиль чоннуң саны далайның санап четпес элезини ышкаш көвүдей бээр. Израильчилерге улустуң: „Ооң чону эвес силер“ – деп турган черинге: „Дириг Бурганның ажы-төлү силер“ – деп, оларга улус чугаалай бээр.

Иоил 2:32

Ынчан Дээрги-Чаяакчының адын кыйгырган кижи бүрүзү камгалал алыр. Дээрги-Чаяакчының аазаанын ёзугаар Сион дагга база Иерусалимге хоргадаан чон дириг артар; Дээрги-Чаяакчының Бодунче кыйгырып алган улузу өлбейн баар».

Иоил 3:17

Ынчан Мени силерниң Бурганыңар Дээрги-Чаяакчы деп, Бодумнуң ыдыктыг даам Сионда чурттап турарымны билип аар силер. Иерусалим ыдыктыг хоорай болур, хары улус оон ыңай кажан-даа олче халдап келбес апаар.

Авдий 1:21

Тиилекчи улус Сион дагга чедип келгеш, Исавтың даглыг чуртун башкарып эгелээр. Дээрги-Чаяакчының Чагыргазы тургустунар.

Михей 2:12

«О, Иаковтуң салгалы, Мен силерни шуптуңарны ыяап чыып аар мен, Израильдиң артынчызын ыяап каттыштырып каар мен. Кажаалаткан хойларны дег, одарга кодан хойну дег, силерни каттыштырып, чыыр мен – бо черни чыылган хөй кижиниң шимээни дола бээр.

Михей 2:13

Силерниң мурнуңарга орук ажыдыкчызы чоруур; силер хоорайның хаалгазын чаза таварып үне бээр силер. Хааныңар силерниң мурнуңарга чоруур, Дээрги-Чаяакчы силерни баштаар».

Михей 5:3

Бурган израиль чонну кезек үеде кааптар. А иштиг херээжен демги чаш төлдү божуп аарга, израиль чонче оларның арткан ха-дуңмазы ээп кээр.

Михей 7:18

Сен ышкаш өске Бурган бар бе? Сен бачытты өршээп турар сен, Бодуңнуң чонуңнуң артынчызының кем-буруузунче көрбейн турар сен. Мөңгези-биле килеңневес-тир сен, чүге дээрге энерел көргүзери Сеңээ таарымчалыг-дыр.

Софония 3:13

Израиль чоннуң артынчызы бузут үүлгетпес, мегелевес, оларның аксы-сөзүнде кара сагыш чок боор. Олар, хойлар ышкаш, одарлаан соонда, дыштанып чыдып аар, оларны кым-даа дүвүредип хоюспас».

Софония 3:20

Ол үеде Мен силерни чыып алгаш, дедир чандырар мен. Силер көрүп туруңарда, силерге эки чолду эгиткеш, чер-делегейниң бүгү чоннарының аразынга алдар-хүндүлүг чон кылып каар мен». Дээрги-Чаяакчының чугаалаан чүвези ол-дур.

Лука 1:33

Ол Иаковтуң ук-салгалын мөңгези-биле хааннаар, Ооң Чагыргазы төнчү чок болур».

Ажыдыышкын 11:15

Дээрниң чедиги төлээзи трубазын этсиптерге, дээрден: «Бо делегейни чагырар эрге ам Дээргивистиң, Ооң шилээн Христозунуң эргезинде апарган, Ол ам кезээ мөңгеде хааннаар-дыр!» – дээн ыыткыр үннер дыңналды.