Михей 4:4 - Ыдыктыг Библия

⁴ Кижи бүрүзү бодунуң виноградын, бодунуң фига ыяжын болбаазырадып, тайбың чурттаар, оларны моон соңгаар кым-даа коргудуп-дүвүретпес, чүге дээрге Аг-шериглиг Дээрги-Чаяакчы ынча деп чугаалаан болгай.

Михей 4:4 Iomraidhean Croise

3 Хааннар 4:25

Ооң бүгү назынының дургузунда Иудея биле Израиль соңгу чүкте Дан хоорайдан эгелээш, мурнуу чүкте Беэр-Шева хоорайга чедир кижи бүрүзү бодунуң виноградын, фига ыяжын болбаазырадып, айыыл чок, тайбың чурттап келген.

3 Хааннар 5:5

Ынчангаш Дээрги-Чаяакчының мээң ачам Давидке: „Сээң орнуңга дүжүлгеге олуртуп каарым оглуң Мээң адымга тураскааткан өргээни тудуп каар“ – дээнин ёзугаар, мээң Бурганым Дээрги-Чаяакчының ат-алдарынга тураскааткан өргээни тудар деп тур мен.

Иов 11:19

Дыштанып чыдар сен – кым-даа сеңээ кыжанмас; хөй-ле улус сээң ээ көрнүүшкүнүң дилээр.

Ырлар 72:3

Чүге дээрге бузуттуг улустуң чаагай амыдыралын көргеш, шак ол турамык улуска адааргай берген мен.

Чугаалар 3:25

Бузуттугларны манап турар, оларны хенертен таварыыр хай-халаптан база өлүрүнден кортпа.

Исайя 1:20

а бир эвес Менден ойталап, чөрүүленир болзуңарза, хылыш чемижи боор силер». Дээрги-Чаяакчының аксындан үнген сөстер ол-дур.

Исайя 17:2

Ароерниң хоорайлары ээн кагдынып, чүгле мал сүрүг аңаа дыштанып чыдып, одарлаар, ол мал-маганны хойзур кижи артпас.

Исайя 22:25

Ол хүн кээрге, демги кадаг, кадыг-быжыг черже кадап каан-даа болза, божаңнай бээр – деп, Аг-шериглиг Дээрги-Чаяакчы медеглээн. – Ол кадагны ушта шааптарга, кээп дүжер, аңаа азып каан турган бүгү чүък чок апаар». Дээрги-Чаяакчының чугаалаан чүвези ол-дур.

Исайя 26:16

О, Дээрги-Чаяакчы! Чонувус кызагдаткаш, холун Сенче сунуп турду. Сен ону кезедип туруңда, арай деп-ле сымыранып мөргүп турду.

Исайя 32:17

Чөптүг чоруктуң үре-түңнели амыр-тайбың болур, шынныг чорук оожургал биле айыыл чок чорукту кезээ мөңгеде доктаадыр.

Исайя 36:16

Эзекияны дыңнаваңар! Ханадан менче дүжүп келгеш, мээң мурнумга сөгүрүп олуруп, чагыртыңар – ынчан силерниң кайыңар-даа бодунуң тараан виноградын, фига чимизин чиир база бодунуң кудуунда суун ижер.

Исайя 40:5

Дээрги-Чаяакчының өндүр чырыы ажыттынып кээр, бүгү улус ону көрүп каар! Дээрги-Чаяакчы Боду ынча дээн болгай».

Исайя 54:14

Сен чөптүг-шынныг чорукка үндезилеттинер сен; дарлал деп чүве билбес боор сен – коргар чүвең чок боор. Коргуушкун көрбес сен – ол сенче чагдавас.

Исайя 58:14

Дээрги-Чаяакчы дээш өөрүп, таалаар сен! Мен сени черниң бедигээштеринче үндүрүп, Иаков өгбеңден салгап алган чериңге сени дойладыр мен». Дээрги-Чаяакчының аксындан үнген сөстер ол-дур.

Иеремия 23:4

Чагырыкчылар кылдыр Мээң томуйлап каар улузум оларны кадарар. Хойларым оон ыңай коргуп-сүрээдевес, чиде бербес». Дээрги-Чаяакчының медеглээн чүвези ол-дур.

Иеремия 30:10

А сен, Мээң чалчам Иаков, кортпа – деп, Дээрги-Чаяакчы медеглээн, – Израиль, сүрээдеве! Мен сени камгалап, ырак чурттан дедир эккээр мен, үре-салгалыңны – туттуруушкунда турары чурттан дедир чандырар мен. Иаков ээп келгеш, хостуг-шөлээн, амыр-тайбың чурттаар, ону кым-даа коргудуп-дүвүретпес.

Иезекиил 34:25

Мен кодан хоюм-биле эп-найырал керээзи чаргаш, хойлар хову-шөлге айыыл чок чурттазын дээш, арга-арыгга айыыл чок удузун дээш, бо черден хоралыг аң-араатанны үндүр сывырыптар мен.

Иезекиил 34:28

Олар моон соңгаар өске чоннарның олча-тывыжы болбас, черлик аң-араатан оларны ам тудуп чивес. Олар айыыл чок чурттаар, кым-даа оларны коргудуп-дүвүретпес.

Иезекиил 38:11

„Быжыглаттынмаан хоорай-суурларлыг черже чоруй барайн. Сагыш амыр, айыылзынмайн чурттап турар чонче халдаайн: олар ханалар чок чурттап турар-дыр, оларда дээктер, эжиктер чок-тур.

Иезекиил 39:26

Кажан боттарының черинге айыыл чок чурттап эгелеп, оларны кым-даа коргудуп-дүвүретпес апарганда, олар боттарының бак атка киргенин база Меңээ өскерликчи чорук кылганын уттуптуп шыдаар.

Левит 26:6

Мен силерниң чуртуңарга амыр-тайбыңны тургузар мен; удуп чыдып аарыңарга, силерни коргудуп-дүвүредир кым-даа турбас, айыылдыг аңнарны чер-чуртуңардан үндүр сывырар мен база дайзынның аг-шерии чуртуңар таварып эртпес.

Михей 5:3

Бурган израиль чонну кезек үеде кааптар. А иштиг херээжен демги чаш төлдү божуп аарга, израиль чонче оларның арткан ха-дуңмазы ээп кээр.

Софония 3:13

Израиль чоннуң артынчызы бузут үүлгетпес, мегелевес, оларның аксы-сөзүнде кара сагыш чок боор. Олар, хойлар ышкаш, одарлаан соонда, дыштанып чыдып аар, оларны кым-даа дүвүредип хоюспас».

Захария 3:10

Ол хүн силер хувааглыг чериңерге виноградтыг, фига ыяштарлыг амыр-шөлээн амыдырап, бот-боттарыңар удур-дедир чалажыр силер». Аг-шериглиг Дээрги-Чаяакчының медеглээн чүвези ол-дур.