Михей 4:10 - Ыдыктыг Библия

¹⁰ Сион-кыс, божуп чыдар херээжен дег, хилинчектенип, човуурта, чүге дээрге сен ам хоорайны каапкаш, ажык шөлге турумчуп аар сен, Вавилонче чеде бээр сен. Ооң соонда аңаа камгалал алыр сен, Дээрги-Чаяакчы сени аңаа дайзыннар холундан хостап аар.

Михей 4:10 Iomraidhean Croise

4 Хааннар 20:18

Сээң төрүткен, сээң ботталдырган үре-салгалыңның чамдыызын тудуп алгаш баар, олар Вавилоннуң хаанының ордузунга акталаткан чалчалар апаар“» – дээн.

4 Хааннар 25:4

халдейлер хоорайның ханазын деже шаапкан. Бүгү иудей дайынчылар дүне када хоорайдан ийи хана аразында, Хаан сесерлииниң чанында турар хаалга дамчыштыр үнгеш, Иордан шынаазынче баар орук-биле дезипкен. А халдейлер ол үеде хоорайны бүзээлеп алган турган.

2 Чылдар 33:11

Дээрги-Чаяакчы оларга удур Ассирияның хаанының шериг баштыңнарын эккелген. Баштыңнар Манассияны тудуп алгаш, тыртпа-биле бурундуктааш, хүлер кинчи-биле бектээш, Вавилонче аппарган.

2 Чылдар 36:20

Навуходоносор хылыштан дириг арткан чонну Вавилонче тудуп аппарган, олар аңаа Персия күрүнези күш кирип келгижеге чедир, Вавилоннуң хаанының, ооң оолдарының кулдары бооп келген.

2 Чылдар 36:23

«Персияның хааны Кирниң чугаалаан чүвези бо-дур: Дээрде саадаан Дээрги-Бурган-Чаяакчы меңээ чер-делегейниң бүгү күрүнелерин хүлээдип бергеш, иудей черде Иерусалим хоорайга Аңаа өргээ тударын дааскан. Ооң чонунга хамааржыр кым-даа бар болза – Бурганы Дээрги-Чаяакчы ооң-биле кады болзун! – ынаар чоруй барзын».

Ырлар 106:10

Израильчилер демирге бектедип алгаш, дүмбей караңгыга качыгдап олурганнар.

Исайя 43:14

Дээрги-Чаяакчы, силерниң Камгалакчыңар, Израильдиң ыдыктыг Бурганы: «Мен силер дээш Вавилонга удур Бодумнуң холумну сунар мен; халдейлерни чылча шаап, шуптузун дестириптер мен, оларның алгы-кышкызы корабльдарны дола бээр.

Исайя 45:13

Мен чөптүг-шынныг чорук боттандырар дээш Кир хаанны тургузуп каан мен, ооң бүгү оруктарын ажык кылып бээр мен. Ол Мээң хоорайымны катап тудар, туттуруушкунче аппарган Мээң чонумну кандыг-даа төлевир азы белек албайн хостаар». Аг-шериглиг Дээрги-Чаяакчының чугаалаан чүвези ол-дур.

Исайя 48:20

Вавилондан чоруңар, халдей черден дүрген дезиңер! Бо медээни өөрүшкүлүг алгы-биле медээлеңер, ол дугайында чарлаңар, чер-делегейниң ужу-кыдыынга чедириңер: «Дээрги-Чаяакчы Бодунуң чалчазы Израильге хосталганы хайырлаан-дыр!»

Иеремия 15:21

Мен сени каржы-бак улустан камгалап, түрлүг улустуң холундан адырар мен».

Иеремия 29:20

А силер, Мээң Иерусалимден үндүр сывырып, Вавилонче чорудупканым улус, Дээрги-Чаяакчының сөзүн тооп дыңнаңар!»

Иеремия 4:31

Алгы-кышкыны дыңнап тур мен – херээжен кижи божуп чыткан-даа дег, ол дун төлүн божуп, човууртаан-даа ышкаш. Сион-кыс ыглап-сыктап, уё-човуур-биле холун өрү сунуп: «Ат болдум! Өлүрүкчүлерден дезер дээш шаам төндү!» – деп тур.

Иеремия 48:41

Моавтың хоорайлары эжелеттирер, ооң шивээлерин дайзын чаалап аар. Ол хүн Моавтың дайынчылары кортканындан, божаан кадайлар дег, сириңейни бээр.

Иеремия 52:27

Вавилоннуң хааны ол бүгү улусту хамат черде Ривла хоорайга шаажылап өлүрүп каан, а Иудеяның чонун бодунуң черинден көжүрүп үндүрген.

Осия 1:10

«Ынчалза-даа алызында израиль чоннуң саны далайның санап четпес элезини ышкаш көвүдей бээр. Израильчилерге улустуң: „Ооң чону эвес силер“ – деп турган черинге: „Дириг Бурганның ажы-төлү силер“ – деп, оларга улус чугаалай бээр.

Осия 13:13

Эфрем угаан чок оол-дур, херээжен кижи ону божуп чыдырда дег, ол хилинчектенип турар, ынчалза-даа хырындан үнер хөңнү чок-тур.

Осия 2:14

«Ынчангаш Мен ону хандыкшыдып, ээн кургаг ховуга эккелгеш, эргеледип чугаалажыр мен.

Михей 5:2

«А сен, Вифлеем-Эфрата, Иудеяның төрел бөлүктериниң аразында чөгенчиг суур-даа болзуңза, Израильдиң чагырыкчызы апаар кижи сенден үнүп, Мээңии боор-дур. Ооң ызыгууру эрте-бурун шагда, үе-дүпте-ле укталган-дыр».

Михей 5:3

Бурган израиль чонну кезек үеде кааптар. А иштиг херээжен демги чаш төлдү божуп аарга, израиль чонче оларның арткан ха-дуңмазы ээп кээр.

Ажыдыышкын 12:14

Ынчалза-даа херээженге ээн ховуга турар чер белеткеп каан, ынаар ужупсун дээш, аңаа улуг эзирниң ийи чалгынын берген болду. Орта ону үш чартык чыл дургузунда ажаап-карактап, улудан дестирип кээр турган.