Михей 3:7 - Ыдыктыг Библия

⁷ Өттүр көөр улус ыядып каар, бүдүү билирлерниң ады баксыраар; силер шупту аксыңар хаап аар силер, чүге дээрге Бурган силерге харыылавас».

Михей 3:7 Iomraidhean Croise

Ырлар 74:9

Килеңниң дашказы Дээрги-Чаяакчының холунда – ынаар куткан эзиртир арага хайнып шуурап тур, Ол дашказындан улуска кудуп бээр, чер-делегейниң бүгү бузуттуг улузу араганы сөөлгү дамдызынга чедир ижер апаар.

Хосталыышкын 9:11

Караң көрнүрлер боттары ириңниг балыгларлыг апаргаш, Моисейге удур туржур харык чок болганнар, бүгү египетчилер база ынчап барганнар.

Исайя 44:25

Меге медээчилерниң бадыткал демдектерин чүү-даа эвес кылып, төлгечилерни эпчок байдалга таварыштырып, мерген угаанныг деп санаттырар улустуң билиин утка чок чүве кылып турар мен.

Иеремия 18:18

Ынчалза-даа улус-чон: «Барып, Иеремияга удур сүлчээ кылыылы. Дүрүм-хоойлу – Бурганның бараалгакчыларынга, арга-сүме – мерген угаанныгларга, Бурганның сөзү – Ооң медээчилеринге артып каар-ла болгай! Барып, ону нүгүлдээли, ооң чугаа-сөзүн дыңнаваалы» – деп турган.

Иезекиил 24:17

Өлген кижи дээш ыыт чок човууртап, ыглап-сыктава; качыгдалдың демдээ кылдыр бажың дүгүн часпа, кызыл-даван кылаштава, сегелиң дуглава, ажыг-шүжүүң үлежип келген улустуң аъш-чемин чиве».

Иезекиил 24:22

Мээң кылып турганым ышкаш кылдыр силер база кылыр силер: качыгдалдан сегелиңер дуглавас, ажыг-шүжүүңер үлежип келген улустуң аъш-чемин чивес силер;

Левит 13:45

Шак ындыг балыглыг, кеш аарыындан аараан кижи качыгдалдың самдар хевин кетсин; бажының дүгүн үвүргей ап чорзун; арнын думчуунуң алдынга чедир дуй орааттынып алзын база: „Арыг эвес мен! Арыг эвес мен!“ – деп алгырып, улусту сагындырып чорзун.

Амос 8:11

Дээрги-Бурган-Чаяакчы оон ыңай медеглээн: «Кажан Мээң черже ашты чорударым – улустуң аъш-чем биле суг чедишпезинден эвес, а Дээрги-Чаяакчының сөстерин дыңнаар дээш аштап-суксаары хүннер чоокшулап келген-дир.

Михей 3:4

Үе кээрге, олар Дээрги-Чаяакчыны кыйгырып, дуза дилээр, а Ол харыылавас. Ол үеде Дээрги-Чаяакчы олардан үүлгеткен бузуду дээш хая көрнү бээр.

Михей 7:16

Өске чоннар ону көрүп кааш, боттары чеже-даа күчү-күштүг болза, бак атка кирер. Олар аксын холу-биле дуглап аар, оларның кулактары дүлейлеп каар.

Захария 13:4

Ол хүн ындыг бүдүү билирлер боттарының медеглээн көстүүшкүннеринден ыядып човай бээр; олар улус мегелээри-биле Бурганның медээчизиниң селбегер бөдүүн хевин кетпес.

1 Хааннар 14:37

Саул Бургандан айтырган: «Филистимнерни сүрүп чоруптайн бе? Оларны израиль чоннуң холунга хүлээдир сен бе?» Ынчалза-даа Бурган ынчан аңаа харыы бербээн.

1 Хааннар 28:15

Самуил: «Чүге мени дүвүредип, үндүр кыйгырдың?» – деп Саулдан айтырган. Саул мынча дээн: «Меңээ дыка берге-дир. Филистимнер меңээ удур дайылдажып турар. Бурган мени каапкан болгаш, моон соңгаар Бодунуң медээчилерин дамчыштыр-даа, дүжүмде-даа меңээ харыы бербес-тир. Ынчангаш чүнү канчалзымза экил, мени өөредип кагзын дээш силерни кыйгырдым».

1 Хааннар 28:6

Саул Дээрги-Чаяакчыдан айтырарга, Ол аңаа ооң дүжүнде-даа, урим дамчыштыр-даа, Бодунуң медээчилерин дамчыштыр-даа харыы бербээн.

1 Хааннар 9:9

(Израильге шаандан тура, кым-бир кижи Бургандан чүве айтырар дээн болза, «Өттүр көөр кижиге бараалы» дээр турган, чүге дээрге Бурганның медээчилерин шаанда «өттүр көөр кижилер» дээр турган-дыр.)