Михей 3:5 - Ыдыктыг Библия

⁵ Дээрги-Чаяакчы мынча дээн: «Мээң чонумну будулдуруп турар бүдүү билирлерге хамаарыштыр. Силерни чемгерер улуска амыр-тайбың медеглээр-дир силер, а аъш-чем бербес улуска кыжанып, дайын чарлаар-дыр силер.

Михей 3:5 Iomraidhean Croise

Чугаалар 28:21

Улусту ылгай көөрү – бак херек: кижи кескинди хлеб дээш безин бачыт үүлгедип болур болгай.

Исайя 3:12

Мээң чонумну бичии уруглар безин кызып-кыйып турар, херээженнер чагырып турар. Мээң чонум! Сени башкарыкчыларың өскээр эдертип, алыс шын оруктан астыктырып тур.

Иеремия 23:27

Мээң чонумнуң ада-өгбези Ваал бурганга мөгеер дээш, Мээң адымны утканы дег, ол медээчилер бот-боттарынга чугаалап турар дүштериниң дузазы-биле чонну Мээң адымны уттур кылдыр албадаар бис деп бодаар.

Иеремия 23:32

Меге дүштерин чугаалаан медээчилерге удур мен! – деп, Дээрги-Чаяакчы медеглээн. – Олар дүштерин чугаалап, боттарының бардамы-биле, мегези-биле Мээң чонумну будулдуруп турар. Мен оларны айбылап чорутпаан мен, оларга айтыышкын бербээн мен. Олар бо чонга кандыг-даа ажык-дуза чедирбес». Дээрги-Чаяакчының медеглээн чүвези ол-дур.

Иеремия 6:14

Олар „Амыр-тайбың, амыр-тайбың!“ деп хоозун чүве чугаалап, Мээң чонумнуң балыгларын чиик көрүп, экиртир деп бодап турар, а амыр-тайбың чок-тур!

Иеремия 6:4

Олар: „Иерусалимге удур тулчуушкунну белеткеңер! Туруңар, дал дүъште үнүптээли! Харалаан, хүн ажар чедип, имиртиңней берди.

Ыы-сыы 2:14

Медээчилериң сеңээ хей-ле меге, хоозун чүүлдер оштаан, салым-чолуң өскертир дээш, кем-бурууң ажытпааннар, меге-биле дуурайлап, сени будап каапканнар! ס (самех)

Иезекиил 13:9

Хоозун-меге көстүүшкүннер көрүп, шын эвес ажыдыышкыннар медээлеп турар медээчилерже Мээң холум көдүрлүр. Олар ам Мээң чонумнуң чөвүлелинге киришпес, израильчилерниң чизе-даңзызынче киир бижитпес база израиль черже дедир чанмас. Ынчан Мени Дээрги-Бурган-Чаяакчы деп билип аар силер.

Осия 4:5

Хүндүс-даа буураар сен, Бурганның медээчизи дүне-даа сээң-биле кады буураар. Сээң иеңни база узуткап каар мен.

Иоил 3:9

Ол чоннар аразынга мону чарлап чугаалаңар: дайынга белеткениңер! Эрес-дидим дайынчыларны көдүрүңер! Бүгү шериглер чоокшулап келзин, халдап кирзин.

Михей 2:11

Бир эвес мегечи азы бузурукчу кижи келгеш: „Мен силерге арага база өске-даа эзиртир суксун дугайында өттүр билип медеглээр мен“ – дээн болза, ол кижи бо чонга таарымчалыг медээчи боор турган болду бе».

Михей 3:11

Иерусалимниң баштыңнары хээли ап, шиидип турар-дыр, Бурганның бараалгакчылары төлевир ап, өөредип турар-дыр, Бурганның медээчилери акша-мөңгүн ап, төлгелеп турар-дыр. Ооң кадында Дээрги-Чаяакчыга даянып: «Дээрги-Чаяакчы бистиң аравыста эвес чүве бе? Бисти айыыл-халап таварбас!» – дижирлер.

Малахия 2:8

А силер ол оруктан өскээр барган-дыр силер, боттарыңарның өөредииңер-биле хөй улусту буураткан-дыр силер. Левийниң аймаа-биле чарган чагыг-керээмни үрээн-дир силер – деп, Аг-шериглиг Дээрги-Чаяакчы чугаалаан. –

Матфей 15:14

Оларже сагыш салбаңар. Олар дээрге согурларны чедип чоруур согурлар ышкажыл. А согурну согур кижи чедер болза, олар ийилээ оңгарже кээп дүжер» – деп харыылаан.

Матфей 7:15

«Меге медээчилерден кичээниңер. Олар силерже хой кежи эштип алган чедип кээр, а херек кырында араатан бөрүлер боор.

Римчилерге 16:18

Чүге дээрге олар Дээргивис Христоска эвес, а боттарының күзээшкиннеринге бараан бооп турарлар. Олар авыяас-чашпаа болгаш каас-коя сөстери-биле бүзүрээчел кенен улусту дуурайлап кааптарлар.