Михей 3:2 - Ыдыктыг Библия

² А силер – буянны көөр хөңнү чок, бузутка ынак, кижилерниң кежин союп, эъдин сөөгүнден шылып турар улус-тур силер;

Михей 3:2 Iomraidhean Croise

3 Хааннар 21:20

Илия Ахавче чорупкан. Ахав Илияга: «Мээң дайзыным, сен мени тып алдың!» – дээн. «Тып алдым – деп, демгизи харыылаан, – чүге дээрге сен Дээрги-Чаяакчының мурнунга бодуңну бузут-бактыг чүве кылыры-биле садыптың.

2 Чылдар 19:2

Хаанга уткуй Ананийниң өттүр көөр оглу Иеху үнүп келгеш, аңаа мынча дээн: «Бузуттуг кижиге дузалап, Дээрги-Чаяакчыны көөр хөңнү чок улуска ынак апарып канчаарың ол? Дээрги-Чаяакчы ол дээш сеңээ килеңнеп тур.

Ырлар 15:4

Өске бурганче далашкан улустуң түрегдели көвүдезин; мен оларның хан төккен өргүлдеринге киришпес мен, оларның бурганнарының аттарын безин адаар хөңнүм чок.

Ырлар 53:4

Бурганым! Мөргүлүмнү дыңнап, аксы-сөзүмнү кичээнгейге ал.

Чугаалар 28:4

Ыдыктыг хоойлудан ойталап турар кижи бузуттуг улусту мактаар, а хоойлуну сагып турар улус олар-биле демисежир.

Исайя 3:15

Чүү дээш Мээң чонумну кызып-кыйып, ядыы улусту дарлап турар силер?» Аг-шериглиг Дээрги-Бурган-Чаяакчының медеглээн чүвези ол-дур.

Исайя 5:20

Бузутту буян деп, буянны бузут деп адаар, дүмбейни чырык деп, чырыкты дүмбей деп санаар, ажыг чүүлдү амданныг деп, амданныг чүүлдү ажыг деп санаар улус ат болур!

Исайя 57:12

Мен сээң чөптүг-шынныг дээр ажыл-херектериңни сойгалаар мен, олар сеңээ ажык-дуза көргүспес.

Иезекиил 11:7

Ынчангаш Дээрги-Бурган-Чаяакчы мынча дээн: «Хоорай иштинде оваалай салып каан өлүрткен улузуңар дээрге эът-тир, а бо хоорай – паш-тыр; а силерни Мен оон үндүр сывырыптар мен.

Иезекиил 22:27

Ол черниң нояннары олчазын туткулаан бөрүлер дег-дир; олар хан төп, ажык-кончаа алыр дээш кижи өлүрүп турар-дыр.

Иезекиил 24:4

Аңаа эъттен, эки дээн борбак эъттер: дөңмек биле өжүнден дүлүп каг, эки дээн сөөктерден база паш долдур дүлүп каг.

Иезекиил 34:3

Силер чаглыг эът чип, дүктен аргаан хеп кедип, семис хойларны дөгерип турар-дыр силер, а кодан малче сагыш салбас-тыр силер.

Амос 4:1

Самарияның даанда чурттап турар, Васанның семис-чаагай инектери ышкаш херээженнер – ядыы улусту кызып-кыйып, түреңги улусту дарлап, боттарының ашактарынга: «Эккеп кудуңар-ла, ижер бис!» – деп турар херээженнер – бо чугаа-сөстү дыңнаңар.

Амос 5:15

Бузутка хөңнүңер чок, буянга ынак болуңар база шииткел черинге шын шииткелди тургузуңар; ынчан Дээрги-Чаяакчы, Аг-шериглиг Бурган Иосифтиң арткан салгалынче ээ көрнүр чадавас».

Михей 2:8

Ооң мурнунда Мээңии турган чон дайзын дег тура халаан; айыыл дугайында каразывайн чаныңар-биле эртип турар тайбың улустуң хевин ушта тыртып, былаап ап турар-дыр силер.

Михей 7:2

Чер кырында Бурганга бердинген кижилер артпаан, улус аразында чөптүг кижилер чок. Бүгү улус хан төгер дээш кедег кылып турар, кижи бүрүзү ха-дуңмазынга какпа-дузак салып турар.

Михей 7:3

Оларның холдары бузут үүлгедир талазы-биле мергежээн; чагырыкчы кижи белектер негеп турар, шииткекчи хээли ап турар, бай-шыдалдыглар боттарының күзел-соруун албадап күүсеттирер – олар шупту аразында дугуржулгалыг.

Софония 3:3

Ооң нояннары ырланган арзылаңнар дег-дир, баштыңчылары – кежээ чимзенген, эртенге чедир чаңгыс-даа сөөк арттырбас бөрүлер дег-дир.

Лука 19:14

А албаты чон ону көөр хөңнү чок болгаш, демги ырак чуртка баргаш: „Ол кижиниң биске хаан болурун күзевейн тур бис“ – деп сөс чедирзиннер дээш, ооң соондан элчилер чорудупканнар.

Иоанн 18:40

Олар харыызынга база катап: «Ону эвес! Варавваны!» – деп алгыржып үнгеннер. Варавва дээрге дээрбечи кижи чүве-дир.

Иоанн 7:7

Бо делегейниң улузу силерни көөр хөңнү чок болу берип шыдавас, а Мени көөр хөңнү чок-тур, чүге дээрге Мен ооң ажыл-херээ бузуттуг дээрзин херечилеп турар-дыр мен.

Римчилерге 1:32

Ындыг чүүлдер үүлгедикчилерин өлүмге төлептиг деп көөр Бурганның хоойлузу барын олар билир. Ынчалза-даа чүгле боттары бачыт үүлгедип турар эвес, а ындыг үүлгедиглер кылып чоруур өске улусту база деткип турарлар.

Римчилерге 12:9

Ынакшылыңар ажыт-чажыт чок, шынчы болзун. Бузутту көөр хөөн чок, буянга бердинген болуңар.

2 Тимофейге 3:3

ынакшыыр, кээргээр сеткили чок, нүгүлчү, бодун туттунуп билбес база каржы, буянны көөр хөңнү чок улус болу бээр.