Михей 2:9 - Ыдыктыг Библия

⁹ Мээң чонумнуң херээженнерин эптиг бажыңнарындан үндүр сывыртап турар-дыр силер; оларның ажы-төлүнден Мээң хайырлаан ачы-буянымны кезээ шагда хунаап ап турар-дыр силер.

Михей 2:9 Iomraidhean Croise

Ырлар 72:19

Карак чивеш аразында олар буурап дүжүп, чиде берди, коргунчуг айыыл-халаптардан кырлып калды.

Иеремия 10:20

Бистиң оран-сававыс хоозураан-дыр, ооң хендирлерин үзе тыртып каан-дыр. Оолдарывыс бисти каапкаш, чиде берген. Оран-сававысты тургузуп бээр, шывыгларын кырынче салып бээр кижи ам чок-тур.

Иезекиил 39:21

Мен бүгү чоннар аразынга Бодумнуң өндүр бедиимни көргүзер мен. Бүгү чоннар Мээң үндүрген шииткелимни, оларны тудуп турар холумну көрүп каар.

Иоил 3:6

Иудея биле Иерусалимниң улузун оларның төрээн чуртундан ырадыры-биле гректерге садып турдуңар.

Амос 2:7

Олар ядыы улусту довуракче доңгайтыр базып, эрге-шөлээ чок улустуң оруун моондактаар-дыр, оглу-даа, ачазы-даа, чаңгыс-ла ол херээжен-биле будалып, Мээң ыдыктыг адымны бужартадыр-дыр.

Михей 2:2

Ол улус шөлдер күзээр болза, хунаап аар-дыр, бажыңнар күзээр болза, былаап аар-дыр. Бажыңнарга чурттап олурган улусту олар кызагдап, бажың ээзин-даа, ооң өг-бүлезин-даа үптеп-тонап, оларның ээлел черин бодунга ап аар-дыр.

Аввакум 2:14

Чүге дээрге Дээрги-Чаяакчының алдарының дугайында билиг чер-делегей кырынга, далайны долдур аккан суг дег, нептерей бээр.

Захария 2:5

Мен Бодум хоорайны долгандыр турар оттуг хана боор мен – деп, Дээрги-Чаяакчы медеглеп тур. – Өндүр чырыымны ооң ортузунга көргүзер мен“».

Матфей 23:13

Ном-хоойлу тайылбырлакчылары болгаш фарисейлер, ат болур силер! Ийи арынныглар! Силер улустан Дээрниң Чагыргазын дуглап, боттарыңар-даа ынаар кирбес, ынаар кириксээннерни-даа киирбес-тир силер.

Марк 12:40

Олар дулгуяк кадайның эт-хөреңгизин сыырыпкаш, ооң соонда карак чаап үр мөргүүр улус. Ындыгларны эң-не шыңгыы кеземче манап турар».

Лука 20:47

Олар дулгуяк херээженнерниң эт-хөреңгизин сыырыпкаш, ооң соонда арын чаап үр мөргүүрлер. Ындыгларны эң-не шыңгыы кеземче манап турар».

2 Коринфичилерге 3:18

А бис шупту, шывыг-биле дуглаваан арыннарлыг бооп, Дээрги-Чаяакчының чайыннаажын, көрүнчүкте дег, көрүп турар бис. Ынчан Ооң овур-хевиринге улам-на дөмейлежип, улам-на чайынналдыр чырып, өскерлир бис. Ол өскерилгевисти Дээрги-Чаяакчының Сүлдези боттандырар.

2 Коринфичилерге 4:6

«Дүмбейден чырык чырып келзин» – деп чугаалаан Бурган чүректеривиске чайынналдыр чырый бергеш, алдарлыг Бодунуң дугайында билигни биске Иисус Христостуң арнындан көргүскен.

1 Хааннар 26:19

Мээң хааным, бөгүн бодуңарның чалчаңарның чугаазын дыңнап көрүңерем. Бир эвес силерни меңээ удур Дээрги-Чаяакчы чорудупкан болза, мээң амы-тыным Аңаа өргүл болзун! А бир эвес менче удур силерни кижилер чорудупкан болза, олар Дээрги-Чаяакчының мурнунга каргаттырар болзун! Чүге дээрге олар бөгүн мени Дээрги-Чаяакчының берген черинге арттырбазын бодап: „Бар, өске бурганнарга бараан бол“ дээш, үндүр ойладып турганнар болгай.