Михей 2:4 - Ыдыктыг Библия

⁴ Ол хүн улус силерниң дугайыңарда качыгдал ырлары чогаадыр, ажыыңар ажып ыглажыр: „Бис шуут-ла хоозурап калдывыс! Чонувустуң хувааглыг черин Ол өскээр хемчээп, былаап алды. Бистиң шөлдеривисти Бурганга шынчы эвес улуска үлеп берип тур“».

Михей 2:4 Iomraidhean Croise

2 Хааннар 1:17

Оон Давид Саул биле ооң оглу Ионафанга кажыыдалдың бо ырызын тураскааткан.

2 Чылдар 35:25

Иеремия Иосия дээш кажыыдал ыры чогаадып каан, амдыгаа чедир эр, херээжен ыраажылар боттарының кажыыдал ырларынга хаанны сактып турар. Ол ырлар Израильге ажыглалга кирип, оларны Кажыыдал ырларының номунче киир бижип каан.

Иов 27:1

Иов бодунуң чугаазын уламчылаан:

Исайя 14:4

Вавилоннуң хаанын кочулаан бо ырны ырлаар сен: «Хилинчектекчи чок апарды, ооң кызагдалы төндү!

Исайя 24:3

Чер шуут-ла хоозурап, үптеттирер. Дээрги-Чаяакчының чугаалаан сөзү ол-дур.

Исайя 6:11

Мен ынчан: «Кажанга чедир ындыг болурул, Дээрги?» – деп айтырдым. Ол меңээ: «Хоорайлар ээнзиреп, чурттакчы чок арткыжеге чедир, бажыңнар октаттына бергижеге, шөлдер ээнзиреп, хоозурап калгыжеге чедир;

Иеремия 14:18

Шөлче үнүп келгеш, көөрүмге, хылыш-биле шанчып каан улус чыдыр, хоорайга чедип келгеш, көөрүмге, аштап, хилинчектенген улус тур. Бурганның медээчизи-даа, бараалгакчызы-даа чүнү-даа билбес апаргаш, чуртта улчуп чоруур-дур.

Иеремия 4:13

Булут ышкаш, дайзын көдүрлүп олур, ооң дайынчы тергелери казыргы дег, аъттары эзирлерден кашпагай! Ат болдувус-ла, өлүп читтивис-ле!

Иеремия 6:12

Израильчилерниң бажыңнары, шөлдери болгаш кадайлары хары улус холунче кире бээр, чүге дээрге Мен бо черниң чурттакчыларынче холум көдүрер мен – деп, Дээрги-Чаяакчы медеглээн. –

Иеремия 8:10

Ынчангаш Мен оларның кадайларын өске кижилерге, оларның шөлдерин – өске ээлерге бериптер мен. Олар шупту, улуу-даа, бичези-даа, чүгле ажык-кончаа сүрүп, Бурганның медээчизинден эгелээш, Ооң бараалгакчызынга чедир меге чүүл кылып чоруур-дур.

Иеремия 9:10

Дагларның ажыын ажып ыглап-сыктаар мен, ховуларда одарлар дээш ишкирнигип ыглаар мен. Чүге дээрге олар өрттенип калган-дыр, аңаа чорумалдар таварышпастаан-дыр, сүрүг хойлар эдери дыңналбастаан-дыр. Дээрниң куштары ужуп чоруй барган, хамык аң-мең тарадыр халчы берген.

Иеремия 9:16

Оларны өске чоннар аразынга тоо быдарадыр мен, а олар-даа, оларның ада-өгбези-даа ол чоннарны билбес чораан болгай. Оларны хылыш-биле сүрүп, төнчүзүнге чедир узуткаар мен» – дээн.

Иезекиил 16:44

«Чугаазынга үлегер домактар ажыглаар улус сээң дугайыңда: „Авазы кандыгыл, уруу база ындыг болур“ – деп боор.

Иезекиил 2:10

Дүрүгнү Ол мээң мурнумга чада тудупту; ооң артыы, иштии талаларында уё-човуур, ыы-сыы, качыгдалдың сөстерин бижээн болду.

Иоил 1:13

Бурганның бараалгакчылары, качыгдал хевин кедип алыңар, ыглап-сыктаңар. Өргүл бедигээжиниң мурнунда бараан болуп турар улус, ишкирнигип ыглаңар. Мээң Бурганымның бараан болукчулары, чедип келгеш, качыгдал хевин кеткеш, өргээге дүннү эрттириңер, чүге дээрге Бурганыңарның өргээзинде далган-тараа болгаш арага өргүлдери ам чок-тур.

Иоил 1:8

Качыгдал хевин кеткен, ынак эжиниң ажыын ажып турар кыс ышкаш ыглап-сыктаңар.

Амос 5:1

Израиль чон, силер дээш ыы-сыым төп кажыыдаан сөзүмнү дыңнаңар.

Амос 5:17

Виноград тараан шөлдерниң шуптузунга ыы-сыы дыңналыр, чүге дээрге Мен силерниң араңар-биле кезедип эрте бээр мен». Дээрги-Чаяакчының чугаалаан чүвези ол-дур.

Михей 1:15

Морешаның чурттакчылары, Бурган силерже эжелекчи эккээр, Израильдиң алдар-аттыг улузу Одолламда куйларже чаштынар ужурга таваржыр.

Михей 1:8

Самарияның буурааны дээш ыглап-сыктаар мен, качыгдалдан кызыл-даван, чанагаш улчуп чоруптар мен, шөө-бөрүлер ышкаш улуур мен, страус куштар ышкаш хомудап ыглаар мен.

Михей 2:10

Дораан чоруй барыңар – бо черге ам амыр-дыш турбас, ону арыг эвези дээш буурадып каар, ол болза коргунчуг буураашкын боор.

Аввакум 2:6

Ынчалза-даа ол чоннар шупту оларны кочулап: „Боттарынга хамаарышпас чүве-биле хөлүн эрттир байып алган улус ат болур! Долаалар төлевири чыып, чүдүртүнүп алган улус чежеге дээр ынчап кээрил?“ – деп ойзу чугаалажыр.

Софония 1:2

«Мен чер кырында бүгү чүвени чок кылып каар мен – деп, Дээрги-Чаяакчы медеглээн. –

Саннар 23:18

Валаам чеченчидир медеглээн: «Кичээнгейлиг дыңна, Валак, кулааң менче ээктир, Сепфорнуң оглу!

Саннар 23:7

Валаам чеченчидир медеглеп эгелээн: «Валак мени арамей чурттан, Моавтың хааны мени чөөн чүкте даглардан бээр эккеп: „Чедип кээп көр, меңээ дузалап, Иаковка каргыштан салып көр, чедип кээп көр, Израильди каргап көр“ – диди.

Саннар 24:15

Валаам оон чеченчидир медеглээн: «Беорнуң оглу Валаам чугаалап тур, өттүр көөр кижи чугаалап тур;

Саннар 24:3

ол мынча деп чеченчидир медеглээн: «Беорнуң оглу Валаам чугаалап тур, өттүр көөр кижи чугаалап тур;

Марк 12:12

Иудейлерниң баштыңнары ол угаадыглыг чугаа оларның дугайында дээрзин билгеш, Иисусту тудуп хоругдаар арга дилей бергеннер, ынчалза-даа чондан кортканнар. Ынчангаш олар Ону каапкаш, чоруй барганнар.

Ы. х. к. 28:29

сен ынчан дал дүъште, караңгыда согур кижи дег, база суйбанып кылаштаар сен; бүгү оруктарыңга чедимче чок болур сен, дайзыннар сени хүннүң-не кызып-кыйып, үптээр – сени кым-даа камгалавас.