Михей 2:3 - Ыдыктыг Библия

³ Ынчангаш Дээрги-Чаяакчы ол чонга удур мынча дээн: «Мээң бодалдарым база бар: Мен силерже адырлып шыдавазыңар айыыл-халапты ыдар деп тур мен. Моон соңгаар адыыргап базып турар харыыңар чок апаар, чүге дээрге айыыл-халап үези келген-дир.

Михей 2:3 Iomraidhean Croise

Исайя 29:20

Оон бээр дарлакчылар турбас, дорамчылакчылар чиде бээр, бузут үүлгедиксээр бүгү улус узуткаттырар –

Исайя 3:16

Дээрги-Чаяакчы: «Сионнуң херээженнери турамык, мойну чооннаан, көрүжү-биле эрлер дуурайлаар, чаяңнадыр кылаштаар, кажыктарында каасталгалары дагжаар улус-тур» – дээн.

Исайя 5:19

«Бурган далажып, Бодунуң ажыл-херээн дүргедетсин – бис ону көрүксеп тур бис; Израильдиң ыдыктыг Бурганының бодалы бисче чоокшулап, чогуп бүтсүн – бис ону билип алыксап тур бис» – деп кыжырып чугаалаар улус ат болур!

Иеремия 18:11

Ынчангаш ам Иудеяның чонунга, Иерусалимниң чурттакчыларынга мону чугаала. Дээрги-Чаяакчы: „Мен силерге айыыл-халап белеткеп тур мен, силерге удур сагыштыг мен! Кайыңар-даа бузуттуг оруктан чайлай берзин. Оруктарыңарны, ажыл-херектериңерни экижидип алыңар“ – деп чугаалады дээр сен.

Иеремия 27:12

Ол бүгү сөстерни мен Иудеяның хааны Седекияга база медеглеп, мынча дээн мен: «Вавилоннуң хаанының кедирген хомудун мойнуңарга сугарындан ойталаваңар. Аңаа база ооң чонунга бараан болуңар, ынчан амы-тынныг артар силер!

Иеремия 34:17

Ынчангаш Дээрги-Чаяакчы мынча дээн: «Силер Мени тооп дыңнавадыңар – боттарыңарның ха-дуңмаңарга, чаңгыс аймак улузуңарга хосталга хайырлавадыңар. Ол дээш Мен ам силерге хосталга хайырлап тур мен – деп, Дээрги-Чаяакчы медеглээн. – Дайын-чаа, аш-чут болгаш хамчык аарыгдан өлүр хосталганы! Мен силерни чер-делегейниң бүгү күрүнелеринге коргунчуг үлегер-чижек кылып каар мен.

Иеремия 36:23

Иегудий үш-дөрт одуруг үзүндүнү номчуурга-ла, хаан ол кезекти бижээчилер бижекчигежи-биле үзе кескеш, одагда отче киир каап олурган. Ынчалдыр бүгү дүрүгнү өрттедипкен.

Иеремия 43:2

Ынчан Гошайяның оглу Азария, Карейниң оглу Иоханан өске бүгү бардам улус-биле кады Иеремияга мынча дээннер: «Шын эвес чүве чугаалап тур сен! Дээрги-Чаяакчы Бурганывыс сени „Египетче чорбаңар, аңаа чурттаваңар!“ деп чугаалазын дээш айбылап чоруткан эвес.

Иеремия 8:3

Шак ол бузуттуг аймактың дириг арткан улузунга өлүм амыдыралдан күзенчиг апаар! Мээң оларны үндүр сывырыпканым чер бүрүзүнге, каяа-ла олар дириг артар болдур, ындыг болур» – деп, Аг-шериглиг Дээрги-Чаяакчы медеглээн.

Ыы-сыы 1:14

Дээргиниң холу эптээн дарлал-дөңгү – бачыттарым – мойнум кызып, күчү-күжүм суларатты. Ооң мени хүлээткени холдар быжыг – ушта чүткүп шыдавас мен! ס (самех)

Ыы-сыы 2:17

Дээрги-Чаяакчы бодалдарын боттандырып, эткен сөзүн ээледи. Үе-дүпте аазаан сөзүн күүсетти: хайыра чок сени базып, өжээтенге шоот кылып, дайзыннарың мыйыстарын сүүрертипти. צ (цаде)

Ыы-сыы 5:5

Мойнувуста кадыг дөңгү кедирип каан, могап-түреп, амыр-дыш-даа көрбестээн бис.

Амос 2:14

чүгүрүк-даа кижи дезе бээр арга тыппас, быжыг-даа кижиниң туржуп шыдаар күжү чок апаар, күш-шыдалдыг-даа кижи амы-тынын камгалап шыдавас.

Амос 3:1

Израиль чон, Дээрги-Чаяакчының силерге удур – Бодунуң египет черден үндүре бергени бүгү аймак-чонга удур чугаалаан сөстерин дыңнаңар:

Амос 3:2

«Черниң бүгү аймак-чоннарындан чүгле силерни хүлээп көрген мен, ынчангаш бүгү кем-бурууңар дээш, силерни кезедир мен».

Амос 5:13

Ынчангаш угаанныг кижи ол үеде чүве чугаалавас, чүге дээрге каржы-бак үе болган-дыр.

Михей 2:1

Орун-дөжээнге чыткаш, кемниг херек, бузут үүлгедир бодалдыг улус ат болур! Олар – даң адып кээрге, ук бодалдарын күүседиптер күш-шыдалдыг улус-тур.

Римчилерге 16:4

Олар мен дээш амы-тынын артынга каарынга белен турдулар. Оларга чүгле мен эвес, а өске чоннар улузунуң аразында христиан ниитилелдер база өөрүп четтирип турар.

Эфесчилерге 5:16

Кандыг-даа арганы чөп ажыглаарын оралдажыңар, чүге дээрге бузуттуг-бак чорук көвүдээн үе-дир бо.

Ы. х. к. 28:48

Дээрги-Чаяакчының сеңээ удур салганы дайзыныңга бараан болуп, аштап-суксаар сен, кедер хеви чок, чүү-даа чүвези чок кижи болур сен; Дээрги-Чаяакчы, сээң амы-тыныңны үзүп каггыжеге чедир, мойнуңга демир хомут кедирип каар.

Иаков 2:13

Чүге дээрге өршээл билбес улусту Бурган база өршээл чокка шиидер. А өршээл кезедир шииткелден артык өндүр!