Михей 2:12 - Ыдыктыг Библия

¹² «О, Иаковтуң салгалы, Мен силерни шуптуңарны ыяап чыып аар мен, Израильдиң артынчызын ыяап каттыштырып каар мен. Кажаалаткан хойларны дег, одарга кодан хойну дег, силерни каттыштырып, чыыр мен – бо черни чыылган хөй кижиниң шимээни дола бээр.

Михей 2:12 Iomraidhean Croise

Эге дөс 36:33

Бела өлүп каарга, ооң орнунга Восорадан келген Зерахтың оглу Иовав хааннай берген.

1 Чылдар 1:44

Бела өлүп каарга, ооң орнунга Восорадан келген Зерахтың оглу Иовав хааннай берген.

Исайя 11:11

Ол хүн кээрге, Дээрги холун катап база сунгаш, Бодунуң чонунуң артынчызын Ассириядан, Египеттиң девискээрлеринден, Эфиопиядан, Эламдан, Сеннаардан, Хамат хоорайдан болгаш далайда ортулуктардан дедир эгидип аар.

Исайя 27:12

Ол хүн Дээрги-Чаяакчы Евфрат хемден эгелээш, Египеттиң кызыгаарында хемге чедир бүгү тараа баштарын чыыр – израильчилерни чаңгыстап чыып аар.

Исайя 34:6

Дээрги-Чаяакчының хылыжы өшкү-хой ханынга боражыр, кошкар бүүректериниң үс-чаанга былчажыр. Чүге дээрге Дээрги-Чаяакчы Восора хоорайга өргүл кылзын деп, эдом черге – кыргып-хыдыышкын болзун деп чугаалаан.

Исайя 5:17

Хойлар бо хоорайга одарга-даа дег оъттаар, хураганнар бо хоорайның бузундуларының аразындан чем дилээр.

Иеремия 23:3

Хойларымның артынчызын үндүр сывырыпкан бүгү чурттарымдан чыып алгаш, төрээн аал-оранынче дедир чандырар мен. Олар ынчан өзүп-көвүдээр.

Иеремия 3:18

Ол хүннерде Иудеяның чону Израильдиң чону-биле каттыжып алгаш, соңгу чүкте чурттан силерниң ада-өгбеңерге Мээң берген черимче чоруй баар.

Иезекиил 34:11

Дээрги-Бурган-Чаяакчы мынча дээн болгай: «Хойларымны Мен Бодум дилээр мен, оларны четчелеп, карактаар мен.

Иезекиил 34:13

Оларны өске чоннар аразындан үндүрүп, чурттардан чыып эккелгеш, боттарының черинче дедир чандырар мен. Мен оларны Израильдиң дагларынга, сугларының чанынга, бүгү чурттакчылыг черлерге кадарар мен.

Иезекиил 34:22

Мен Бодумнуң хойларымны камгалаар мен, олар моон соңгаар олча-тывыш болбас; бир хой-биле өске хойнуң аразында чаргыны үзе шиитпирлээр мен.

Иезекиил 34:31

«Силер – Мээң кодан хоюм силер, Мээң одар-белчииримде хойлар силер. Кижилер силер, а Мен – силерниң Бурганыңар-дыр мен». Дээрги-Чаяакчының медеглээн чүвези ол-дур.

Иезекиил 36:37

Дээрги-Бурган-Чаяакчы мынча дээн: «Мен израиль чоннуң мөргүлүнге база катап харыылап, ооң улузун кодан мал дег көвүдедир мен.

Иезекиил 37:21

Дээрги-Бурган-Чаяакчының чугаалаан чүвезин оларга дамчыт: Мен израильчилерни аразында турары чоннардан үндүре бергеш, чер болгандан чыггаш, боттарының черинче чедире бээр деп тур мен.

Осия 1:11

Иудеяның, Израильдиң чону ынчан каттыжып чыылгаш, боттарын чагырар чаңгыс баштыңчы олуртуп алгаш, боттарының черинге үнүш дег өзүп үнүп кээр. Изреелдиң хүнү өндүр улуг болур!

Амос 1:12

Теман черже отту ыдар мен, ол от Восора хоорайның шивээлерин чиптер».

Михей 2:13

Силерниң мурнуңарга орук ажыдыкчызы чоруур; силер хоорайның хаалгазын чаза таварып үне бээр силер. Хааныңар силерниң мурнуңарга чоруур, Дээрги-Чаяакчы силерни баштаар».

Михей 4:8

А сеңээ хамаарыштыр, Сион тей. Сен Бурганның Бодунуң чонун, кадарчы кижи кодан малын хайгаарааны дег, көрүп турар суургазы сен. Биеэги эрге-чагыргаң сенче эглип кээр, Иерусалимге катап база күрүне доктаап турар.

Михей 5:7

Израиль чоннуң артынчызы хөй чоннар аразынга Дээрги-Чаяакчының дүжүргени шалың, оът-сигенде элбек чаъс-чайык суу дег боор; олар улуска идегевес, кижи амытанга ынанмас.

Михей 5:8

Израиль чоннуң артынчызы өске чоннар аразынга, хөй аймактар аразынга черлик аң-мең аразында арзылаң дег, кодан хойлар аразында аныяк арзылаң дег болур – ол халып үнгеш, оларны кемдедип, үзе-чаза тыртар, кым-даа оон адырып шыдавас.

Михей 7:14

Бодуңнуң чонуңну шыкпыыжың-биле кадарып көрем. Сээң өнчүң болур кодан хой шырыштарда аңгы чурттап чоруур-дур, а долгандыр дүжүткүр одар-белчиирлер бар-дыр. Хойларың, шаг шаанда ышкаш, Васан биле Галаад деп эки черлерге оъттазын.

Михей 7:18

Сен ышкаш өске Бурган бар бе? Сен бачытты өршээп турар сен, Бодуңнуң чонуңнуң артынчызының кем-буруузунче көрбейн турар сен. Мөңгези-биле килеңневес-тир сен, чүге дээрге энерел көргүзери Сеңээ таарымчалыг-дыр.

Софония 3:20

Ол үеде Мен силерни чыып алгаш, дедир чандырар мен. Силер көрүп туруңарда, силерге эки чолду эгиткеш, чер-делегейниң бүгү чоннарының аразынга алдар-хүндүлүг чон кылып каар мен». Дээрги-Чаяакчының чугаалаан чүвези ол-дур.