Михей 2:11 - Ыдыктыг Библия

¹¹ Бир эвес мегечи азы бузурукчу кижи келгеш: „Мен силерге арага база өске-даа эзиртир суксун дугайында өттүр билип медеглээр мен“ – дээн болза, ол кижи бо чонга таарымчалыг медээчи боор турган болду бе».

Михей 2:11 Iomraidhean Croise

3 Хааннар 13:18

Кырган медээчи: «Мен база, сен ышкаш, Бурганның медээчизи-дир мен. Дээрги-Чаяакчының төлээзи меңээ Ооң сөзү-биле: „Ону бажыңыңче дедир келдиртип ал – чемненип, сугдан ижип алзын“ – деп чугаалады» – дээн. Кырган медээчи өскезин мегелепкен болган.

3 Хааннар 22:6

Израильдиң хааны Бурганның 400 хире медээчизин чыып алгаш, олардан: «Галаадта Рамотка удур дайылдажып баар мен бе азы барбас бе?» – деп айтырган. Олар: «Барып көрүңер, Дээрги-Чаяакчы ол хоорайны хаанның холунга хүлээдип бээр-дир» – деп харыылаан.

Иов 31:5

Мен меге-биле чурттап чораан мен бе, авыяас-опче буттарым далажып турган бе?

Чугаалар 25:14

Хей черге белектер аазаар кижи – булуттар биле хат турда-ла, чаъстың чагбайн барганы дег.

Исайя 28:7

Арага ижип алгаш, тендирип, эзиртир суксун ижип алгаш, элеңейнип турар улустуң аразында Бурганның бараалгакчызы, медээчизи безин бар-дыр! Олар эзирээш, ол-бо тендиңнеп тур, арага оларның угаанын ээдередипкен-дир! Эзиртир суксундан угааны албаарап, көстүүшкүннеринге соора билип, частырыглыг шиитпир үндүрүп тур.

Исайя 9:15

Баш дээрге баштыңнар болгаш ызыгууртаннар-дыр, кудурук дээрге меге чүвеге өөредир бүдүү билирлер-дир.

Иеремия 14:14

Дээрги-Чаяакчы меңээ: «Ол медээчилер Мээң адым тудуп, мегелеп медеглеп турар-дыр! Мен оларны айбылап чорутпаан, оларга айтыышкыннар бербээн, олар-биле чугаалашпаан мен. Менден келбээн меге ажыдыышкыннар, хоозун төлге, боттарының даап бодаан чүүлдерин өттүр билген медеглелдер кылдыр силерге чугаалап турар улус-тур» – дээн.

Иеремия 23:14

Мээң Иерусалимде медээчилерим коргунчуг чүүл үүлгедип турарын база көрүп тур мен; олар самыыраан, мегеге башкартып чурттап чоруур, бузуттуг хейлерниң холун быжыктырып, деткиир улус-тур, ооң түңнелинде бузуттуг хейлер бак херектерин кагбас-тыр. Мээң мурнумга олар шупту Содом дег, Иерусалимниң чурттакчылары – Гоморра дег!»

Иеремия 23:17

Олар Мени бак көөр улуска: „Силерге амыр-тайбың турарын Дээрги-Чаяакчы чугаалаан!“ – деп катаптап чугаалаар-дыр. Чөрүү чүрээниң аайы-биле кылып турар бүгү улуска олар: „Айыылга таварышпас силер!“ – дээр-дир».

Иеремия 23:25

«Мээң адым тудуп, мегелеп өттүр билип медеглеп турар медээчилер чүү деп турарын дыңнаан мен. Олар: „Мен дүш көрдүм, дүш көрдүм!“ – дээр-дир.

Иеремия 23:32

Меге дүштерин чугаалаан медээчилерге удур мен! – деп, Дээрги-Чаяакчы медеглээн. – Олар дүштерин чугаалап, боттарының бардамы-биле, мегези-биле Мээң чонумну будулдуруп турар. Мен оларны айбылап чорутпаан мен, оларга айтыышкын бербээн мен. Олар бо чонга кандыг-даа ажык-дуза чедирбес». Дээрги-Чаяакчының медеглээн чүвези ол-дур.

Иеремия 28:15

Иеремия медээчи Анания медээчиге мынча дээн: «Анания, мени дыңна! Дээрги-Чаяакчы сени айбылап чорутпаан-дыр, сен бо чонну мегелеп, ынандырган-дыр сен.

Иеремия 5:31

бүдүү билирлер мегелеп медеглээр-дир, Бурганның бараалгакчылары боттарының туразы-биле улусту чагырар-дыр, Мээң чонумга ол чорук таарымчалыг-дыр. Ол бүгүнүң хараазында силер-биле чүү боор деп?

Ыы-сыы 2:14

Медээчилериң сеңээ хей-ле меге, хоозун чүүлдер оштаан, салым-чолуң өскертир дээш, кем-бурууң ажытпааннар, меге-биле дуурайлап, сени будап каапканнар! ס (самех)

Иезекиил 13:22

Чөптүг-шынныг кижилерниң сеткил-хөңнүн аартырын күзевейн турумда-ла, боттарыңарның мегеңер-биле оларның сеткил-чүрээн муңгараткан силер, кем-буруулуг улусту бузут-бактыг оруктарындан ойталавас кылдыр деткип, оларга амы-тынын камгалап аар арга бербейн турар силер.

Осия 7:14

Олар орун-дөжээнге човууртап чыткаш, кажан-даа боттарының сеткил-чүрээнден Менден дуза дилеп кыйгырбады; олар чыглып турза-даа, чүгле далган-тараа чииринге, арага ижеринге өйлежип, Менден ойталаар болду.

Михей 3:11

Иерусалимниң баштыңнары хээли ап, шиидип турар-дыр, Бурганның бараалгакчылары төлевир ап, өөредип турар-дыр, Бурганның медээчилери акша-мөңгүн ап, төлгелеп турар-дыр. Ооң кадында Дээрги-Чаяакчыга даянып: «Дээрги-Чаяакчы бистиң аравыста эвес чүве бе? Бисти айыыл-халап таварбас!» – дижирлер.

Михей 3:5

Дээрги-Чаяакчы мынча дээн: «Мээң чонумну будулдуруп турар бүдүү билирлерге хамаарыштыр. Силерни чемгерер улуска амыр-тайбың медеглээр-дир силер, а аъш-чем бербес улуска кыжанып, дайын чарлаар-дыр силер.

Римчилерге 16:18

Чүге дээрге олар Дээргивис Христоска эвес, а боттарының күзээшкиннеринге бараан бооп турарлар. Олар авыяас-чашпаа болгаш каас-коя сөстери-биле бүзүрээчел кенен улусту дуурайлап кааптарлар.

Филипчилерге 3:19

Оларның салым-чолу – өлүм-чидим, оларның бурганы – хырын, олар боттарын бужартаткан чүүлдерни макталга төлептиг деп санап турар. Оларның байгы бодалдары чүгле бо делегейниң ажыл-херээнче угланган.

1 Иоанн 4:1

Ханы ынак эш-өөр, «Өттүр билип медеглээр сүлделиг мен» дээр кижи бүрүзүнге-ле бүзүревеңер, харын оларның сүлделери Бургандан келген бе дээрзин үргүлчү хынап көрүңер. Чүге дээрге бо делегейге хөй санныг меге медээчи келгеш, тарай берген-дир.