Михей 2:10 - Ыдыктыг Библия

¹⁰ Дораан чоруй барыңар – бо черге ам амыр-дыш турбас, ону арыг эвези дээш буурадып каар, ол болза коргунчуг буураашкын боор.

Михей 2:10 Iomraidhean Croise

3 Хааннар 9:7

Мен израиль чонну силерге берген Мээң черимге турбас кылдыр узуткап каар мен, Бодумнуң алдар-адымга дээш ыдыктап кааным бо өргээден ойталаар мен. Израиль ынчан бүгү чоннарга бужар үлегер-чижек, кочу-шоот апаар.

4 Хааннар 15:29

Факейниң Израильди чагырып турган үезинде Ассирияның хааны Тиглат-Пилесер халдап келгеш, Ийон, Авел-Бет-Мааха, Ианох, Кедес болгаш Асор хоорайларны, Галаад биле Галилеяның девискээрлерин, Неффалимниң аймааның бүгү черин эжелеп алгаш, чонну Ассирияже тудуп алгаш барган.

4 Хааннар 17:6

Осияның чагыргазының тоску чылында Салманассар Самарияны эжелеп ап, израильчилерни Ассирияже тудуп аппаргаш, оларны Халахка, Хавор хем чанында Гозанга болгаш Мидияның хоорайларынга чурттадып каан.

2 Чылдар 7:20

Мен израиль чонну силерге берген Мээң черимден дазылы-биле тура тыртып каар мен, Бодумнуң алдар-адымга дээш ыдыктап кааным бо өргээден ойталаар мен. Израильди ынчан бүгү чоннарга бужар үлегер-чижек, кочу-шоот кылып каар мен.

Ырлар 106:38

Дээрги-Чаяакчы улуска ачы-буянын хайырлап турар, олар аажок өзүп-көвүдээр, оларның мал-маганын Ол немеп бээр.

Ырлар 95:11

Дээрлер өөрүп-хөглезин, чер-делегей өөрүп-байырлазын; далай болгаш ону долган бүгү чүве шимээргеп доюлзун!

Иеремия 10:18

Чүге дээрге Дээрги-Чаяакчы: «Мен бо удаада шак бо черниң чурттакчыларын үндүр сывырып, айыыл-халапка таварыштырар мен, оларны дайзыннары тудуп алзын» – дээн-дир.

Иеремия 3:2

Тас тейлерже көрүжүң шигле, ында сээң самыырап турбааның чер бар-дыр бе? Ээн кургаг ховуда чорумалдар кеденген араб кижи дег, таныштарыңны орук кыдыынга манап турдуң. Бодуңнуң самыыраашкын болгаш бузудуң-биле черни бужартаттың.

Иеремия 9:19

Сион тейден: «Ат болдувус! Аажок бак атка кирдивис! Черивисти каап чоруп тур бис, оран-сававыс бузулган-дыр» – дээн ыы-сыы дыңналып тур.

Иезекиил 36:17

«Кижи амытан, израиль чон бодунуң черинге чурттап тургаш, ону бодунуң ажыл-херээ база үүлгедиглери-биле бужартадып алган. Чоннуң оруу Мээң мурнумга ай демдээ көрүп турар херээжен кижиниң арыг эвези дег болган.

Иезекиил 36:19

Мен израильчилерни өске чоннар аразынга тоо быдарадып каан мен; олар аңгы-аңгы чурттарже тарадыр сывыртадыпкан; Мен оларны ажыл-херээн ёзугаар база үүлгедиглерин ёзугаар шиидип турдум.

Ы. х. к. 12:9

Силер ам-даа амыр-дыш черинче – Дээрги-Чаяакчы Бурганыңарның силерге хуваап берип турар черинче кирбээн-дир силер.

Ы. х. к. 30:18

сеңээ бөгүн сагындырып тур мен: ээлеп чурттаар дээш Иорданны кежип турарың черге үр чурттавайн, өлүп каар сен.

Ы. х. к. 4:26

Ынчаар болзуңарза, бөгүн дээр биле черни силерге удур херечилер кылдыр кыйгырып, сагындырып тур мен: ээлеп алыр дээш Иорданны кежип турарыңар черден доп-дораан ис чок чиде бээр силер, аңаа үр-даа чурттавайн, узуткаттырып аар силер!